13 oblysta tótenshe órt qaýpi saqtalady - Qazgıdromet

ASTANA.KAZINFORM – «Qazgıdromet» RMK-sy shildeniń 20-sy kúngi kún raıy boljamyn jarııalady.

Kásiporyn taratqan derekterge qaraǵanda, respýblıkamyzdyń basym bóliginde antıtsıklonnyń jotasy yqpalynan kún jaýyn-shashynsyz bolady, tek elimizdiń shyǵysynda, ońtústik-shyǵystyń taýly aýdandarynda atmosferalyq frontaldy bólikterdiń ótýine oraı kún qubylmaly bolady, eóp jerde naızaǵaı oınap jańbyr jaýady. Qazaqstannyń shyǵysynda burshaq jaýyp, daýyl turady, túnde qatty jańbyr jaýady.

Respýblıka boıynsha jel kúsheıip, ońtústik oblystarda shańdy daýyl turady, elimizdiń soltústiginde, soltústik-batysynda túnde jáne tań ata tuman túsedi.

Kúndiz Mańǵystaý oblysynda 38-42, Atyraý oblysynda 35-39 gradýs, Batys Qazaqstan oblysynda 35-37 gradýs ystyq. Jetisý men Almaty oblysynda 35-38 gradýs, Abaı oblysynyń ońtústiginde 35 gradýs, Túrkistan oblysynyń ońtústiginde 42 gradýs ystyq bolady dep kútilip otyr.

Kúndiz Atyraý oblysynyń batysynda 41 gradýs ystyq bolady, Mańǵystaý oblysynyń ońtústiginde 43 gradýs ystyq.

Shyǵys Qazaqstan men Abaı oblysynda, Batys Qazaqstan oblysynyń soltústiginde, shyǵysynda, ortalyǵynda, Atyraý oblysynyń batysynda, shyǵysynda, Qostanaı oblysynyń ońtústik-shyǵysynda, Aqtóbe oblysynyń soltústik-batysynda, soltústik-shyǵysynda, Qaraǵandy oblysynyń soltústiginde, shyǵysynda, Ulytaý oblysynyń soltústiginde, Aqmola oblysynyń batysynda, ońtústiginde, ortalyǵynda, Pavlodar oblysynyń ońtústiginde, shyǵysynda joǵary órt qaýpi saqtalady.

Mańǵystaý, Qyzylorda, Túrkistan, Almaty oblystarynda, Jetisý oblysynda, Jambyl oblysynyń batysynda, ońtústiginde, shyǵysynda, Atyraý oblysynyń soltústiginde, ońtústiginde, Qaraǵandy oblysynyń batysynda, ońtústiginde, Ulytaý oblysynyń ońtústiginde, shyǵysynda, ortalyǵynda, Aqtóbe oblysynyń ońtústiginde, Qostanaı oblysynyń ońtústik-batysynda, Batys Qazaqstan oblysynyń batysynda, Abaı oblysynyń ońtústiginde tótenshe órt qaýpi kútiledi.

Osyǵan deıin Abadan álemdegi eń ystyq qalaǵa aınalǵany týraly jazdyq.