13 sáýir. Tulǵalar týǵan kún
Búgin, 13 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
63 jyl buryn (1961) Qazaqstan Ulttyq ǵylym akademııasynyń prezıdenti, Qazaqstan Respýblıkasynyń memleket qaıratkeri, ǵalym Aqylbek Qajyǵululy KÚRІShBAEV dúnıege keldi.
Almaty qalasynda týǵan. Qazaq aýyl sharýashylyǵy ınstıtýtyn (Qazaq ulttyq agrarlyq ýnıversıteti) bitirgen.
Eńbek joly: 1983-1997 jyldary Qazaq jer óńdeý sharýashylyǵy ǵylymı-zertteý ınstıtýtynyń agronomy, dırektorynyń orynbasary, 1997-2002 jyldary A. Baraev atyndaǵy Qazaq astyq sharýashylyǵy ǵylymı-zertteý ınstıtýtynyń dırektory, 2002-2005 jyldary Aýyl sharýashylyǵy vıtse-mınıstri, 2006-2007 jyldary Aýyl sharýashylyǵy mınıstrligi Ǵylym departamentiniń dırektory, 2007-2008 jyldary Aýyl sharýashylyǵy vıtse-mınıstri qyzmetin atqarǵan. 2008-2011 jyldary Aýyl sharýashylyǵy mınıstri boldy. 2011-2020 jyldary S. Seıfýllın atyndaǵy Qazaq agrotehnıkalyq ýnıversıtetiniń rektory qyzmetin atqardy. 2020-2022 jyldary QR Parlamenti Senatynyń depýtaty, Agrarlyq máseleler, tabıǵatty paıdalanýdy basqarý jáne aýyldyq aýmaqtardy damytý komıtetiniń hatshysy, 2023-2024 jyldary QR Prezıdenti janyndaǵy QR Ulttyq ǵylym akademııasynyń vıtse-prezıdenti qyzmetin atqarǵan.
Qazirgi laýazymyn 2024 jyldyń qańtar aıynan bastap atqaryp keledi.
«Qurmet» (2012), «Parasat» (2018) ordenderimen marapattalǵan; «Qazaqstan Konstıtýtsııasyna 10 jyl» (2005), «10 jyl Astana» (2008), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 20 jyl» (12015), «Qazaqstan Respýblıkasy Konstıtýtsııasyna 20 jyl» (2015), «Qazaqstan halqy Assambleıasyna 10 jyl» (2008 j.), «Qazaqstan Respýblıkasynyń táýelsizdigine 25 jyl» (2016), «Astanaǵa 20 jyl» (2018), «Qazaqstan Konstıtýtsııasyna 25 jyl» (2020); «Belsendi qyzmeti úshin» (2019) medaldarymen marapattalǵan. «Qazaqstannyń eńbegi sińgen qaıratkeri» (2006). A. Baraev atyndaǵy syılyqtyń laýreaty.
49 jyl buryn (1975) Qazaqstan Respýblıkasynyń Bas áskerı prokýrory Dastan Ábdiqadyruly SEKENOV dúnıege keldi.
Jetisý (burynǵy Taldyqorǵan) oblysynda týǵan. Qazaq memlekettik zań ýnıversıtetin quqyqtaný mamandyǵy boıynsha bitirgen (1997).
Eńbek joly: 1996-1997 jyldary Almaty qalasy Aqsaı aýdandyq prokýratýrasynyń stajeri, 1997-1999 jyldary Almaty qalasy Áýezov aýdany prokýrorynyń kómekshisi, aǵa kómekshisi, 1999-2001 jyldary Almaty qalasy prokýratýrasy qylmystyq ister boıynsha sot sheshimderi men atqarý óndirisiniń zańdylyǵyn qadaǵalaý bóliminiń prokýrory, 2001 jyly Bas áskerı prokýratýra uıymdastyrý-kadr jumysy basqarmasy kadr jumysy bóliminiń bastyǵy, 2001-2008 jyldary Bas áskerı prokýratýra sot sheshimderiniń zańdylyǵyn, úkimderdiń oryndalýyn jáne atqarý óndirisin qadaǵalaý bóliminiń bastyǵy, 2008-2009 jyldary Bas áskerı prokýratýra tergeý jáne anyqtaý zańdylyǵyn qadaǵalaý basqarmasynyń bastyǵy, 2009-2014 jyldary Taldyqorǵan garnızonynyń áskerı prokýrory, 2014-2017 jyldary Qarjy mınıstrligi Memlekettik kirister komıteti Sotqa deıingi tergep-tekserý departamentiniń dırektory, 2018 jyly Ulttyq ekonomıka mınıstrligi departamentiniń dırektory qyzmetin atqarǵan. 2018-2019 jyldary Prezıdent Ákimshiligi memlekettik-quqyqtyq bóliminiń ınspektory, sektor meńgerýshisi, 2019-2021 jyldary Memlekettik qyzmet isteri agenttigi Almaty qalasy boıynsha departamentiniń basshysy, 2021-2022 jyldary Bas áskerı prokýrordyń birinshi orynbasary laýazymyn atqarǵan.
2022 jyldyń shilde aıynan bastap qazirgi qyzmetinde.
48 jyl buryn (1976) Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Elýbaıuly ORAZBEK dúnıege keldi.
Qaraǵandy qalasynda dúnıege kelgen. E. Bóketov atyndaǵy Qaraǵandy memlekettik ýnıversıtetin támamdaǵan. Mamandyǵy: matematık, ınjener-baǵdarlamashy.
Eńbek joly: 1995-1999 jyldary Bilim jáne ǵylym mınıstrligi janyndaǵy Qoldanbaly matematıka ınstıtýty «Kompıýterlik matematıkalyq fızıka» zerthanasynyń ınjeneri, 1999-2000 jyldary Kásiporyndardy qaıta qurý jáne taratý agenttigi fılıalynyń taldaý jáne aqparat bóliminiń bas mamany, 2000-2003 jyldary «Kýshpen-Telekom» JShS Lotus tehnologııalary bóliminiń basshysy, ınjener-baǵdarlamashy, 2003-2006 jyldary Prezıdent Ákimshiligi Aqparattandyrý jáne memlekettik qupııalardy qorǵaý bólimi Aqparattandyrý jáne aqparattardy qorǵaý sektorynyń meńgerýshisi, 2006-2008 jyldary «Ulttyq aqparattyq tehnologııalar» AQ Basqarma tóraǵasynyń orynbasary qyzmetinde boldy. 2008-2010 jyldary «Telekommýnıkatsııa salasyndaǵy tehnıkalyq súıemeldeý jáne taldaý ortalyǵy» RMK dırektory, 2010-2011 jyldary «Ulttyq aqparattyq tehnologııalar» AQ Basqarma tóraǵasy, 2011-2012 jyldary «Zerde» ulttyq aqparattyq kommýnıkatsııalyq holdıngi» AQ Basqarma tóraǵasynyń orynbasary, 2012-2015 jyldary «Al.As.Ay» JShS keńesshisi, 2015 jyly «QazTransOıl» AQ Aqparattyq tehnologııalar departamentiniń dırektory qyzmetin atqardy. 2015-2017 jyldary «Transtelekom» AQ aqparattyq tehnologııalar jónindegi atqarýshy dırektory, 2017-2019 jyldary «QR Blokcheın men krıptotehnologııalardy damytý qaýymdastyǵy» KEU vıtse-prezıdenti laýazymyn atqarǵan.
2019 jyldyń sáýir aıynan bastap qazirgi qyzmetinde.
