14 myń túlek UBT-nyń shekti deńgeıin tapsyra almady

ASTANA. QazAqparat - UBT-nyń oblystar boıynsha nátıjesi jarııalandy, dep habarlaıdy QazAqparat.

QR Bilim jáne ǵylym mınıstrliginiń aqparaty boıynsha, 1 shildede aıaqtalǵan Biryńǵaı ulttyq testileýge 88 595 túlek qatysty. 67 627 adam qazaq tilinde, 20 968 adam orys tilinde testileýden ótti.

Eń kóp qatysýshy -  21 327 adam Ońtústik Qazaqstan oblysynda tirkeldi. 84% túlek 2017 jylǵy UBT-da joǵary oqý ornyna túsýge qajetti shekti deńgeıdi sátti eńserdi. Alaıda eń joǵary 140 baldy bıyl eshkim ala almady.
14 066 túlek UBT shekti deńgeıin eńsere almady. Onyń 1 595-i Almaty oblysynan, 1 265-i Jambyl oblysynan, 1 070-i Shyǵys Qazaqstan oblysynan, 821-i Atyraý oblysynan.