12 jyldan keıin kúdikti Birikken Arab Ámirlikterinen qaıtaryldy
ASTANA. KAZINFORM — Densaýlyǵyna ortasha aýyrlyqtaǵy zııankeltirgen kúdikti Birikken Arab Ámirlikterinen qaıtaryldy.
Bas prokýratýra men Іshki ister mınıstrliginiń qyzmetkerleri Birikken Arab Ámirlikterindegi Qazaqstan elshiliginiń kómegimen Dýbaı qalasynan buzaqylyq nıetpen jábirlenýshiniń densaýlyǵyna ortasha aýyrlyqtaǵy zııan keltirgeni úshin kúdiktini qaıtardy.
— Ol 2012 jyldyń 25 naýryzynda Temirtaý qalasynda buzaqylyq nıetpen jábirlenýshige sebepsiz birneshe ret dene jaraqatyn salyp, eki jerinen jaq súıegin syndyrdy degen kúdikke ilindi, — delingen habarlamada.
Qylmys jasaǵannan keıin kúdikti qashyp ketip, 12 jyldan keıin Birikken Arab Ámirlikteriniń aýmaǵynda anyqtaldy.
Qazirgi ýaqytta kúdikti qylmystyq jaýaptylyqqa tartý úshin Qazaqstan polıtsııasyna tapsyryldy.
Aıta ketelik 31 mln teńge jymqyrǵan kúdikti Reseıden ekstradıtsııalanǵan edi.