13 mamyr. Tulǵalar týǵan kún
Búgin, 13 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
61 jyl buryn (1963) Qazaqstannyń memleket qaıratkeri Eraly Luqpanuly TOǴJANOV dúnıege keldi.
Batys Qazaqstan oblysynda týǵan. 1988 jyly E.A.Bóketov atyndaǵy Qaraǵandy memlekettik ýnıversıtetin bitirdi.
1988 -1991 jyldary E.A.Bóketov atyndaǵy Qaraǵandy memlekettik ýnıversıtetiniń Memleket jáne quqyq teorııasy men tarıhy kafedrasynyń oqytýshysy boldy. 1991-1994 jyldary QR Ǵylym akademııasynyń Memleket jáne quqyq ınstıtýtynyń aspıranty, 1994-1996 jyldary QR Ǵylym akademııasy Memleket jáne quqyq ınstıtýtynyń ǵylymı qyzmetkeri, 1996 -1997 jyldary Qazaq gýmanıtarlyq-zań ýnıversıtetiniń aǵa oqytýshysy, Memlekettik qyzmet jáne halyqaralyq quqyq fakýlteti dekanynyń orynbasary, 1997 -1999 jyldary Qazaq gýmanıtarlyq-zań ýnıversıtetiniń Halyqaralyq quqyq fakýltetiniń dekany, 1999-2001 jyldary Qazaq gýmanıtarlyq-zań ýnıversıtetiniń Astana qalasyndaǵy fılıalynyń dırektory, Quqyq jáne memlekettik qyzmet ınstıtýtynyń dırektory bolyp qyzmet atqardy. 2001-2006 jyldary Qaraǵandy oblysy ákiminiń orynbasary, 2006 - 2008 jyldary QR Ádilet mınıstrliginiń Din isteri komıtetiniń tóraǵasy bolyp qyzmet atqardy. 2008-2017 jyldary QR Prezıdentiniń ókimimen Qazaqstan halqy Assambleıasy Tóraǵasynyń orynbasary – QR Prezıdenti Ákimshiliginiń Qazaqstan halqy Assambleıasy Hatshylyǵynyń meńgerýshisi boldy. 2017-2019 jyldary – Mańǵystaý oblysynyń ákimi, 2019-2020 jyldary Qazaqstan Kásipodaqtar federatsııasynyń tóraǵasy, 2020-2022 jyldary QR premer-mınıstriniń orynbasary, 2022-2023 jyldary Aqtóbe oblysynyń ákimi laýazymyn atqarǵan.
ІІ dárejeli «Dostyq» ordenimen, «Qazaqstan Respýblıkasynyń táýelsizdigine 10 jyl», «Eren eńbegi úshin» medaldarimen marapattalǵan.
47 jyl buryn (1977) Oral qalasynyń ákimi Meıirjan Munaıdaruly SATQANOV dúnıege keldi.
Oral qalasynda týǵan. Túrkııanyń Dokýz Eılýl ýnıversıtetin qarjy mamandyǵy boıynsha támamdaǵan.
Eńbek joly: 2001 jyly Oral qalasynyń qarjy bóliminiń jetekshi mamany, 2001-2002 jyldary BQO kásipkerlikti qoldaý jáne damytý departamentiniń bas mamany, BQO kásipke 2002-2004 jyldary Kásipkerlikti qoldaý jáne damytý departamentiniń bólim bastyǵy, 2004-2005 jyldary BQO kásipkerlikti qoldaý jáne damytý basqarmasy bastyǵynyń orynbasary, 2005 jyly BQO Kásipkerlik jáne ónerkásip basqarmasynyń bólim bastyǵy, 2005-2006 jyldary BQO Kásipkerlik jáne ónerkásip departamenti dırektorynyń orynbasary, 2006-2010 jyldary «Qazaqstan Halyq bankiniń jınaqtaýshy zeınetaqy qory» AQ-nyń BQO fılıaly dırektorynyń orynbasary qyzmetin atqarǵan. 2010-2011 jyldary BQO Kásipkerlik jáne ónerkásip basqarmasy bastyǵynyń orynbasary, 2011-2012 jyldary «BQO kásipkerler qaýymdastyǵy» ZTB atqarýshy dırektory, 2012-2013 jyldary BQO Kásipkerlik jáne ónerkásip basqarmasy bastyǵynyń orynbasary, 2013 jyly BQO Kásipkerlik jáne ındýstrııalyq-ınnovatsııalyq damý basqarmasy basshysynyń orynbasary, 2015-2017 jyldary ShQO kásipkerlik jáne ındýstrııalyq-ınnovatsııalyq damý basqarmasynyń basshysy, 2017-2018 jyldary «BQO jolaýshylar kóligi jáne avtomobıl joldary basqarmasy» MM basshysy, 2018-2019 jyldary BQO ákimniń kásipkerlik máseleler jónindegi orynbasary, 2019-2022 jyldary Batys Qazaqstan oblysy Bórli aýdanynyń ákimi qyzmetin atqarǵan.
Qazirgi qyzmetinde 2022 jylǵy sáýirden bastap.
45 jyl buryn (1979) QR Konstıtýtsııalyq soty tóraǵasynyń orynbasary Baqyt Maratuly NURMUHANOV dúnıege keldi.
Shyǵys Qazaqstan oblysy Kúrshim aýdany Qaljyr aýylynda týǵan. Shyǵys Qazaqstan memlekettik ýnıversıtetin «Quqyqtaný» mamandyǵy boıynsha bitirdi.
Eńbek jolyn Shyǵys Qazaqstan memlekettik ýnıversıtetiniń qylmystyq quqyq jáne qylmystyq protsess kafedrasynda oqytýshylyqtan bastady. 2003 jyldyń mamyr aıynan Qazaqstan Respýblıkasynyń Konstıtýtsııalyq Keńesinde: quqyq bóliminiń konsýltanty, quqyqtyq qamtamasyz etý bóliminiń bas konsýltanty, bas sarapshy, bas konsýltant, quqyqtyq saraptama bólimi taldaý sektorynyń meńgerýshisi, Tóraǵanyń keńesshisi. 2008-2017 jyldary negizgi qyzmetimen qosa Eýropa Keńesiniń «Quqyq arqyly demokratııa úshin» Venetsııa komıssııasynyń baılanys boıynsha ofıtseri fýnktsııalaryn atqardy. 2017-2022 jyldary QR Konstıtýtsııalyq Keńes apparatynyń basshysy.
2023 jyldyń qańtar aıynan bastap qazirgi qyzmetinde.
«Eren eńbegi úshin» medalymen, «Qazaqstan Konstıtýtsııasyna 10 jyl», «Qazaqstan halqy Assambleıasyna 20 jyl» jáne «Qazaqstan Konstıtýtsııasyna 20 jyl» merekelik medaldarymen marapattalǵan.
