14 sýdıa men sot júıesiniń qyzmetkeri «Bolashaq» baǵdarlamasynyń stıpendıaty atandy
Stıpendıattar - Joǵarǵy sottyń sýdıasy Madııar Balken, Astana qalasynyń azamattyq ister jónindegi sot alqasynyń tóraǵasy Berik Estaı, Qazaqstan Respýblıkasynyń Áskerı sotynyń qylmystyq ister jónindegi sot alqasynyń tóraǵasy Jandos Musabekuly, Batys Qazaqstan oblysynyń mamandandyrylǵan aýdanaralyq ekonomıkalyq sotynyń tóraǵasy Isataı Smatov.
Respýblıka sot júıesiniń 13 ókili 2017 jyldyń sáýir aıynan qazan aıyna deıin Ulybrıtanııada ǵylymı-praktıkalyq taǵylymdamadan ótedi.
Tar sheńberde mamandandyrylǵan oqý baǵdarlamasy Ulybrıtanııanyń eki ýnıversıtetiniń áriptestigimen («Law Society») Aǵylshyn jáne Ýels Zańgerler qoǵamynyń járdemdesýimen uıymdastyrylǵan. Baǵdarlama zań termınologııalar boıynsha kýrstardan, Ulybrıtanııanyń sot júıesi men advokattar palatalarynda praktıkalyq bólikterden, akademııalyq kýrstardan turady. Budan basqa, praktıkalyq bóligi zańdy semınarlardan, sot protsesteri men zańdy is-sharalar kórsetilimderimen tolyqtyrylady.
1 stıpendıat - Batys Qazaqstan oblysynyń Oral qalasynyń № 2 sotynyń sýdıasy Raýshan Isabekova (2016 jyldyń qazan aıynan 2017 jyldyń qazan aıyna deıin) taǵylymdamasyn Nıý-Iork pen Bostan (AQSh) qalalarynda Garvard Ýnıversıtetiniń baǵdarlamasy boıynsha bastap ketti. Baǵdarlamaǵa «Halyqaralyq qarjy ortalyqtaryn basqarý jáne damytý: Astananyń Halyqaralyq qarjy ortalyǵyna halyqaralyq modelder men tájirıbeniń beıimdelýi jáne normatıvtik taldaý» taqyrybyna tezıster men referattardy jazý engizilgen.
«Bolashaq» halyqaralyq stıpendııasyn taǵaıyndaý úshin 2017 jylǵy basym mamandyqtar tizimine «Quqyq» mamandyǵyn engizý, Qazaqstan tájirıbesine ári qaraı engizý úshin, qazaqstandyq sýdıalardy aǵylshyn qoǵamynyń jáne kommertsııalyq quqyqtyń negizderimen qamtamasyz etýge baǵyttalǵan.
Komıssııa sheshimimen barlyǵy magıstratýra jáne doktorantýrada bilim alatyn 231 úmitkerge stıpendııa taǵaıyndaldy, sondaı-aq álemniń jetekshi ǵylymı jáne óndiristik ortalyqtaryna taǵylymdamadan ótýge jiberiledi.
