14 aqpan. Týǵan kún ıeleri

NUR-SULTAN. QazAqparat – Búgin, ıaǵnı 14 aqpan kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

79 jyl buryn (1943-2018) sáýletshi, dızaıner, Qazaqstannyń eńbek sińirgen óner qaıratkeri Tımýr Bımashuly SÚLEIMENOV dúnıege keldi.

Ońtústik Qazaqstan oblysynda týǵan. Lenıngrad ınjenerlik-qurylys ınstıtýtyn, Qazaq polıtehnıkalyq ınstıtýtyn bitirgen. «Qazqalaqurylysjoba» jobalaý ınstıtýtynyń sáýletshisi, Almaty qalasy Kalının aýdanynyń bas sáýletshisi bolyp qyzmet istegen. 1968-1982 jyldary - «Almatygıprogor» ınstıtýty sáýletshiler tobynyń jetekshisi, «Qazqalaqurylysjoba» jobalaý ınstıtýtynyń bas sáýletshisi. 1982-1987 jyldary - Qazaqstan Kórkemsýret qorynyń bas sýretshisi. Qazirgi qyzmetinde 1987 jyldan bastap isteıdi. Qazaqstan Dızaınerler odaǵynan Qazaqstan Respýblıkasy Joǵarǵy Keńesiniń 12-shi shaqyrylymyna depýtat bolyp saılanǵan.

«Parasat» ordenimen, «Astana» (1998), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006) medaldarimen marapattalǵan.

51 jyl buryn (1971) Nur-Sultan qalasy Qurylys basqarmasynyń basshysy Arsen Esengeldiuly JAŃǴASQANOV dúnıege keldi.

Qaraǵandy oblysynyń Shahtınsk qalasynda týǵan. Akademık O.A.Baıqońyrov atyndaǵy Jezqazǵan taý-ken-tehnologııa ınstıtýtyn avtokólik jáne avtomobıl joldary sharýashylyǵy (1993), Elordadaǵy L.N.Gýmılev atyndaǵy Eýrazııalyq ulttyq ýnıversıtetin býhgalterlik esep jáne aýdıt mamandyǵy boıynsha (2007) támamdaǵan.

Eńbek jolyn 1993 jyly Jezqazǵan qalalyq ákimshiliginiń kómekshisi bolyp bastaǵan. Ár jyldary túrli qyzmetterde istegen. 2014 jyldyń shildesinen «Aqtaý halyqaralyq teńiz saýda porty» UK» AQ ekonomıka jáne qarjy boıynsha vıtse-prezıdenti boldy. 2015-2018 jyldary jeke qurylymda eńbek etti.

2018-2020 jj. Aqmola oblysynyń jolaýshylar kóligi jáne avtomobıl joldary basqarmasy basshysynyń mindetin atqarýshy, basshysy laýazymynda boldy. 2020-2021 jj. – Nur-Sultan qalasy Qurylys basqarmasy basshysynyń orynbasary.

Qazirgi qyzmetin 2021 jyldyń sáýir aıynan beri atqaryp keledi.