13 naýryz. Týǵan kún ıeleri
ESІMDER
Almaty oblysynda týǵan. Almaty pedagogıkalyq ýchılışesin, Máskeý memlekettik konservatorııasy janyndaǵy Qazaq stýdııasyn, Máskeý memlekettik konservatorııasyn bitirgen.
1942-1953 jyldary Qazaq memlekettik akademııalyq halyq aspaptary orkestriniń dırıjeri, Qazaqstan Kompozıtorlar odaǵynyń tóraǵasy bolǵan. 1953 jyldan Almaty memlekettik konservatorııasynda pedagogıkalyq qyzmetpen aınalysqan. Kompozıtor mýzykanyń alýan janrynda eńbek etip, fortepıano men skrıpka úshin pesalar, sımfonııalyq orkestr men horǵa arnap kúrdeli shyǵarmalar jazǵan. Onyń «Tatıana týraly án», «Kesteli oramal», «Tos meni tos», «Kóp júrdim» atty ózindik mýzykalyq tili men romanstary qazaqtyń kásibı mýzykasynda romans janrynyń qalyptasýyna ıgi áser etti. Sımfonııalyq shyǵarmalary ishinde «Qazaqstan» poemasy men «Kommýnızm ottary» kantantasy qazaq mýzykasynda erekshe oryn aldy. Ásirese, án-hor shyǵarmalarynda ózi ómir keshken keńestik zaman taqyryby sátti kórinis tapty. Tólebaevtyń shyǵarmashylyǵynyń sharyqtaý shyńy, qazaq mýzykasyndaǵy asa eleýli týyndylarynyń biri - «Birjan-Sara» operasy. Atalmysh týyndyda jeke adam taǵdyry, bas bostandyǵy úshin kúresken Birjan men Sara syndy óner ókilderiniń shyǵarmashylyǵy men tragedııalyq taǵdyry tereń tebirenispen baıandalady. Ol Qazaq KSR-i men Qazaqstan Respýblıkasynyń alǵashqy ánurany avtorlarynyń biri boldy. Sondaı-aq kompozıtor dramalyq spektaklder men kınofılmderge mýzyka jazyp, jeke daýys pen fortepıanoǵa arnap qazaqtyń kóptegen ánderin óńdegen. «Otan soǵysy» ordenimen, medaldarmen marapattalǵan.
Ońtústik Qazaqstan oblysy Saryaǵash aýdany Abaı aýylynda dúnıege kelgen. 1997 jyly E.A. Bóketov atyndaǵy Qaraǵandy memlekettik ýnıversıtetin bitirdi.
1997-2001 jyldar aralyǵynda Shymkent qalalyq prokýratýrasynda túrli qyzmetter atqardy. 2001 jyly Ońtústik Qazaqstan oblysy Túrkistan qalasy prokýrorynyń orynbasary, 2002 jyly qylmystyq ister boıynsha qaýlylarynyń zańdylyǵyn qadaǵalaý basqarma basshysynyń orynbasary, 2003 jyly sol basqarmanyń basshysy qyzmetine taǵaıyndaldy. 2004 - 2008 jyldar aralyǵynda Saryaǵash aýdanynyń prokýrory, Ońtústik Qazaqstan oblysynyń tabıǵat qorǵaý prokýrory qyzmetin atqardy. 2009 - 2012 jyldary Ońtústik Qazaqstan oblysy, Almaty qalasy, Shyǵys Qazaqstan oblysy prokýrorynyń orynbasary qyzmetterinde bolǵan. 2012 - 2014 jyldar aralyǵynda Qazaqstan Respýblıkasy Ekonomıkalyq qylmysqa jáne sybaılas jemqorlyqqa qarsy kúres agenttiginiń (qarjy polıtsııasy) Qyzylorda oblysy boıynsha departamentiniń bastyǵy. 2014 - 2016 jyldar aralyǵynda Qazaqstan Respýblıkasy memlekettik qyzmet jáne sybaılas jemqorlyqqa qarsy kúres agenttiginiń Jambyl oblysy boıynsha departamentiniń basshysy, Qazaqstan Respýblıkasy sybaılas jemqorlyqqa qarsy is-qımyl ulttyq bıýrosynyń Jambyl oblysy boıynsha departamentiniń bastyǵy qyzmetin atqarǵan. 2016 - 2017 jyldary Qazaqstan Respýblıkasy sybaılas jemqorlyqqa qarsy is-qımyl ulttyq bıýrosynyń Batys Qazaqstan oblysy boıynsha departamentiniń basshysy, 2017-2018 jydary – Jymbyl oblysy prokýrorynyń birinshi orynbasary. 2018-2021 jyldary – Shymkent qalasynyń prokýrory qyzmetinde boldy.
Qazirgi laýazymyn 2021 jyldyń shilde aıynan beri atqaryp keledi.
«Astananyń 10 jyldyǵy», «Qazaqstan Respýblıkasynyń Konstıtýtsııasyna 10 jyl», «Qazaqstan Respýblıkasynyń Prokýratýrasyna 20 jyl», «Qazaqstan Táýelsizdigine 20 jyl», «Erligi úshin», «Minsiz qyzmeti úshin» 3-eı st., «Qazaqstan Respýblıkasynyń Qarjy polıtsııasyna 20 jyl», «Quqyq tártibin qamtamasyz etýge qosqan úlesi úshin», «Qazaqstan Respýblıkasynyń Konstıtýtsııasyna 20 jyl», «Qazaqstan Respýblıkasynyń Táýelsizdigine 25 jyl» medaldarimen, ІІ-dárejeli «Prokýratýra úzdigi», ІІ-dárejeli «Qarjy polıtsııasynyń úzdigi» tósbelgilerimen, Qyzylorda oblysynyń Qurmet gramotasymen marapattaldy.
Ońtústik Qazaqstanda týǵan. 1993-1997 jyldary Tashkenttegi «Imam Ál-Buharı» atyndaǵy Islam ınstıtýtynda oqyp joǵarǵy dinı bilim alǵan. 1999-2001 jyldary QMDB janyndaǵy Islam ınstıtýtynda oqyǵan. 2009 jyly Mysyr Arab Respýblıkasynda qysqa merzimde dinı bilimin jetildirgen. 2010 jyly Abaı atyndaǵy Almaty Memlekettik ýnıversıtetiniń «Tarıh» fakýltetin syrttaı oqyp bitirip joǵarǵy bilim alǵan. 2011-2013 jyldary atalǵan ýnıversıtettiń «Dintaný» mamandyǵy boıynsha magıstratýrasyn bitirgen. 2017 jyldan bastap «Nur-Múbarak» Egıpet ıslam mádenıeti ýnıversıtetinde «Islamtaný» mamandyǵy boıynsha PhD doktorantýrasynda oqýda. 1997-2006 jyldary Respýblıkamyzdyń túrli meshitterinde ımamdyq qyzmetterdi atqarýmen bastaý alǵan. 2006-2011 jyldary QMDB-nyń Qaraǵandy óńirindegi ókili, Qaraǵandy qalalyq №1 ortalyq meshitiniń Bas ımamy. 2011-2013 jyldary Qazaqstan Respýblıkasy Din isteri agenttiginiń Dinı birlestiktermen baılanystar jónindegi basqarmasynyń Bas sarapshysy. 2013-2018 jyldary QMDB tóraǵasynyń birinshi orynbasary, naıb múftı, QMDB-nyń Astana qalasy boıynsha ókili, «Nur Astana» ortalyq meshitiniń Bas ımamy. 2018 jyldyń shilde-qazan aılary QMDB tóraǵasynyń birinshi orynbasary, naıb múftı, QMDB-nyń Túrkistan qalasyndaǵy keńse basshysy, Túrkistan oblysy boıynsha ókili ımamy. 2018 jyldyń qazan aıynan bastap QMDB tóraǵasynyń birinshi orynbasary, naıb múftı, QMDB-nyń Nur-Sultan qalasy boıynsha ókili, Respýblıkalyq «Áziret Sultan» meshitiniń Bas ımamy.
Qazirgi qyzmetinde – 2020 jyldan beri.
Batys Qazaqstan oblysynda týǵan.
Qazaqstannyń birneshe dúrkin chempıony, 2006 jyly kadetter arasynda álem chempıony, 2008 jylǵy jastar arasyndaǵy álem chempıonatynyń (Meksıka) jeńimpazy, 2009 jyly Qazaqstan jastar oıyndarynyń chempıony, 2010 jylǵy Qazaqstan chempıony, Gýanchjoýda ótken 2010 jylǵy Azııa oıyndarynyń chempıony, 2012 jylǵy olımpıadalyq kontınentaldyq irikteý týrnıriniń jeńimpazy, 2012 jylǵy QR Kýbogynyń jeńimpazy, 2016 jyly Brazılııada ótken Olımpıada oıyndarynyń chempıony (69 kg), 2013 jylǵy álem chempıonatynyń jeńimpazy, 2014 jylǵy Azııa oıyndarynyń chempıony. ІІ dárejeli Barys ordenimen; «Halyqaralyq yntymaqtastyqty damytýǵa qosqan úlesi úshin» medalimen marapattalǵan. Halyqaralyq dárejedegi sport sheberi.