13 qańtar. Tulǵalar týǵan kún
Búgin, 13 qańtar kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
71 jyl buryn (1954) Qazaqstannyń tanymal memleket jáne qoǵam qaıratkeri Serik Ǵabdollauly TEMІRBULATOV dúnıege keldi.
Qaraǵandy qalasynda týǵan. E. A. Býketov atyndaǵy Qaraǵandy memlekettik ýnıversıtetin «quqyqtaný» mamandyǵy boıynsha bitirgen.
Eńbek joly: 1979-1982 jyldary Qaraǵandy oblysy kólik prokýrorynyń kómekshisi, 1982-1983 jyldary Taldyqorǵan oblysy prokýratýrasynyń tergeýshisi, 1983-1984 jyldary Almaty kólik prokýratýrasynyń prokýrory, 1984-1990 jyldary Tergeý basqarmasynyń prokýrory, erekshe tapsyrmalar jónindegi kómekshisi, Qazaq KSR prokýratýrasynyń bólim bastyǵy, 1990-1991 jyldary Qazaq KSR Prezıdenti men Mınıstrler Kabıneti Apparatynyń memlekettik-quqyqtyq bóliminiń konsýltanty, sektor meńgerýshisi, 1991-1994 jyldary QR Ádilet mınıstriniń orynbasary, 1994-1995 jyldary QR vıtse-prezıdenti hatshylyǵynyń meńgerýshisi, QR baǵaly qaǵazdar jónindegi ulttyq komıssııasynyń tóraǵasy, 1996-1999 jyldary QR Konstıtýtsııalyq Keńesiniń múshesi, QR Nashaqorlyqqa qarsy kúres agenttigi tóraǵasynyń orynbasary, 2000-2002 jyldary QR Joǵarǵy Soty janyndaǵy Sot ákimshiligi komıteti tóraǵasynyń orynbasary, 2002-2007 jyldary QR Bas Prokýrory Hatshylyǵynyń meńgerýshisi, Ortalyq oblystyq kólik prokýrory, 2012-2013 jyldary QR Ekonomıkalyq qylmysqa jáne sybaılas jemqorlyqqa qarsy kúres agenttigi basqarmasynyń basshysy, 2013-2019 jyldary QR Bas Prokýrorynyń aǵa kómekshisi qyzmetin atqardy. 2019 jyly «Qazaqstan Temir joly» UK» AQ korporatıvtik ombýdsmeni boldy.
67 jyl buryn (1958) qazaqstandyq dıplomat, UQShU Bas hatshysy orynbasarynyń mindetterin ýaqytsha atqarýshy Samat Islamuly ORDABAEV dúnıege keldi.
Almaty (burynǵy Taldyqorǵan oblysy) oblysynda týǵan. Qazaq aýyl sharýashylyǵy ınstıtýtyn bitirgen.
1980-1990 jyldary V. I. Lenın atyndaǵy Búkilodaqtyq aýyl sharýashylyǵy ǵylymdary akademııasynyń Shyǵys bóliminde aspırant, kishi, aǵa ǵylymı qyzmetker boldy. 1990-1992 jyldary Qazaq ǵylymı tehnıkalyq aqparat ǵylymı zertteý ınstıtýtynyń bólim meńgerýshisi, 1992-1994 jyldary Qazaq aýyl sharýashylyǵy ǵylymdary akademııasynyń ǵalym-hatshysy, 1994-1996 jyldary QR Ǵylym jáne jańa tehnologııalar mınıstrliginiń basqarma bastyǵynyń orynbasary, 1996 jyly QR-nyń TMD qatysýshy elderimen yntymaqtastyq jónindegi Memlekettik komıtettiń bólim bastyǵy, 1998-2000 jyldary QR SІM úshinshi, ekinshi, birinshi hatshysy, bólim bastyǵy, basqarma bastyǵy, 2000-2003 jyldary Qazaqstannyń Belarýstaǵy elshiliginiń keńesshisi, 2003-2004 jyldary QR SІM TMD isteri komıteti tóraǵasynyń orynbasary, 2004-2005 jyldary QR SІM TMD departamentiniń dırektory, 2005-2006 jyldary QR-nyń Reseı Federatsııasyndaǵy elshiliginiń keńesshisi, 2006-2007 jyldary TMD atqarý komıteti tóraǵasynyń orynbasary — atqarýshy hatshysy, 2007-2013 jyldary QR-nyń Reseı Federatsııasyndaǵy elshiliginiń keńesshi-elshisi, 2013-2016 jyldary QR Syrtqy ister mınıstriniń orynbasary qyzmetin atqardy.
2016-2020 jyldary QR Ýkraınadaǵy Tótenshe jáne Ókiletti Elshisi, 2017-2020 jyldary QR Moldova Respýblıkasyndaǵy Tótenshe jáne Ókiletti Elshisi qyzmetin qosa atqardy.
2021 jyldyń aqpan aıynan bastap qazirgi qyzmetinde.
Medaldarmen, QR Prezıdentiniń Alǵys hatymen marapattalǵan.
61 jyl buryn (1964) «QazTransOıl» AQ áleýmettik-eńbek qatynastary jáne jalpy máseleler jónindegi basqarýshy dırektory Ǵazız QOShANOV dúnıege keldi.
Qaraǵandy polıtehnıkalyq ınstıtýtyn «Paıdaly qazbalardy óńdeý» mamandyǵy boıynsha, Q.I. Sátbaev atyndaǵy Qazaq ulttyq tehnıkalyq ýnıversıtetin «Gaz jáne munaı qubyrlaryn jobalaý, salý jáne paıdalaný» mamandyǵy boıynsha, I. M. Gýbkın atyndaǵy Reseı memlekettik munaı jáne gaz ýnıversıtetin «Energetıkalyq bıznesti basqarý jáne jobalardy basqarý» mamandyǵy boıynsha bitirgen.
Eńbek joly: 2001-2012 jyldary Astana qalasyndaǵy «KazakhOil-Products» JShS, «QazMunaıGaz» saýda úıi» AQ jáne basqa da munaı-gaz sektoryndaǵy kompanııalarda ártúrli laýazymdarda jumys istedi, 2012-2017 jyldary «QazMunaıGaz Ónimderi» JShS bas dırektorynyń bıznesti damytý jónindegi orynbasary, bas dırektorynyń birinshi orynbasary, bas dırektorynyń transformatsııa jónindegi birinshi orynbasary qyzmetterin atqardy, 2017-2019 jyldary «QazMunaıGaz-Aero» JShS bas dırektorynyń birinshi orynbasary, bas dırektordyń damý jónindegi orynbasary, bas dırektorynyń keńesshisi, 2019-2022 jyldary «PetroRetail PFS» JShS bas dırektorynyń orynbasary boldy.
2022 jyldyń sáýir aıynan bastap qazirgi qyzmetinde.
55 jyl buryn (1970) QR Parlament Májilisiniń VIII shaqyrylym depýtaty Nıkolaı Gennadevıch ARSıÝTIN dúnıege keldi.
Pavlodar qalasynda týǵan. 2014 jyly akademık Q.Sátbaev atyndaǵy Ekibastuz ınjenerlik-tehnıkalyq ınstıtýtyn «Elektr energetıkasy bakalavry» mamandyǵy mamandyǵy boıynsha, 2015 jyly Qazaqstan-Reseı ýnıversıteti, zań bakalavry mamandyǵy boıynsha bitirgen.
Eńbek joly: 1990-1997 jyldary Pavlodar qalasy Joǵarǵy Ertis ózeni keme qatynasy mekemesiniń «Raketa-11» teplohodynyń motorıst-matrosy, 1997-1998 jyldary «Ertis»» keme qatynasy basqarmasynyń bastyǵy, 1998-2003 jyldary «Arnıka» JShS basshysy, 2003-2004 jyldary «DAK-NTM» JShS dırektory, 2004-2008 jyldary «NURA» JShS kommertsııalyq dırektory, 2008-2010 jyldary «Azııa-Tranzıt» JShS dırektory, 2010-2012 jyldary «NoMad» sharýa qojalyǵynyń basshysy, 2012 jyly «KSP Steel» JShS Pavlodar № 2 fılıalynyń dırektory, keıinnen «ProminvestAlmaty» JShS fılıalynyń dırektory; «Fesıl Grýpp» JShS dırektorynyń keńesshisi bolyp qyzmet atqarǵan.
Qazirgi qyzmetinde 2023 jyldyń naýryzynan beri.
ІІІ dárejeli «Eńbek dańqy» tósbelgisimen, mereıtoılyq medaldarmen marapattalǵan.
49 jyl buryn (1976) estrada ánshisi, Qazaqstannyń eńbek sińirgen qaıratkeri Karına Zaýrqyzy ABDÝLLINA dúnıege keldi.
Almaty qalasynda týǵan. Qurmanǵazy atyndaǵy Almaty konservatorııasynyń fortepıano synybyn bitirgen.
Eńbek joly: 12 jasynda Karına Dargomyjskııdiń «Rýsalka» operasynda kishkentaı sý perisi rólin somdady, 13 jasynan bastap oqýshylar saraıynyń VIA tobynda án aıtty, «Musicola» dýetiniń solısi, Máskeýde ótken «Tańǵy juldyz» baıqaýynda gran-prı ıegeri, Nıý-Iorkte ótken «Úlken alma» halyqaralyq baıqaýynda birinshi oryn ıegeri. 1996 jyly Polygram-men kelisim-shart jasasty, 2008 jyly S. Narymbetovtyń «Mustafa Shoqaı» dramasyndaǵy Marııa Gorına rólin somdady, 2009 jyly «Armandaǵy qyz» poezııalyq jınaǵynyń shyǵarylymy, 2011-2012 jyldary «Mádenıet» telearnasynda «Kezdeısoq kezdesýler» baǵdarlamasya qatysty, qazaqstandyq «Klassıka» radıosynda «Dıalog» baǵdarlamasyna qatysty, 2013 jyly Qazaqstannyń mádenıeti men ónerin damytýǵa qosqan zor úlesi úshin ánshige QR eńbek sińirgen qaıratkeri qurmetti ataǵy berildi. 2014 jyly «Mıýzıkola» dýeti qazaqstandyq boksshy Gennadıı Golovkınniń Monte-Karlodaǵy jekpe-jegi aldynda Qazaqstan tarıhynda tuńǵysh ret memlekettik ánurandy oryndady. 2016 jyly «Mýzıkola» dýeti Bolat Syzdyqovtyń qaıtys bolýyna baılanysty jumysyn toqtatty. Top ánderiniń kópshiliginiń avtory bolǵandyqtan Abdýllına jeke oryndaýyn jalǵastyra berdi. 2018 jyldyń aqpan aıynda ánshiniń «Kel» albomy shyqty. 2021 jyly «Astana Balet» teatrynda K.Abdýllınanyń mýzykasy men lıbrettosyna jazylǵan «Taǵdyr arqaýy» baletiniń premerasy boldy. 2023 jyly «Astana Balet» teatrynyń sahnasynda Karına Abdýllınanyń mýzykasyna jazylǵan tuńǵysh balalar ertegisi «Ot qyz» baletiniń premerasy ótti.