120 memlekettiń densaýlyq saqtaý mınıstrleri Astana deklaratsııasyn qabyldaıdy
Dúnıejúzilik densaýlyq saqtaý uıymy, ıÝNISEF jáne Qazaqstan Úkimeti birlesip uıymdastyratyn bul shara Almaty deklaratsııasynyń 40 jyldyǵyna arnalyp otyr. Oǵan DDU múshe 120 memleket ókilderi, densaýlyq saqtaý mınıstrleri, álemge tanymal sarapshylar men metsenattar shaqyrylǵan.
«1978 jyly «Almaty deklaratsııasy» barsha adamzattyń densaýlyqqa qol jetkizý strategııasy retinde medıtsınalyq-sanıtarlyq alǵashqy kómekti nasıhattaıtyn tuńǵysh halyqaralyq deklaratsııa bolǵan edi. Odan keıingi densaýlyqty nyǵaıtý, jalpyǵa birdeı densaýlyq syndy qozǵalystar Almaty deklaratsııasynyń biregeı qaǵıdalary - ádilet, yntymaqtastyq, áleýmettik ádiletke negizdelgen», - dedi DDU Bas dırektorynyń kómekshisi Naoko ıAmamoto Ortalyq kommýnıkatsııalar qyzmetinde ótken baspasóz máslıhatynda.
QR Densaýlyq saqtaý mınıstri Eljan Birtanov jahandyq konferentsııada Almaty deklaratsııasyn tolyqtyratyn jańa Astana deklaratsııasy qabyldanatynyn jetkizdi.
«Halyqaralyq sarapshylar Almaty deklaratsııasynyń áli de mańyzyn joımaǵanyn aıtty. Áıtse de, álemdik densaýlyq saqtaýdaǵy jańa úrdisterge baılanysty, Almaty deklaratsııasyn tolyqtyratyn jańa qujat ázirleýdi usyndyq. Bul qujatty Dúnıejúzilik densaýlyq saqtaý uıymy qyzý talqyǵa salyp jatyr. Jenevadaǵy turaqty ókildikte Qazaqstan 50-den astam eldiń qatysýymen 4 sessııa ótkizdi. Konferentsııa bastalǵansha barlyq eldiń kelisimin alyp, saltanatty túrde qabyldaımyz», - dedi ol.
Sonymen birge, mınıstr Almaty men Astana deklaratsııalarynyń negizgi aıyrmashylyǵy nede ekenin aıtty.
«Qyryq jyldan astam ýaqytta Qazaqstannyń ǵana emes, álem halyqtarynyń ómir súrý uzaqtyǵy artty. Demek, qarttar medıtsınalyq qyzmetti kóbirek paıdalanady. Sondaı-aq, qyryq jyl buryn ınfektsııalyq aýrýlar - óte mańyzdy aýrýlar qatarynda bolsa, alǵashqy medıtsınalyq kómektiń arqasynda kóptegen aýrýlar joıyldy. Qazir juqpaly emes aýrýlar - qant dıabeti, baýyr, ókpe aýrýlary dúnıe júzinde ózekti bolyp otyr. Olardyń aldyn alý úshin profılaktıkaǵa kóńil bólgen jón. Úshinshi mańyzdy faktor - jańa tehnologııalar. Qyryq jyl burynǵy medıtsına men qazirgi medıtsınanyń arasy jer men kókteı. Aqparattyq tehnologııalardyń róli kóbeıip jatyr. Osynyń barlyǵyn tıimdi paıdalanýymyz kerek», - dedi Eljan Birtanov.