12 sáýir. Tulǵalar týǵan kún
Búgin, 12 sáýir kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
62 jyl buryn (1962) Aýyl partııasy tóraǵasynyń orynbasary Qaırat Qaparuly AITÝǴANOV dúnıege keldi.
Almaty energetıka jáne baılanys ınstıtýtyn «ınjener – ekonomıst» biliktiligi boıynsha, Máskeý qalasyndaǵy Búkilodaqtyq aýyl sharýashylyǵy ekonomıkasy ǵylymı-zertteý ınstıtýtynyń aspırantýrasyn bitirgen.
Eńbek jolyn 1984 jyly topyraqtaný kafedrasynyń assıstenti qyzmetinen bastady. 1987-1989 jyldar aralyǵynda agronom, aǵa agronom-tuqym ósirýshi, keńshardyń bas ekonomısi bolyp jumys istedi.
1990 -1992 jyldary Qyzyltý aýdandyq agroónerkásip birlestigi tóraǵasynyń ekonomıkalyq máseleler jónindegi orynbasary jáne Kókshetaý oblysy aýdandyq ákimshiliginiń aýdandyq josparynyń tóraǵasy qyzmetterin atqardy. 1992 - 1996 jyldary kommertsııalyq qurylymdarda basshylyq qyzmetterdi atqardy. 1996-2005 jyldary Kókshetaý oblysy ákimi apparatynyń bólim meńgerýshisi, Soltústik Qazaqstan oblystyq ekonomıka basqarmasy bastyǵynyń orynbasary, Qazaqstan Respýblıkasy Strategııalyq josparlaý jáne reformalar jónindegi agenttiginiń bólim bastyǵy, Astana qalasyndaǵy «Aqmola Elektrjelilik Taratý Kompanııasy» AQ Basqarma tóraǵasynyń orynbasary qyzmetterin atqardy.
2005-2007 jyldar aralyǵynda Qazaqstan Respýblıkasy Aýyl sharýashylyǵy mınıstrligi apparatynyń basshysy, Halyqaralyq Qaıta Qurý jáne damý bankiniń (Dúnıejúzilik bank) «Aýyl sharýashylyǵyn jekeshelendirýden keıingi qoldaý» jobasyn basqardy. 2007 - 2011 jyldary Shymkent qalasyndaǵy «Ońtústik» ÁKK ulttyq kompanııasy» AQ qarjy dırektory, orynbasary, birinshi orynbasary, Basqarma tóraǵasy laýazymdarynda jumys istedi. 2012 - 2016 jyldary Qaraǵandy oblysy ákiminiń orynbasary, «QazAgro» Ulttyq basqarýshy holdıngi» AQ basqarma tóraǵasynyń orynbasary, Qazaqstan Respýblıkasy Kásipodaqtar federatsııasynyń Basqarma tóraǵasynyń orynbasary qyzmetterin atqardy. 2016 jyly Qazaqstan Respýblıkasynyń Aýyl sharýashylyǵy birinshi vıtse-mınıstri bolyp jumys istedi.
2018 jyldary S.Seıfýllın atyndaǵy Qazaq agrotehnıkalyq ýnıversıtetiniń basqarma tóraǵasynyń orynbasary qyzmetin atqardy.
«Qurmet» ordenimen jáne 5 medalmen marapattalǵan.
56 jyl buryn (1968) Qazaqstan Respýblıkasy Premer-mınıstriniń orynbasary – Qazaqstan Respýblıkasy Úkimetiniń apparat jetekshisi Ǵalymjan Telmanuly QOIShYBAEV dúnıege keldi.
M.V. Lomonosov atyndaǵy Máskeý memlekettik ýnıversıtetin bitirgen (1991); M.V.Lomonosov atyndaǵy Máskeý memlekettik ýnıversıtetiniń joǵary mektebi, fılosof (1994).
Eńbek joly: «Kazzapselproekt» BJI korrektor (1985); Qazaqstan Respýblıkasynyń Reseı Federatsııasyndaǵy Elshiliginde kómekshi, attashe, úshinshi, birinshi hatshy, keńesshi, mınıstr keńesshisi (1994-2004); Qazaqstan Respýblıkasy Prezıdenti Ákimshiliginiń Syrtqy saıasat ortalyǵynyń bas ınspektory (2004-2006); Qazaqstan Respýblıkasynyń Syrtqy ister mınıstrliginiń arnaıy tapsyrmalar jónindegi elshisi (2006-2008); Qazaqstan Respýblıkasynyń Lıtva Respýblıkasyndaǵy Tótenshe jáne Ókiletti Elshisi (2008 jyldan); Qazaqstan Respýblıkasynyń Latvııa, Estonııa Respýblıkasy jáne Fınlıandııa Respýblıkasyndaǵy Tótenshe jáne Ókiletti Elshisi qyzmetin qosa atqarýshy (2009 jyldan); Qazaqstan Respýblıkasynyń Fınlıandııa Respýblıkasyndaǵy Tótenshe jáne Ókiletti Elshisi, Qazaqstan Respýblıkasynyń Estonııa Respýblıkasyndaǵy Tótenshe jáne Ókiletti Elshisi qyzmetin qosa atqarýshy (2012-2016); Qazaqstan Respýblıkasy Syrtqy ister mınıstriniń orynbasary (2016-2019). Qazaqstan Respýblıkasy Premer-Mınıstri Keńsesiniń basshysy (2019-2023).
2023 jyldyń naýryzynan bastap qazirgi qyzmetinde.
49 jyl buryn (1975) Qazaqstan musylmandary dinı basqarmasy janyndaǵy ımamdardyń biliktiligin arttyratyn Respýblıkalyq ıslam ınstıtýtynyń dırektory Oraz Satybaldyuly SERІKBAI dúnıege keldi.
1990-1992 jyldary Tashkent qalasynda qarılardy daıyndaıtyn medreseni tamamdaǵan. 1992-1994 jyldary Mysyrdaǵy Al-Azhar ýnıversıtetinde oqyǵan.
1995-1996 jyldary Islamabadtaǵy Álemdik ýnıversıtette bilim alǵan. Almaty memlekettik Abaı atyndaǵy ýnıversıtetinde zań fakýltetin syrttaı bitirgen. 2012-2014 jyldary M.Dýlatov atyndaǵy Qostanaı ınjenerlik-ekonomıkalyq ýnıversıtetiniń «Menedjment» mamandyǵy boıynsha magıstratýrasyn bitirip, ekonomıka ǵylymdarynyń magıstri akademııalyq dárejesin alǵan. 2014-2016 jyldary «Nur Múbərak» ýnıversıtetiniń Islamtaný mamandyǵy boıynsha magıstri akademııalyq dárejesin alǵan. Dinı saladaǵy jumysy Almaty Ortalyq meshitiniń naıb ımamy qyzmetinen bastalǵan. Islam ınstıtýtynyń ustazy, rektory, QMDB Aqmola oblysy boıynsha ókil ımamy, Almaty qalasy ákimshiliginiń dinı ister bóliminiń sektor meńgerýshisi, QR Prezıdenti Іs basqarmasynda dırektsııa dırektory qyzmetin atqardy. 2000-2001 jyldary QMDB tóraǵa orynbasary, naıb múftı, 2003-2005 jyldary Ońtústik Qazaqstan oblysy Saryaǵash aýdanynyń Bas ımamy, 2011-2013 jyldary QMDB-nyń Qostanaı oblysy boıynsha ókil ımamy, 2013 jyly QMDB tóraǵa orynbasary, naıb múftı, «Áziret Sultan» meshitiniń Bas ımamy qyzmetin atqardy. 2017 jyly Qazaqstan musylmandarynyń kezekti VIII quryltaıynda Qazaqstan musylmandary dinı basqarmasynyń tóraǵasy, Bas múftı laýazymyna saılandy.
2020 jyldyń naýryz aıynan qazirgi qyzmetinde.
40 jyl buryn (1984) QR Týrızm jáne sport vıtse-mınıstri Serik Maratuly JARASBAEV dúnıege keldi.
Soltústik Qazaqstan oblysynda dúnıege kelgen. M. Qozybaev atyndaǵy Soltústik Qazaqstan memlekettik ýnıversıtetin, Reseı halyqaralyq olımpıada ýnıversıtetin támamdaǵan. Mamandanýy — dene shynyqtyrý jáne sport, memlekettik jáne jergilikti basqarý, sporttyq ákimshilendirý.
2006-2007 jyldary Petropavldaǵy balalar-jasóspirimder sport mektebinde bokstan jattyqtyrýshy-oqytýshy, nusqaýshy-sportshy bolyp jumys istedi. 2007-2010 jyldary Soltústik Qazaqstan oblysy Týrızm, dene shynyqtyrý jáne sport basqarmasynyń bas mamany, oqý-sport bóliminiń basshysy. 2011-2012 jyldary QR Týrızm jáne sport mınıstrliginiń Sport komıtetiniń Ǵylymı-ádistemelik qamtamasyz etý, ınnovatsııalyq tehnologııalar jáne bilim basqarmasynyń sarapshysy, bas sarapshysy; SQO Týrızm, dene shynyqtyrý basqarmasy basshysynyń orynbasary bolyp jumys istedi. 2012-2014 jyldary QR Sport jáne dene shynyqtyrý isteri agenttiginiń Joǵary jetistikter sporty jáne sport rezervi departamentiniń Jazǵy sport túrleri basqarmasynyń basshysy, Sport jáne dene shynyqtyrý isteri agenttiginiń Joǵary jetistikter sporty jáne sport rezervi departamentiniń dırektory qyzmetterin atqarǵan. 2014-2018 jyldary QR MSM Sport jáne dene shynyqtyrý isteri komıteti tóraǵasynyń orynbasary boldy. 2018-2019 jyldary QR MSM Sport jáne dene shynyqtyrý isteri komıtetiniń tóraǵasy qyzmetin atqardy. 2019-2021 jyldary QR MSM Sport jáne dene shynyqtyrý isteri komıteti tóraǵasynyń orynbasary. «Qazaqstandyq kerlıng, edendik kerlıng jáne petanga federatsııasy» RQB birinshi vıtse-prezıdenti. 2021-2023 jyldary QR Mádenıet jáne sport vıtse-mınıstri boldy
2023 jyldyń naýryz aıynan bastap qazirgi qyzmetinde.
125 jyl buryn (1899-1964) ǵalym, Qazaqstan geologtary ǵylymı mektebiniń negizin qalaýshy, qazaqstandyq metallogenııa ǵylymynyń negizin salýshy, geologııa-mıneralogııa ǵylymdarynyń doktory, professor, Qazaqstan Ǵylym akademııasyn uıymdastyrýshylardyń biri ári tuńǵysh prezıdenti Qanysh Imantaıuly SÁTBAEV dúnıege keldi.
Pavlodar oblysynyń Baıanaýyl aýdanynda týǵan. Saýatyn aýyl moldasynan ashqan bolashaq ǵalym Pavlodardaǵy orys-qazaq mektebinde, Semeı muǵalimder semınarııasynda, Tomsk tehnologııa ınstıtýtynyń taý-ken fakýltetinde bilim alǵan. Muǵalimder semınarııasynda J.Aımaýytov, M.Áýezov syndy kórnekti qaıratkerlermen birge oqyǵan. Sh.Qudaıberdiulymen tyǵyz baılanysta bolyp, onyń shyǵarmashylyǵyn joǵary baǵalaǵan. «Alash» qozǵalysy qaıratkerleriniń is-áreketine qoldaý bildirgen. 1920-1941 jyldary Baıanaýylda halyq sýdıasy, «Atbastústimet» tresi geologııa bóliminiń, Qarsaqtaı mys kombınaty geologııalyq barlaý bóliminiń bastyǵy, kombınattyń bas geology qyzmetterin atqarǵan. 1941-1952 jyldary KSRO Ǵylym akademııasy Qazaq bólimshesiniń quramyndaǵy Geologııa ǵylymdary ınstıtýtynyń dırektory, KSRO Ǵylym akademııasynyń Qazaq bólimshesi Tóralqasy tóraǵasynyń orynbasary, tóraǵasy, Qazaqstan Ǵylym akademııasynyń prezıdenti bolǵan.
1952 jyly ámirshildik júıeniń tarapynan qysymǵa ushyrap, qyzmetinen tómendetilip, Qazaq KSR Geologııa ınstıtýtynyń dırektory bolyp taǵaıyndalǵan. 1955 jyly Qazaq KSR Ǵylym akademııasynyń prezıdenti bolyp qaıta saılanyp, ómiriniń sońyna deıin osy qyzmetti atqarǵan.
Qazaqstannyń qala, aýyldarynda Sátbaev esimimen atalatyn júzdegen kóshe, 40-tan astam mektep bar. Sondaı-aq ǵalymǵa eskertkishter ornatylǵan.
Onyń esimi Qazaqstan Ǵylym akademııasynyń Geologııa ǵylymdary ınstıtýtyna, bir qala men ǵalamsharǵa, elimizdiń eń iri tehnıkalyq oqý orny Qazaq ulttyq tehnıkalyq ýnıversıtetine berilgen.
Sátbaevtyń qurmetine Jońǵar (Jetisý) Alataýy jotasyndaǵy muzdyq pen shyń, Qarataýdaǵy vannadıı ken ornynan tabylǵan «Sátbaevıt» mıneraly, «Akademık Sátbaev» gladıolıýs gúli atalǵan. 4 márte Lenın, 2-shi dárejeli Otan soǵysy ordenderimen, medaldarmen marapattalǵan.
