14 jasar qazaq qyzy amerıkandyq BAQ-qa Mońǵolııadaǵy búrkitshi dástúrleri týraly aıtyp berdi
Otto Bell Nıý-Iorkte jumys jasaıtyn Ulybrıtanııa rejısseri. Ol 15-ke tarta qysqa metrajdy fılmder túsirdi.
Aısholpan týraly fılm túsirýdi ol 2014 jylǵy sáýirde Internette ornalastyrylǵan onyń fotosýretin kórgennen keıin uıǵardy.
Aısholpan Mońǵolııadaǵy belgili ańshy-qazaq Aǵylaıdyń qyzy, ol osy kóne ańshylyq dástúrin meńgergen álemdegi birden-bir qyz bolsa kerek.
Amerıkandyq «Park City Television» televızııasynyń «Park City Television» tańerteńgilik shoýynda Aısholpan óziniń ańshylyq óneri týraly yqylaspen aıtyp berdi, onyń «Aq qanat» dep atalatyn óz búrkiti bar. Aǵasy Armııaǵa qyzmetke attanǵannan keıin ákesi ejelgi kóshpelilerdiń osynaý ejelgi ónerine qyzyn shyndap úırete bastady.
Ákesiniń aıtýynsha, qyzy osynaý ejelgi kásipke ózi den qoıa bastaǵan. Sondyqtan da ol qyzynyń osy kásipti qushtarlyqpen úırengen tamasha qabiletine tánti bolǵan.
Fılmde rejısser osynaý názik jannyń búkil dástúrli kedergilerdi attap ótip, erlermen qatar búrkitshiler festıvalinde saıysqa túsýge nıetin baıandaıdy.
Búrkit qyran tuqymynan, halyq ony qasterlep, «altyn qyran» dep ataıdy, óıtkeni onyń basy men moınynda qońyr-altyn qaýyrsyny bar.
Jyl saıyn etnıkalyq qazaqtar Baıólke provıntsııasyndaǵy Búrkitshiler qaýymdastyǵy men jergilikti qazaqtar qoǵamdastyǵy ótkizetin búrkitshiler festıvaline qatysady, onyń barysynda árkim ózderi baptap ósirip otyrǵan qustarynyń ónerin, ańǵa shyqqandaǵy eptiligi men shapshańdyǵyn kórsetedi.
Baıólke provıntsııasy Altaı taýlarynyń eteginde ornalasqan, sondaı-aq bul jer baǵzy zamandardan beri kóshpeli qazaqtardyń týǵan ólkesi bolyp keledi. olar ózderiniń tilin, mádenıeti men dástúrlerin saqtaýda.
Ańǵa qus salý tamaq tabýdyń ǵana qareketi emes, sonymen qatar óner jáne oıyn-saýyq túri bolyp sanalady. Qazaqstanda da bul óner óte damyp keledi. 2010 jyly búrkitshilik ıÝNESKO-nyń adamzattyń materıaldyq emes mádenıetiniń tizimine engizildi.
«Sandens» - táýelsiz kıno óneriniń halyqaralyq festıvali. Ol AQSh-tyń ıÝta shtatynda Sıtı-Parkte jyl saıyn qańtardyń sońyna qaraı ótkizilip keledi. Sandens kınoınstıtýtynyń negizin 1981 jyly Robert Redford qalaǵan bolatyn. Alǵashqy festıval 1985 jyly ótkizildi, oǵan 86 kartına qatysty.
