14 qarasha. Tulǵalar týǵan kún

ASTANA. QazAqparat - Búgin, ıaǵnı 14 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

75 jyl buryn (1947) Qazaqstan Respýblıkasy Parlament Senaty janyndaǵy Senatorlar keńesiniń múshesi Qýanysh Aıtahanuly AITAHANOV dúnıege keldi.

Ońtústik Qazaqstan oblysynda týǵan. Máskeý mal dárigerlik akademııasyn, Almaty joǵary partııa mektebin bitirgen. Mal dárigeri, saıasattanýshy. Ekonomıka ǵylymdarynyń kandıdaty. Qazaqstan Respýblıkasy Joǵarǵy Keńesi on ekinshi shaqyrylymynyń depýtaty bolyp saılanǵan. Ońtústik Qazaqstan oblysynyń Arys qalasy, Sozaq, Saıram jáne Otyrar aýdandarynyń ákimi bolyp qyzmet istegen. QR Parlamenti Senatynyń depýtaty, Tabıǵatty paıdalaný jáne aýyldyq aýmaqtardy damytý komıtetiniń múshesi, Táýelsiz Memleketter Dostastyǵyna qatysýshy memleketterdiń Parlamentaralyq Assambleıasynyń. Ulybrıtanııa jáne Soltústik Irlandııa Qurama Koroldiginiń Parlamentimen, Japonııa Keńesshiler Palatasymen yntymaqtastyq tobynyń múshesi boldy.

«Qurmet belgisi», «Qurmet», «Parasat» ordenderimen jáne birneshe medalmen marapattalǵan.

58 jyl buryn (1964) Aqtóbe oblysynyń prokýrory Halıdýlla Zınollauly DÁÝEShOV dúnıege keldi.

Atyraý oblysy, Mahambet aýdanynda týǵan. 1991 jyly S.Kırov atyndaǵy Qazaq memlekettik ýnıversıtetin bitirgen.

Prokýratýra organdaryndaǵy qyzmetin 1991 jyly burynǵy Gýrev oblysy Gýrev qalalyq prokýratýrasynyń tálimgeri bolyp bastaǵan. 1992-1994 - Atyraý qalasy prokýrorynyń kómekshisi. 1994-1999 – Atyraý oblystyq prokýratýrasynyń bólim prokýrory, bólim aǵa prokýrory, azamattardyń quqyqtary men bostandyqtarynyń saqtalýyn qadaǵalaý bóliminiń bastyǵy. 1999-2002 – Qazaqstan Respýblıkasy Bas prokýratýrasynyń áleýmettik-ekonomıkalyq salada zańdylyqty qadaǵalaý boıynsha departamentiniń aǵa prokýrory, Arnaıy prokýrorlar jáne jedel-izdestirý qyzmetiniń zańdylyǵyn qadaǵalaý departamentiniń aǵa prokýrory. 2002-2012 - Batys Qazaqstan oblysy Oral qalasynyń prokýrory, Atyraý oblysynyń Jylyoı jáne Maqat aýdanynyń jáne Atyraý qalasynyń prokýrory. 2012-2016 – Jambyl jáne Batys Qazaqstan oblysy prokýrorynyń orynbasary. 2016-2019 jyldary Qyzylorda oblysynyń prokýrory boldy. 2019-2022 jyldary Atyraý oblysynyń prokýrory

Qazirgi qyzmetinde – 2022 jyldyń shildesinen.

39jyl buryn (1983) Qazaqstan Respýblıkasynyń Ulttyq ekonomıka mınıstri Álibek Sákenuly QÝANTYROVdúnıege keldi.

Gýrev (Atyraý) qalasynda týǵan. 2005 - 2006 jyldary Tomsk memlekettik ýnıversıtetin «Qarjy jáne kredıt» jáne «Lıngvıstıka jáne mádenıetaralyq kommýnıkatsııa» mamandyqtary boıynsha támámdaǵan. 2008 - 2010 jyldary Mıchıgan ýnıversıtetin «Qoldanbaly ekonomıka magıstri» dárejesimen «Bolashaq» halyqaralyq stıpendııasy boıynsha támamdaǵan. Prezıdenttik jastar kadrlyq rezerviniń múshesi.

2005 jyly qyrkúıek aıynan bastap 2006 jyly aqpan aıyna deıin Qazaqstan Respýblıkasy Ekonomıka jáne bıýdjettik josparlaý mınıstrligi Іshki ákimshilik departamenti, Halyqaralyq qatynastar departamentiniń jetekshi mamany retinde qyzmet atqarǵan. 2007 jyly Japonııanyń Qarjy mınıstrliginde ekonomıkalyq saıasat boıynsha eki aılyq taǵylymdamadan ótken. 2006 jyly aqpan aıynan bastap 2010 jyly qazan aıyna deıin Qazaqstan Respýblıkasy Ekonomıka jáne bıýdjettik josparlaý mınıstrligi Investıtsııalyq saıasat jáne josparlaý departamentiniń sarapshysy jáne Qazaqstan Respýblıkasy Ekonomıkalyq damý jáne saýda mınıstrligi atalǵan departamentiniń bas sarapshysy bolyp jumys istegen. 2010 jyly qarasha aıynda Qazaqstan Respýblıkasy Ekonomıkalyq damý jáne saýda mınıstrliginiń Strategııalyq josparlaý jáne taldaý departamenti Strategııalyq ázirlemeler basqarmasynyń bastyǵy qyzmetin atqarǵan.

2010 jyly qarasha - 2013 jyly aqpan aıy aralyǵynda Qazaqstan Respýblıkasy Qarjy mınıstrliginiń Bıýdjet saıasaty jáne josparlaý departamenti, Bıýdjettik josparlaý jáne boljamdaý departamenti dırektorynyń orynbasary bolyp jumys atqarǵan. 2013 jyly aqpan-maýsym aılary aralyǵynda Qazaqstan Respýblıkasy Indýstrııa jáne jańa tehnologııalar mınıstrligi Geologııa jáne jer qoınaýyn paıdalaný komıteti tóraǵasynyń orynbasary laýazymynda jumys istegen. 2013 jyly maýsym - 2019 jyly sáýir aılary aralyǵynda Qazaqstan Respýblıkasy Prezıdenti Ákimshiliginiń Strategııalyq ázirlemeler jáne taldaý ortalyǵy meńgerýshisiniń orynbasary, Áleýmettik-ekonomıkalyq monıtorıng bólimi meńgerýshisiniń orynbasary qyzmetinde jumys atqarǵan. 2019 jyly sáýir aıynan bastap 2021 jyly aqpan aıyna deıin Qazaqstan Respýblıkasy Tuńǵysh Prezıdenti – Elbasy Keńsesiniń Bólim meńgerýshisiniń orynbasary qyzmetinde jumys atqarǵan. 2021 jyly aqpan aıynan bastap 2022 jyly qańtar aıyna deıin Qazaqstan Respýblıkasynyń Ulttyq ekonomıka vıtse-mınıstri laýazymynda jumys atqarǵan.

2022 jyly 11 qańtardan bastap Qazaqstan Respýblıkasynyń Ulttyq ekonomıka mınıstri bolyp taǵaıyndaldy.

39 jylburyn (1983) Qazaqstan Respýblıkasynyń Ulttyq ekonomıka vıtse-mınıstri Baýyrjan Baqytuly OMARBEKOV dúnıege keldi.

Túrkistan oblysynda týǵan.

M. Áýezov atyndaǵy Ońtústik Qazaqstan memlekettik ýnıversıtetin bitirgen.

Eńbek jolyn 2005 jyly «Qazkommertsbank» AQ menedjeri qyzmetinen bastaǵan. 2006 jyldan 2015 jyl aralyǵynda bank júıesi men kommertsııalyq uıymdarda jumys istedi. 2015 jyly OQO kásipkerlik, ındýstrıaldy-ınnovatsııalyq damý jáne týrızm basqarmasynda basshylyq qyzmetter atqarǵan. 2015-2016 jyldary — Ońtústik Qazaqstan oblysy ákiminiń keńesshisi. 2016-2018 jyldary — OQO Ordabasy aýdany ákiminiń orynbasary. 2018-2021 jyldary — Túrkistan oblysy Tólebı aýdanynyń ákimi. 2021-2022 jyldary QR Prezıdent Ákimshiliginiń memlekettik ınspektory.

2022 jylǵy 2 naýryzdan bastap Qazaqstan Respýblıkasynyń Ulttyq ekonomıka vıtse-mınıstri.