13 qarasha. Tulǵalar týǵan kún
ASTANA. KAZINFORM - Búgin, 13 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1960) Qazaqstan Respýblıkasyndaǵy PIARC Dúnıejúzilik avtomobıl joldary qaýymdastyǵynyń Ulttyq komıtetiniń tóraǵasy Berik Saılaýuly QAMALIEV dúnıege keldi.
Qaraǵandy oblysynda týǵan. Qaraǵandy polıtehnıkalyq ınstıtýtyn bitirgen, ınjener-qurylysshy (1982); Qaraǵandy memlekettik ýnıversıteti (1993); RF Prezıdenti janyndaǵy Reseı memlekettik basqarý akademııasyn bitirgen, ekonomıst (2005).
Eńbek joly: áskerı bólimniń qurylys-montajdaý ýchaskesiniń brıgadıri (1983-1984); aýdandyq komıtetiniń nusqaýshysy, stýdenttik qurylys jasaqtary oblystyq shtabynyń komandıri (1984-1991); birqatar kommertsııalyq qurylymdardyń basshysy (1991-2001); Oblystyq «Qazagropromtehnıka» birlestigi tóraǵasynyń orynbasary (1993-1995); Qaraǵandy oblystyq avtomobıl joldary basqarmasynyń bastyǵy (2001-2004); Qazaqstan Respýblıkasy Premer-Mınıstriniń keńesshisi (2004-2005); Qazaqstan Respýblıkasy Kólik jáne kommýnıkatsııa mınıstrligi Kólik ınfraqurylymyn damytý komıtetiniń tóraǵasy (2005-2006); Qaraǵandy oblysy ákiminiń orynbasary (02.2006-05.2006); Qaraǵandy oblysy ákiminiń birinshi orynbasary (2006); «Sary Arqa» ÁKK basqarma tóraǵasy (2009-2010); Qazaqstan Respýblıkasy Indýstrııa jáne jańa tehnologııalar vıtse-mınıstri (2010-2011); Qazaqstan Respýblıkasy Kólik jáne kommýnıkatsııa mınıstri (2011-2012); «QazAvtoJol» UK» AQ basqarma tóraǵasy (2014-2015); «Qazaqstan temir joly» Ulttyq kompanııasy» AQ vıtse-prezıdenti (2015-2016); Qazaqstan Respýblıkasynyń Investıtsııalar jáne damý vıtse-mınıstri (2016-2019); Qazaqstan Respýblıkasynyń Indýstrııa jáne ınfraqurylymdyq damý vıtse-mınıstri (2019-2022).
51 jyl buryn (1973) QR Parlament Senaty Tóraǵasy Hatshylyǵynyń meńgerýshisi Nurgúl Óserbaıqyzy MÁÝBERLINOVA dúnıege keldi.
Qaraǵandy oblysynda týǵan. Saran pedagogıkalyq ýchılışesin (1992 j), E.A.Bóketov atyndaǵy Qaraǵandy memlekettik ýnıversıtetin (2000 j) jáne Qaraǵandy ekonomıkalyq ýnıversıtetin (2006 j) bitirgen.
Eńbek jolyn Qaraǵandy oblysy Saran qalasynyń ákimdiginde bastady. Mádenıet jáne aqparat mınıstrligi, QR Premer-Mınıstri Keńsesinde túrli laýazymdarda qyzmet atqarǵan. 2012 jylǵy qarashadan bastap 2016 jylǵa deıin QR Prezıdentiniń janyndaǵy Ortalyq kommýnıkatsııalar qyzmeti dırektorynyń orynbasary boldy. 2016-2018 jyldary QR Aqparat jáne kommýnıkatsııalar mınıstrligi Aqparat komıtetiniń tóraǵasy qyzmetin atqarǵan. QR Aqparat jáne qoǵamdyq damý vıtse-mınıstri (2019-2020) boldy. 2020-2022 jyldary QR Prezıdenti Ákimshiligi Іshki saıasat bóliminiń meńgerýshisi qyzmetin atqardy. 2022-2023 jyldary - QR Aqparat jáne qoǵamdyq damý vıtse-mınıstri.
2024 jyldyń qazan aıynan bastap qazirgi qyzmetinde.
37 jyl buryn (1987) Freedom Holding Corp Bas atqarýshy dırektory, qazaqstandyq kásipker Tımýr Rýslanuly TÝRLOV dúnıege keldi.
Máskeýde dúnıege kelgen. 2009 jyly K.E.Tsıolkovskıı atyndaǵy Reseı memlekettik tehnologııalyq ýnıversıtetin ekonomıst-menedjer mamandyǵy boıynsha bitirdi. Brokerlik, dılerlik qyzmet jáne baǵaly qaǵazdardy basqarý qyzmeti boıynsha qarjy naryǵynyń mamany.
Eńbek joly: 2003 jyly World Capital Investments (WCI) amerıkalyq ınvestıtsııalyq kompanııasy Máskeýdegi fılıalynyń treıderi, 2005 jyly “ıÝnıastrým Bank” amerıkandyq qor naryǵynda operatsııalarmen aınalysatyn bólimshesiniń mamany, 2008 jyly Frıdom Fınans” ınvestıtsııalyq kompanııasy” JShS quryltaıshysy, 2011-2021 jyldary “Frıdom Fınans” ınvestıtsııalyq kompanııasy” JShS Bas dırektory, 2015 jyldan - Freedom Holding Corp negizgi aktsıoneri jáne Bas atqarýshy dırektory.
«Frıdom Fınans» AQ dırektorlar keńesiniń tóraǵasy, «Kcell» AQ dırektorlar keńesiniń múshesi, YPO Kazakhstan qatysýshysy, Aqniet Group baıqaýshy keńesiniń múshesi, Freedom Finance Insurance jáne Freedom Finance Life dırektorlar keńesiniń tóraǵasy.
2019 jyldan - Qarjy naryǵynyń qatysýshylarynyń Ulttyq qaýymdastyǵy dırektorlar keńesiniń múshesi. 2023 jyldan - Qazaqstan shahmat federatsııasynyń prezıdenti. 2021 jyly Forbes Kazakhstan nusqasy boıynsha jyl bıznesmeni.
