13 mamyr. Tulǵalar týǵan kún
Búgin, 13 mamyr kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
62 jyl buryn (1963) Qazaqsta Respýblıkasy premer-mınıstriniń keńesshisi, memleket qaıratkeri Eraly Luqpanuly TOǴJANOV dúnıege keldi.
Batys Qazaqstan oblysynda týǵan. 1988 jyly E.A.Bóketov atyndaǵy Qaraǵandy memlekettik ýnıversıtetin bitirdi.
1988-1991 jyldary E.A.Bóketov atyndaǵy Qaraǵandy memlekettik ýnıversıtetiniń Memleket jáne quqyq teorııasy men tarıhy kafedrasynyń oqytýshysy boldy. 1991-1994 jyldary QR Ǵylym akademııasynyń Memleket jáne quqyq ınstıtýtynyń aspıranty, 1994-1996 jyldary QR Ǵylym akademııasy Memleket jáne quqyq ınstıtýtynyń ǵylymı qyzmetkeri, 1996 -1997 jyldary Qazaq gýmanıtarlyq-zań ýnıversıtetiniń aǵa oqytýshysy, Memlekettik qyzmet jáne halyqaralyq quqyq fakýlteti dekanynyń orynbasary, 1997 -1999 jyldary Qazaq gýmanıtarlyq-zań ýnıversıtetiniń Halyqaralyq quqyq fakýltetiniń dekany, 1999-2001 jyldary Qazaq gýmanıtarlyq-zań ýnıversıtetiniń Astana qalasyndaǵy fılıalynyń dırektory, Quqyq jáne memlekettik qyzmet ınstıtýtynyń dırektory bolyp qyzmet atqardy. 2001-2006 jyldary Qaraǵandy oblysy ákiminiń orynbasary, 2006 — 2008 jyldary QR Ádilet mınıstrliginiń Din isteri komıtetiniń tóraǵasy bolyp qyzmet atqardy. 2008-2017 jyldary QR Prezıdentiniń ókimimen Qazaqstan halqy Assambleıasy Tóraǵasynyń orynbasary — QR Prezıdenti Ákimshiliginiń Qazaqstan halqy Assambleıasy Hatshylyǵynyń meńgerýshisi boldy. 2017-2019 jyldary — Mańǵystaý oblysynyń ákimi, 2019-2020 jyldary Qazaqstan Kásipodaqtar federatsııasynyń tóraǵasy, 2020-2022 jyldary QR premer-mınıstriniń orynbasary, 2022-2023 jyldary Aqtóbe oblysynyń ákimi laýazymyn atqarǵan.
Qazirgi laýazymyn 2024 jyldyń mamyr aıynan beri atqaryp keledi.
ІІ dárejeli «Dostyq» ordenimen, «Qazaqstan Respýblıkasynyń táýelsizdigine 10 jyl», «Eren eńbegi úshin» medaldarimen marapattalǵan.
47 jyl buryn (1978) «QazTransOıl» AQ Bas dırektorynyń óndiris jónindegi orynbasary Nurjan Nurperzentuly KÚShJANOV dúnıege keldi.
Q.I.Sátbaev atyndaǵy Qazaq ulttyq tehnıkalyq ýnıversıtetin ınjener-mehanık mamandyǵy boıynsha, O. A. Baıqońyrov atyndaǵy Jezqazǵan ýnıversıtetin ınjener-elektrık mamandyǵy boıynsha bitirdi.
Eńbek jolyn 2001 jyly «QazTransOıl» AQ Jezqazǵan munaı qubyry basqarmasynda elektr montery, áýe jelileri jáne elektrohımııalyq qorǵaý sheberi bolyp bastady. 2003-2008 jyldary «QazTransOıl» AQ Jezqazǵan munaı qubyry basqarmasynyń «Borseńgir» BMAS, «Qumkól» BMAS bastyǵynyń orynbasary, «Qaraqoıyn» BMAS bastyǵy qyzmetterin atqarǵan. 2008-2017 jyldary Jezqazǵan munaı qubyry basqarmasynyń TKO boıynsha bastyǵy orynbasary, óndiris bastyǵynyń orynbasary, bas ınjeneri qyzmetterin atqarǵan. 2017-2020 jyldary «QazTransOıl» AQ Shyǵys operatorlyq qyzmetter kórsetý basqarmasy men Pavlodar munaı qubyry basqarmasyn basqardy. 2020-2025 jyldary «QazTransOıl» AQ paıdalaný departamentiniń dırektory qyzmetin atqardy.
Qazirgi laýazymyn 2025 jyldyń sáýirinen beri atqaryp keledi.
46 jyl buryn (1979) QR Konstıtýtsııalyq soty tóraǵasynyń orynbasary Baqyt Maratuly NURMUHANOV dúnıege keldi.
Shyǵys Qazaqstan oblysy Kúrshim aýdany Qaljyr aýylynda týǵan. Shyǵys Qazaqstan memlekettik ýnıversıtetin «Quqyqtaný» mamandyǵy boıynsha bitirdi.
Eńbek jolyn Shyǵys Qazaqstan memlekettik ýnıversıtetiniń qylmystyq quqyq jáne qylmystyq protsess kafedrasynda oqytýshylyqtan bastady. 2003 jyldyń mamyr aıynan Qazaqstan Respýblıkasynyń Konstıtýtsııalyq Keńesinde: quqyq bóliminiń konsýltanty, quqyqtyq qamtamasyz etý bóliminiń bas konsýltanty, bas sarapshy, bas konsýltant, quqyqtyq saraptama bólimi taldaý sektorynyń meńgerýshisi, Tóraǵanyń keńesshisi. 2008-2017 jyldary negizgi qyzmetimen qosa Eýropa Keńesiniń «Quqyq arqyly demokratııa úshin» Venetsııa komıssııasynyń baılanys boıynsha ofıtseri fýnktsııalaryn atqardy. 2017-2022 jyldary QR Konstıtýtsııalyq Keńes apparatynyń basshysy.
2023 jyldyń qańtar aıynan bastap qazirgi qyzmetinde.
«Eren eńbegi úshin» medalymen, «Qazaqstan Konstıtýtsııasyna 10 jyl», «Qazaqstan halqy Assambleıasyna 20 jyl» jáne «Qazaqstan Konstıtýtsııasyna 20 jyl» merekelik medaldarymen marapattalǵan.
38 jyl buryn (1987) Qazaqstan Respýblıkasy Prezıdenti Protokol qyzmetiniń bastyǵy Marat Kenjeǵalıuly ÁShІM dúnıege keldi.
Almaty qalasynda týǵan. 2008 jyly Abaı atyndaǵy Qazaq ulttyq pedagogıkalyq ýnıversıtetinde halyqaralyq qatynastar mamandyǵy boıynsha, 2010 jyly ekonomıka jáne bıznes mamandyǵy boıynsha bilim alyp, bakalavr dárejelerin alǵan. 2010 jyly halyqaralyq qatynastar magıstri mamandyǵy boıynsha QR Prezıdentiniń janyndaǵy Memlekettik basqarý akademııasynyń Dıplomatııa ınstıtýtyn támamdaǵan.
Eńbek joly: 2008-2009 jyldary jeke kompanııada zańger bolyp qyzmet atqarǵan. 2009 jyly QR Syrtqy ister mınıstrligi ákimshilik jáne baqylaý departamentiniń attashesi bolyp jumys istedi. 2010-2012 jyldary QR Syrtqy ister mınıstrliginiń Memlekettik protokol qyzmetiniń úshinshi hatshysy, 2012-2017 jyldary QR Prezıdentiniń Protokol qyzmetiniń referenti, sarapshysy, konsýltanty, ınspektory, 2017-2018 jyldary QR Prezıdentiniń Protokol qyzmetiniń sektor meńgerýshisi laýazymyn atqardy. 2018-2023 jyldary QR Prezıdentiniń Protokol qyzmeti bastyǵynyń orynbasary bolyp eńbek etti.
Qazirgi laýazymyn 2023 jyldyń naýryz aıynan beri atqaryp keledi.
34 jyl buryn (1991) Qazaqstan Respýblıkasy Prezıdenti Ákimshiliginiń Іshki saıasat bóliminiń bas ınspektory Mırhan Asylhanuly ERMAǴANBETOV dúnıege keldi.
Hromtaý aýdanynda dúnıege kelgen. 2012 jyly Q.Jubanov atyndaǵy Aqtóbe memlekettik ýnıversıtetin, 2023 jyly QR Prezıdentiniń janyndaǵy memlekettik basqarý akademııasyn támamdaǵan.
Eńbek jolyn 2012 jyly Aqtóbe oblystyq tarıhı ólketaný mýzeıiniń ǵylymı qyzmetkeri bolyp bastap, «Nur Otan» partııasynyń «Jas Otan» jastar qanaty Aqtóbe oblystyq fılıalynyń atqarýshy hatshysy, Qazaq ınjenerlik-tehnıkalyq akademııasynyń Tilderdi damytý ortalyǵynyń dırektory bolyp qyzmet atqardy. 2015-2019 jyldary QR Memlekettik qyzmet isteri jáne sybaılas jemqorlyqqa qarsy is-qımyl agenttiginiń sarapshysy, Din isteri jáne azamattyq qoǵam mınıstrliginiń jastar saıasaty departamentiniń bas sarapshysy, Qoǵamdyq damý mınıstrliginiń jastar jáne otbasy isteri komıtetiniń bas sarapshysy, Aqparat jáne qoǵamdyq damý mınıstrliginiń jastar jáne otbasy isteri komıtetiniń bas sarapshysy qyzmetterin atqarǵan. 2019-2020 jyldary Aqtóbe oblysy ákimi apparatynyń personaldy basqarýdyń biryńǵaı qyzmetiniń basshysy bolyp jumys istedi. 2020-2024 jyldary Alǵa aýdany ákiminiń orynbasary, 2024-2025 jyldary Aqtóbe oblysy Jastar saıasaty máseleleri jónindegi basqarma basshysy qyzmetin atqardy.
Qazirgi laýazymyn 2025 jyldyń sáýirinen beri atqaryp keledi.