12 sáýirde aýa raıy qandaı bolady

ASTANA. KAZINFORM — «Qazgıdromet» RMK 12 sáýirge  arnalǵan sınoptıkalyq jaǵdaı men Qazaqstan aýmaǵyndaǵy aýa raıynyń qaýipti qubylystaryna qatysty boljammen bólisti. 

Sınoptıkterdiń boljamynsha, Qazaqstannyń basym bóliginde aýa raıynyń turaqsyz sıpaty saqtalady. 

Atmosferalyq frontaldy bólimder Qazaqstannyń basym bóliginde aýa raıynyń turaqsyz sıpatyn saqtaıdy – jańbyr jaýady, eldiń ońtústiginde, ońtústik-shyǵysynda – qatty jańbyr jaýady, taýly aýdandarda jaýyn-shashyn,  jańbyr aralas  qar jaýady.

Shyǵysta, respýblıkanyń ortalyǵynda jaýyn-shashyn (jańbyr, qar) kútiledi. Qazaqstan boıynsha tuman, jel kúsheıedi. 

Elimizdiń soltústiginde, shyǵysynda kóktaıǵaq, ońtústiginde, ońtústik-shyǵysynda naızaǵaı, ońtústik-batysynda kúndiz shańdy daýyl kútiledi.