121 myńnan astam astanalyq óz saılaý ýchaskelerin elektrondyq qyzmet arqyly tapty

NUR-SULTAN. QazAqparat - 121 myńnan astam astanalyq saılaý ýchaskelerin izdeý qyzmeti arqyly ózderin saılaýshylar tiziminen tapty. Saılaýshylar tizimin tekserý jáne saılaý ýchaskesin anyqtaý 6 tásil arqyly júzege asady, dep habarlaıdy elorda ákimdiginiń resmı saıty.

2019 jyldyń 9 maýsymynda Qazaqstan Respýblıkasy Prezıdentiniń merziminen buryn saılaýy ótedi. Saılaýshylar tiziminde bolý úshin turǵylyqty mekenjaıy boıynsha saılaý ýchaskesi aýmaǵynda tirkeýde bolýy jetkilikti. Saılaýshylar tiziminen ózin anyqtaý úshin 24/7 rejiminde 109 biryńǵaı baılanys ortalyǵyna qońyraý shalýǵa bolady. Ekinshi ádis: qala qyzmetteri bólimindegi Smart Astana mobıldi qosymshasy.

Sondaı-aq qajet málimetterdi elorda ákimdiginiń resmı astana.gov.kz saıtyndaǵy «Saılaý-2019»-«Óz saılaý ýchaskeńdi tap» bóliminen anyqtaýǵa múmkindik bar. Saılaý ýchaskeńizdiń mekenjaıyn JSN nómirińizdi, ATÁ jáne týǵan kúnińizdi engizý arqyly anyqtaısyz. Elorda kartasy (maps.astana.kz) saılaý ýchaskeleriniń ornalasqan jerin kórýge múmkindik beredi. Sizdiń saılaý ýchaskeńiz jaıly málimetterdi Telegram-daǵy @smartastana_bot chat-botynan alýǵa bolady. Tek ózińizdiń ATÁ, týǵan kúnińizdi, tirkeý mekenjaıyn jáne JSN nómirin engizseńiz bolǵany.

Budan bólek qajet málimetterdi WhatsApp messendjeri boıynsha [phone] nómirinen jáne @smartastana2019 Instagram akkaýntynan alýǵa bolady.