14 qazan. Tulǵalar týǵan kún
Búgin, 14 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
77 jyl buryn (1947) Qazaqstannyń memleket jáne qoǵam qaıratkeri, Qazaqstannyń Eńbek Eri, «KAZENERGY» qaýymdastyǵy tóraǵasynyń orynbasary Uzaqbaı Súleımenuly QARABALIN dúnıege keldi.
Atyraý oblysy Embi aýdany Qosshaǵyl kentinde týǵan. 1970 jyly I.M. Gýbkın atyndaǵy Máskeý munaı-hımııa jáne gaz ónerkásibi ınstıtýtyn «Munaı men gaz kenishterin ıgerýdiń keshendi mehanızatsııasy jáne tehnologııasy» mamandyǵy boıynsha bitirdi.
Eńbek joly: 1973-1974 jyldary «Qazmunaıgazbarlaý» basqarmasy Ońtústik Embi munaı-gaz barlaý ekspedıtsııasynyń ınjener-tehnologi, 1974-1981 jyldary Qazaq ǵylymı-zertteý geologııalyq barlaý munaı ınstıtýtynyń shaıylmaly eritindiler, burǵylaý tehnologııasy zerthanasynyń meńgerýshisi, 1981-1988 jyldary Qazaq ǵylymı-zertteý geologııalyq barlaý munaı ınstıtýty dırektorynyń ǵylymı jumys jónindegi orynbasary bolyp eńbek etti. 1988-1990 jyldary «Kaspıı mańy geologııa» bas aýmaqtyq basqarmasy tereńdeı burǵylaý basqarmasynyń basshysy, 1990-1991 jyldary V.I. Lenın atyndaǵy Qazaq polıtehnıkalyq ınstıtýtynyń Gýrev fılıalynyń kafedra meńgerýshisi, 1991-1992 jyldary QR Prezıdenti Apparatynyń jáne QR Mınıstrler kabınetiniń ónerkásip bóliminiń aǵa referenti, 1992-1994 jyldary QR Energetıka jáne otyn resýrstary mınıstrliginiń munaı jáne gaz bas basqarmasynyń basshysy, 1994-1997 jyldary QR Energetıka jáne otyn resýrstary mınıstriniń, QR Munaı jáne gaz ónerkásibi mınıstriniń orynbasary boldy. 1997-2000 jyldary «Qazaqoıl» UMK birinshi vıtse-prezıdenti, 2000-2001 jyldary «QazTransGaz» JAQ prezıdenti, 2001-2003 jyldary QR Energetıka jáne mıneraldy resýrstar vıtse-mınıstri, 2003-2008 jyldary «QazMunaıGaz» Ulttyq kompanııasy» AQ prezıdenti, 2008-2013 jyldary «MańǵystaýMunaıGaz» AQ bas dırektory, 2013-2014 jyldary QR Munaı jáne gaz mınıstri, 2014-2016 jyldary QR Energetıka mınıstriniń birinshi orynbasary bolyp qyzmet atqardy. 2016 jyldan «KAZENERGY» qaýymdastyǵy tóraǵasynyń orynbasary qyzmetterin atqardy.
ІІІ dárejeli «Barys» (2005), «Qurmet» (2000), «Lıder rossııskoı ekonomıkı» (2005) ordenderimen; «Qazaqstan Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006) mereıtoı medaldarymen; «Qazaqstan Respýblıkasynyń qurmetti sport qaıratkeri» (2007) medalimen; «KSRO jer qoınaýyn barlaý úzdigi» (1988) tósbelgisimen marapattalǵan.
«Qazaqstan Respýblıkasynyń qurmetti jer qoınaýyn barlaýshysy» (2003) ataǵyn; «Kazenergy» Eýrazııa energetıkalyq forýmynda «Jyl adamy» ataǵyn, «Altyn Prometeı» syılyǵyn (2009) alǵan; «Qazaqstannyń Eńbek Eri» (2011).
76 jyl buryn (1948) «Caspian Group» AQ Dırektorlar keńesiniń tóraǵasy ıÝrıı Andreevıch TsHAI dúnıege keldi.
Jambyl oblysynda týǵan. 1972 jyly Qyrǵyz memlekettik dene shynyqtyrý jáne sport ınstıtýtyn «Dene shynyqtyrý jáne sport» páni muǵalimi mamandyǵy boıynsha bitirgen.
Eńbek joly: 1968 jyly «Lokomotıv» qoǵamynyń Shý aýdandyq keńesiniń jattyqtyrýshysy, 1968-1980 jyldary orta mektep muǵalimi, Shý qalasyndaǵy BJSM dırektorynyń orynbasary, Jambyl oblysy boksshylar komandasynyń aǵa jattyqtyrýshysy bolyp eńbek etti. 1980-1989 jyldary QazKSR, Keńes Odaǵy qurama komandalarynyń bokstan jattyqtyrýshysy, 1989-1991 jyldary Ońtústik Koreıa quramasynyń bokstan jattyqtyrýshysy, 1991-2007 jyldary «Dostar» kompanııasynyń prezıdenti qyzmetterin atqardy. 2007 jyly QR Týrızm jáne sport mınıstriniń keńesshisi bolyp taǵaıyndaldy. 2004-2007 jyldary «Kaspıı ınvestıtsııalyq holdıngi» AQ prezıdenti, dırektorlar keńesiniń negizin qalaýshy jáne tóraǵasy (qazirgi «Caspian Group» AQ) boldy. 2007-2013 jyldary QR Parlament Senatynyń depýtaty, Qarjy jáne bıýdjet komıtetiniń múshesi boldy.
«Qurmet», «Dostyq» ordenderimen marapattalǵan.
60 jyl buryn (1964) jazýshy, dramatýrg Roza Qajyǵalymqyzy MUQANOVA dúnıege keldi.
Shyǵys Qazaqstan oblysy Úrjar aýdanynda týǵan. Qazaq memlekettik ýnıversıtetiniń (ál-Farabı atyndaǵy Qazaq ulttyq ýnıversıteti) jýrnalıstıka fakýltetin bitirgen.
Ortalyq murajaıdyń Ádebıet jáne óner bóliminde, Qazaqstan Jazýshylar odaǵynyń Aýdarma alqasynyń aǵa redaktory, QR Aqparat mınıstrliginiń jaýapty qyzmetkeri bolǵan.
«Jaryq dúnıe», «Qyz jylaǵan», «Dúnıe kezek», «Qudiret-Kıe», «Máńgilik bala beıne» áńgimeleri men dramalyq shyǵarmalardyń avtory. 2001 jyly Rabǵuzıdiń «Qıssa-súl-Ánbıı-ıa» kitabyn qazaq tiline tárjimalaǵan. 1996 jyly M. Áýezov atyndaǵy Qazaq memlekettik akademııalyq drama teatrynda «Máńgilik bala beıne» pesasy qoıyldy. 1997 jyly Ǵ. Músirepov atyndaǵy memlekettik akademııalyq jastar men balalar teatrynda M. Áýezovtiń «Qaraly sulý» áńgimesiniń jelisinde jazylǵan dramalyq qoıylymy sahnalandy. 2001 jyly Sh. Aımanov atyndaǵy «Qazaqfılm» kınostýdııasy «Qyz jylaǵan» áńgimesiniń jelisimen kıno túsirdi.
Qazaqstan Jastar syılyǵynyń, «Alash» halyqaralyq ádebıet syılyǵynyń ıegeri.
55 jyl buryn (1969) Qorǵanys mınıstriniń orynbasary - Qazaqstan Respýblıkasy Qarýly Kúshteri Áýe qorǵanysy kúshteriniń bas qolbasshysy Dáýren Jumataıuly QOSANOV dúnıege keldi.
Pavlodar oblysynda týǵan. 1990 jyly Armavır joǵary áskerı avıatsııalyq ushqyshtar ýchılışesin, Áskerı-áýe akademııasyn bitirgen.2005 jyly ıÝ. A.Gagarın atyndaǵy Áskerı-áýe akademııasyn, 2013 jyly Reseı Federatsııasy Qarýly Kúshteri Bas shtabynyń Áskerı akademııasyn bitirgen.
Úsharal jaýyngerlik polkinde qyzmet etti. Taldyqorǵandaǵy "Sý-27" eskadrılıasynyń komandıri, Qaraǵandy avıabazasy shtabynyń bastyǵy;
Shymkent avıabazasynyń komandıri, QR Qarýly Kúshteri Áýe qorǵanysy kúshteri Áskerı-áýe kúshteriniń qolbasshysy, Aqtóbe qalasyndaǵy Áýe qorǵanysy kúshteri Áskerı ınstıtýtynyń dırektory qyzmetin atqarǵan. 2022 jylǵy 29 jeltoqsanda QR Prezıdentiniń buıryǵymen QR Qarýly Kúshteriniń Áýe qorǵanysy kúshteriniń Bas qolbasshysy laýazymyna taǵaıyndaldy.
Qazirgi qyzmetin 2024 jyldyń qyrkúıeginen beri atqaryp keledi.
II dárejeli "Dańq" ordenimen, "Jaýyngerlik erigi úshin" medalimen jáne mereıtoılyq medaldarmen marapattalǵan.
52 jyl buryn (1972) «QazMunaıGaz» Ulttyq kompanııasy AQ Basqarma tóraǵasynyń orynbasary Serikqalı Amanǵalıuly BREKEShEV dúnıege keldi.
Pavlodarda týǵan. 1995 jyly Aqtaý polıtehnıkalyq ınstıtýtyn «Munaı jáne gaz ken oryndaryn ıgerý, taý-ken ınjeneri» mamandyǵy boıynsha bitirgen.
Eńbek jolyn «Qazaqstan-Reseı saýda úıi» birlesken kásiporynda bastady. 1997 jyly Aqtaý qalasy boıynsha Salyq bóliminiń ınspektory bolyp jumys istedi. 1997-1998 jyldary «Mańǵystaýmunaıgaz» AQ-ǵa qarasty «Munaı-germes» materıaldyq-tehnıkalyq qamtamasyz etý jáne ónimdi ótkizý basqarmasy fılıalynyń arnaıy tehnıka jáne qosalqy bólshekter kóligi bóliminiń, sondaı-aq qubyrlar men metall buıymdary bóliminiń ınjeneri, 1998-2006 jyldary «QaraqudyqMunaı» JAQ-ta ınjener, munaı óndirý sheberi, kenish menedjeri bolyp eńbek etti. 2007-2010 jyldary QR Energetıka jáne mıneraldyq resýrstar mınıstrligi munaı ónerkásibi departamentiniń munaı jobalaryn monıtorıngteý men normatıvtik-tehnıkalyq saıasat basqarmasynyń bastyǵy, gaz ónerkásibin damytý departamenti dırektorynyń orynbasary, 2010-2014 jyldary QR Munaı jáne gaz mınıstrliginiń gaz ónerkásibin damytý departamentiniń dırektory qyzmetin atqardy. 2014-2015 jyldary «BNG LTD» JShS bas dırektorynyń orynbasary, 2015-2020 jyldary «QazTransGaz» AQ-ta tehnıkalyq saıasat departamentiniń dırektory, GTJ basqarý jónindegi basqarýshy dırektor, tehnıkalyq saıasat jónindegi basqarýshy dırektor, bas dırektordyń resýrstyq bazany damytý jáne tehnıkalyq saıasat jónindegi orynbasary, 2020-2023 jyldary QR Ekologııa, geologııa jáne tabıǵı resýrstar vıtse-mınıstri, mınıstri laýazymyn atqarǵan.
Qazirgi qyzmetin 2023 jyldyń aqpan aıynan bastap atqaryp keledi.
52 jyl buryn (1972) Qazaqstan Respýblıkasynyń Ýkraınadaǵy Tótenshe jáne Ókiletti Elshisi Darhan Amanuly KÁLETAEV dúnıege keldi.
Shyǵys Qazaqstan oblysynda týǵan. 1994 jyly Shyǵys Qazaqstan memlekettik ýnıversıtetin tarıhshy mamandyǵy boıynsha jáne 1997 jyly QR Prezıdenti janyndaǵy Ulttyq Joǵary memlekettik basqarý mektebin bitirgen.
Eńbek jolyn 1995 jyly QR Mınıstrler Kabıneti janyndaǵy Til komıtetinde maman retinde bastaǵan. 1995-1996 jyldary QR Ulttyq saıasat jónindegi memlekettik komıtetiniń bas mamany boldy. 1997 jyly QR Bilim jáne mádenıet mınıstrligi Til saıasatyn úılestirý departamentiniń basqarma bastyǵynyń orynbasary, 1997-2002 jyldary QR Aqparat jáne qoǵamdyq kelisim mınıstrliginiń Jastar saıasaty bóliminiń bastyǵy, Іshki saıasat departamenti dırektorynyń orynbasary qyzmetin atqardy. 2002 jyly QR Mádenıet, aqparat jáne qoǵamdyq kelisim mınıstrligine Jastar saıasaty departamentiniń dırektory retinde aýysady. 2002-2007 jyldary Іshki saıasat basqarmasynyń sektor meńgerýshisi, Іshki saıasat bóliminiń meńgerýshisi, Іshki saıasat basqarmasynyń áleýmettik-saıası bóliminiń meńgerýshisi, áleýmettik-saıası bóliminiń meńgerýshisi, QR Prezıdenti Ákimshiliginiń Memlekettik baqylaý jáne uıymdastyrý jumysy bóliminiń meńgerýshisi bolyp jumys istedi. 2007-2008 jyldary QR Prezıdenti Ákimshiligi Basshysynyń orynbasary, 2009-2016 jyldary «Samuryq-Qazyna» Ulttyq ál-aýqat qory» AQ-nyń Basqarýshy dırektory, 2018 jyly QR Din isteri jáne azamattyq qoǵam mınıstri, 2018-2019 jyldary QR Qoǵamdyq damý mınıstri qyzmetin atqardy. 2019 jyly QR Premer-Mınıstri Keńsesiniń basshysy, keıin QR Prezıdent Ákimshiligi Basshysynyń birinshi orynbasary qyzmetin atqardy.
Qazirgi laýazymyn 2020 jylǵy aqpannan bastap atqaryp keledi.
44 jyl buryn (1980) VIII saılanǵan Qazaqstan Respýblıkasy Parlamenti Májilisiniń depýtaty, Áleýmettik-mádenı damý komıtetiniń múshesi Ardaq Quttyqojauly NAZAROV dúnıege keldi.
Almaty oblysy, Raıymbek aýdany, Qaqpaq aýylynda dúnıege kelgen. 2011 jyly Abaı atyndaǵy Qazaq Ulttyq pedagogıkalyq ýnıversıtetin «Quqyqtaný» mamandyǵy boıynsha, Qazaq qatynas joldary ýnırvesıtetin «Ekonomıka» mamandyǵy boıynsha, 2014 jyly Qazaq sport jáne týrızm akademııasyn «Dene shynyqtyrý jáne sport» mamandyǵy boıynsha aıaqtady.
Djıý-djıtsýdan Qazaqstan chempıony (1999, Almaty), aralas jekpe-jekten úsh márte álem chempıony jáne álem kýbogynyń ıegeri, Eýrazııanyń eki márte chempıony (2001, Astana, 2002,Qaraǵandy). Azııa chempıony (2003, Bishkek,Qyrǵyzstan), Eýropa-Azııa týrnıriniń jeńimpazy (2005, Ekaterınbýrg, Reseı). Eýropa chempıony (2007, Tallın, Estonııa). Erejesiz jekpe-jekten Qazaqstan Respýblıkasynyń eńbek sińirgen sport sheberi.
Qyzmetin 2023 jyldyń naýryz aıynan beri atqaryp keledi.