13 sáýir. Tulǵalar týǵan kún

ASTANA. QazAqparat - Búgin, ıaǵnı 13 sáýirde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

62 jyl buryn (1961) Qazaqstan Respýblıkasynyń memleket qaıratkeri, ǵalym Aqylbek Qajyǵululy KÚRІShBAEV dúnıege keldi.

Almaty qalasynda týǵan. Qazaq aýyl sharýashylyǵy ınstıtýtyn (Qazaq ulttyq agrarlyq ýnıversıteti) bitirgen. 1983-1997 jyldary – Qazaq jer óńdeý sharýashylyǵy ǵylymı-zertteý ınstıtýtynyń agronomy, dırektorynyń orynbasary. 1997-2002 jyldary – A. Baraev atyndaǵy Qazaq astyq sharýashylyǵy ǵylymı-zertteý ınstıtýtynyń dırektory. 2002-2005 jyldary - Aýyl sharýashylyǵy vıtse-mınıstri. 2006-2007 jyldary – Aýyl sharýashylyǵy mınıstrligi Ǵylym departamentiniń dırektory. 2007-2008 jyldary – Aýyl sharýashylyǵy vıtse-mınıstri qyzmetin atqarǵan. 2008-2011 j.j. – Aýyl sharýashylyǵy mınıstri boldy. 2011-2020 j.j. – S. Seıfýllın atyndaǵy Qazaq agrotehnıkalyq ýnıversıtetiniń rektory qyzmetin atqardy.

«Qurmet» (2012), «Parasat» (2018) ordenderimen marapattalǵan; «Qazaqstan Konstıtýtsııasyna 10 jyl» (2005), «10 jyl Astana» (2008), «Qazaqstan Respýblıkasynyń táýelsizdigine 20 jyl» (2011), «Qazaqstan Konstıtýtsııasyna 20 jyl» (12015), «Qazaqstan Respýblıkasy Konstıtýtsııasyna 20 jyl» (2015), «Qazaqstan halqy Assambleıasyna 10 jyl» (2008 j.), «Qazaqstan Respýblıkasynyń táýelsizdigine 25 jyl» (2016), «Astanaǵa 20 jyl» (2018), «Qazaqstan Konstıtýtsııasyna 25 jyl» (2020); «Belsendi qyzmeti úshin» (2019) medaldarymen marapattalǵan. «Qazaqstannyń eńbegi sińgen qaıratkeri» (2006). A. Baraev atyndaǵy syılyqtyń laýreaty.

60 jyl buryn (1963) «QR Prezıdentiniń teleradıokesheni» KEAQ prodıýseri Qalamqas Áskerqyzy ÁBÝOVA dúnıege keldi.

Soltústik Qazaqstan oblysynda týǵan. A. Makarenko atyndaǵy Sýmsk memlekettik pedagogıkalyq ınstıtýtyn (fılolog), Qazaqstan menedjment, ekonomıka jáne boljaý ınstıtýtyn (áleýmettanýshy) támamdady.

Eńbek joly: Soltústik Qazaqstan oblysy Sergeev komsomol aýdandyq komıtetiniń hatshysy (1989-1991); «Qazaqstan aqparat agenttigi» respýblıkalyq memlekettik qazynashylyq kásiporny kadrlar bóliminiń bastyǵy (1993-1997); QazAAG tilshiler jelisiniń meńgerýshisi, bas redaktor (1997-2009); «QazAqparat» UK» AQ basqarma tóraǵasynyń orynbasary (2009-2012); «QazAqparat» HAA dırektorynyń shyǵarmashylyq jónindegi orynbasary (2014-2016), 2019-2022 jyldary «QazAqparat» HAA» AQ Tóraǵasynyń keńesshisi.

«Qurmet» ordenimen, «QR Konstıtýtsııasyna 10 jyl», «Eren eńbegi úshin» medaldarymen, QR Prezıdentiniń Alǵys hatymen, QR Úkimeti basshysynyń, QR Parlament palatalary spıkerleriniń, sondaı-aq mınıstrlikter men vedomstvolardyń Alǵys hattarymen marapattalǵan.

48 jyl buryn (1975) Qazaqstan Respýblıkasynyń Bas áskerı prokýrory Dastan Ábdiqadyruly SEKENOV dúnıege keldi.

Jetisý (burynǵy Taldyqorǵan) oblysynda týǵan. Qazaq memlekettik zań ýnıversıtetin quqyqtaný mamandyǵy boıynsha bitirgen (1997).

Eńbek joly: Almaty qalasy Aqsaı aýdandyq prokýratýrasynyń stajeri (1996-1997); Almaty qalasy Áýezov aýdany prokýrorynyń kómekshisi, aǵa kómekshisi (1997-1999); Almaty qalasy prokýratýrasy qylmystyq ister boıynsha sot sheshimderi men atqarý óndirisiniń zańdylyǵyn qadaǵalaý bóliminiń prokýrory (1999-2001); Bas áskerı prokýratýra uıymdastyrý-kadr jumysy basqarmasy kadr jumysy bóliminiń bastyǵy (2001-2001); Bas áskerı prokýratýra sot sheshimderiniń zańdylyǵyn, úkimderdiń oryndalýyn jáne atqarý óndirisin qadaǵalaý bóliminiń bastyǵy (2001-2008); Bas áskerı prokýratýra tergeý jáne anyqtaý zańdylyǵyn qadaǵalaý basqarmasynyń bastyǵy (2008-2009); Taldyqorǵan garnızonynyń áskerı prokýrory (2009-2014); Qarjy mınıstrligi Memlekettik kirister komıteti Sotqa deıingi tergep-tekserý departamentiniń dırektory (2014-2017); Ulttyq ekonomıka mınıstrligi departamentiniń dırektory (2018 j.); Prezıdent Ákimshiligi memlekettik-quqyqtyq bóliminiń ınspektory, sektor meńgerýshisi (2018-2019); Memlekettik qyzmet isteri agenttigi Almaty qalasy boıynsha departamentiniń basshysy (2019-2021); Bas áskerı prokýrordyń birinshi orynbasary (2021-2022).

2022 jyldyń shilde aıynan bastap qazirgi qyzmetinde.

47 jyl buryn (1976) Tsıfrlyq damý, ınnovatsııalar jáne aeroǵarysh ónerkásibi vıtse-mınıstri Ashat Elýbaıuly ORAZBEK dúnıege keldi.

Qaraǵandy qalasynda dúnıege kelgen. E. Bóketov atyndaǵy Qaraǵandy memlekettik ýnıversıtetin támamdaǵan. Mamandyǵy: matematık, ınjener-baǵdarlamashy.

1995-1999 j.j. – Bilim jáne ǵylym mınıstrligi janyndaǵy Qoldanbaly matematıka ınstıtýty «Kompıýterlik matematıkalyq fızıka» zerthanasynyń ınjeneri; 1999-2000 j.j. – Kásiporyndardy qaıta qurý jáne taratý agenttigi fılıalynyń taldaý jáne aqparat bóliminiń bas mamany; 2000-2003 j.j. – «Kýshpen-Telekom» JShS Lotus tehnologııalary bóliminiń basshysy, ınjener-baǵdarlamashy; 2003-2006 j.j. - Prezıdent Ákimshiligi Aqparattandyrý jáne memlekettik qupııalardy qorǵaý bólimi Aqparattandyrý jáne aqparattardy qorǵaý sektorynyń meńgerýshisi; 2006-2008 j.j. - «Ulttyq aqparattyq tehnologııalar» AQ Basqarma tóraǵasynyń orynbasary; 2008-2010 j.j. – «Telekommýnıkatsııa salasyndaǵy tehnıkalyq súıemeldeý jáne taldaý ortalyǵy» RMK dırektory; 2010-2011 j.j. – «Ulttyq aqparattyq tehnologııalar» AQ Basqarma tóraǵasy; 2011-2012 j.j. – «Zerde» ulttyq aqparattyq kommýnıkatsııalyq holdıngi» AQ Basqarma tóraǵasynyń orynbasary; 2012-2015 j.j. – «Al.As.Ay» JShS keńesshisi; 2015 jyly – «QazTransOıl» AQ Aqparattyq tehnologııalar departamentiniń dırektory; 2015-2017 j.j. – «Transtelekom» AQ aqparattyq tehnologııalar jónindegi atqarýshy dırektory; 2017-2019 j.j. – «QR Blokcheın men krıptotehnologııalardy damytý qaýymdastyǵy» KEU vıtse-prezıdenti.

2019 jyldyń sáýir aıynan bastap qazirgi qyzmetinde.