12 naýryz. Tulǵalar týǵan kún
Búgin, 12 naýryz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1963) Qazaqstannyń saıasat qaıratkeri, jazýshy, dramatýrg Ermek Ámirhanuly AMANShAEV dúnıege keldi.
Mańǵystaý oblysynda týǵan. 1985 jyly Qazaq Memlekettik ýnıversıtetin bitirdi, fılolog, fılologııa ǵylymdarynyń kandıdaty.
Eńbek joly: 1979 jyly Mańǵystaý oblysyndaǵy Eralıev poselkisindegi orta mektep oqytýshysy, 1985–1986 jyldary Qazaqstannyń Ortalyq Memlekettik mýzeıiniń ǵylymı qyzmetkeri, 1986–1988 jyldary Qazaq Entsıklopedııasynyń ǵylymı redaktory, 1988–1991 jyldary «Jalyn» jýrnalynyń jaýapty hatshysy, 1991–1995 jyldary QazMÝ aǵa oqytýshysy, 1995–1997 jyldary QR Úkimeti apparatynyń jaýapty qyzmetkeri, 1997–2000 jyldary QR Premer-mınıstri keńsesiniń konsýltanty, sektor meńgerýshisi, bólimi meńgerýshisiniń orynbasary bolyp qyzmet atqarǵan. 2000–2002 jyldary Astana qalasyndaǵy mádenıet departamenti bastyǵy, 2002–2003 jyldary Mádenıet komıtetiniń tóraǵasy, QR Mádenıet, aqparat pen qoǵamdyq kelisim vıtse-mınıstri, 2003–2004 jyldary QR Mádenıet vıtse-mınıstri, 2004–2006 jyldary QR Mádenıet, aqparat jáne sport vıtse-mınıstri, 2006 jyly Prezıdentiniń baspasóz qyzmeti jetekshisiniń orynbasary, 2006–2008 jyldary Astana qalasy ákiminiń orynbasary, 2008 jyly «Qazaqstan temir joly» ulttyq kompanııasy AQ apparatynyń jetekshisi, 2008-2014 jyldary Sh. Aımanov atyndaǵy «Qazaqfılm» AQ prezıdenti boldy. 2014-2019 jyldary Astana qalasy ákiminiń orynbasary qyzmetin atqardy. 2019-2022 jyldary QR Premer-Mınıstri Keńsesi basshysynyń orynbasary — QR Parlamentindegi QR Úkimetiniń ókili boldy. 2023 jyldan beri — QR Parlamentindegi QR Úkimetiniń ókili.
Mádenıet vıtse-mınıstri jáne «Qazaqfılm» ulttyq kompanııasy» AQ prezıdenti bolǵan E.Amanshaev otandyq kınematografııanyń damýyna jáne salada jańa býynnyń bilikti kadrlaryn daıarlaýda qomaqty úles qosty.
«Qazaqstannyń eńbek sińirgen qaıratkeri» ataǵymen, «Mádenıet qaıratkeri» belgisimen, «Astana», «Qazaqstan Respýblıkasynyń táýelsizdigine 10 jyl» medaldarymen marapattalǵan.
Qazaqstan Jazýshylar odaǵynyń, Qazaqstan Teatr qaıratkerleri odaǵynyń, Kınematografıster odaǵynyń múshesi.
62 jyl buryn (1964) Qazaqstan Respýblıkasynyń memleket qaıratkeri, Túrkistan oblysynyń qurmetti azamaty Ómirzaq Estaıuly ShÓKEEV dúnıege keldi.
Ońtústik Qazaqstan oblysynda (qazirgi Túrkistan oblysy) týǵan. Máskeý ekonomıka-statıstıka ınstıtýtyn, aspırantýrasyn bitirgen.
Eńbek joly: 1988-1991 jyldary Qazaq KSR Josparlaý komıteti janyndaǵy Josparlaý jáne basqarý protsesterin avtomattandyrý ǵylymı-zertteý ınstıtýtynyń kishi ǵylymı qyzmetkeri, Ekonomıka jónindegi memlekettik komıtet janyndaǵy Qazaq ǵylymı-zertteý ınstıtýtynyń jetekshi ǵylymı qyzmetkeri, 1992-1993 jyldary QR Prezıdenti janyndaǵy joǵary ekonomıkalyq keńestiń keńesshisi, Prezıdenttiń ekonomıka jónindegi keńesshisi, QR Prezıdenti men Mınıstrler Kabıneti apparatynyń qarjy, eńbek jáne halyqty áleýmettik qorǵaý bólimi meńgerýshisiniń orynbasary, 1993-1998 jyldary Ońtústik Qazaqstan oblysy ákiminiń orynbasary, QR Ekonomıka mınıstri, QR Premer-Mınıstriniń orynbasary, «Bank Turan Álem» JAQ basqarma tóraǵasy, Prezıdent Ákimshiligi basshysynyń orynbasary boldy. 1998-2004 jyldarv Qostanaı oblysynyń ákimi, 2004-2006 jyldary Astana qalasynyń ákimi, 2006-2007 jyldary Ońtústik Qazaqstan oblysynyń ákimi, 2007-2009 jyldary QR Premer-Mınıstriniń orynbasary, 2009-2011 jyldary Úkimettiń birinshi vıtse-premeri, 2011-2017 jyldary «Samuryq-Qazyna» UÁQ basqarma tóraǵasy, 2017-2019 jyldary QR Premer-Mınıstriniń orynbasary — Aýyl sharýashylyǵy mınıstri, 2019-2022 jyldary Túrkistan oblysynyń ákimi qyzmetin atqarǵan.
«Parasat» (1999), «Barys» (2012) ordenderimen, medaldarmen marapattalǵan.
54 jyl buryn (1972) «Qytaı-Ortalyq Azııa» mehanızmi Bas hatshysynyń birinshi orynbasary Ǵabıt Beıbituly QOIShYBAEV dúnıege keldi.
Almaty qalasynda týǵan. 1994 jyly ál-Farabı atyndaǵy Qazaq ulttyq ýnıversıtetin, 1999 jyly QR SІM Dıplomatııalyq akademııasyn támamdaǵan.
Eńbek jolyn 1994 jyly QR SІM Ortalyq apparatynda bastap, sol jyly Qazaqstannyń Úrimji qalasyndaǵy (QHR) Pasporttyq-vızalyq qyzmetine issaparǵa joldandy. 1999-2007 jyldary Qazaqstannyń Úrimji qalasyndaǵy (QHR) Pasporttyq-vızalyq qyzmetinde, Qazaqstan Respýblıkasynyń Qytaı Halyq Respýblıkasyndaǵy Elshiliginde túrli dıplomatııalyq laýazymdarda jumysta boldy. 2007-2009 jyldary QR SІM Azııa jáne Afrıka elderi departamentinde birqatar jaýapty laýazymdarda qyzmet atqardy. 2009-2011 jyldary Qazaqstannyń Qytaıdaǵy Elshiliginiń keńesshisi, keńesshi-ýákili bolyp, 2011-2014 jyldary Qazaqstannyń Shanhaı qalasyndaǵy (QHR) Bas konsýly laýazymynda qyzmet atqardy. 2014-2016 jyldary QR SІM Konsýldyq qyzmet departamenti dırektorynyń orynbasary, Jalpyazııalyq yntymaqtastyq departamenti dırektorynyń orynbasary qyzmetterinde boldy. Qazaqstan Respýblıkasynyń Qytaı Halyq Respýblıkasyndaǵy Elshisi laýazymyna taǵaıyndalǵanǵa deıin QR Prezıdenti Ákimshiliginiń Syrtqy saıasat jáne halyqaralyq baılanystar bólimi meńgerýshisiniń orynbasary qyzmetin atqaryp keldi. 2019-2022 jyldary Qazaqstan Respýblıkasynyń Qytaı Halyq Respýblıkasyndaǵy Tótenshe jáne Ókiletti Elshisi, 2022-2025 jyldary
Qazaqstan Respýblıkasynyń Mońǵolııadaǵy Tótenshe jáne Ókiletti Elshisi qyzmetinde boldy.
ІІ synypty Tótenshe jáne Ókiletti Ýákil dıplomatııalyq dárejesi bar.
52 jyl buryn (1974) Astana qalasyndaǵy «Mýzykalyq jas kórermen teatrynyń» dırektory Ashat Maksımuly MAEMІROV dúnıege kelgen.
Oral qalasynda týǵan. 1995 jyly A. S. Pýshkın atyndaǵy Oral pedagogıkalyq ınstıtýtynyń fılologııa fakýltetin «Fılolog» mamandyǵy boıynsha, 2003 jyly T. Q. Júrgenov atyndaǵy Qazaq ulttyq óner akademııasynyń «Teatr óneri» fakýltetin «Drama teatrynyń rejısseri» mamandyǵy boıynsha bitirdi. 2008 jyly Parıjdegi Sorbonna ýnıversıtetiniń magıstratýrasynda oqyp, Frantsııadaǵy Parıj ulttyq drama óneri konservatorııasynda taǵylymdamadan ótti. 2015 jyly T. Q. Júrgenov atyndaǵy Qazaq ulttyq óner akademııasynda ónertaný mamandyǵy boıynsha fılosofııa doktory (PhD) ǵylymı dárejesin aldy.
Eńbek jolyn 1997 jyly Batys Qazaqstan oblystyq qazaq drama teatrynda akter bolyp bastady. Keıin qoıýshy-rejısser, oblystyq halyq sharýashylyǵy ortalyǵynda bas rejısser bolyp jumys istedi. Budan soń Batys Qazaqstan memlekettik ýnıversıtetinde oqytýshy, Qurmanǵazy atyndaǵy Oral mýzykalyq kolledjiniń akter sheberligi bóliminiń meńgerýshisi, «Qazaqstannyń rýhanı damý qory» AQ vıtse-prezıdenti, QR Mádenıet jáne sport mınıstrliginiń janyndaǵy «Qazaq áýenderi» AQ prezıdenti bolyp qyzmet etti.
2017 jyly «Qazaqkontsert» óner birlestiginiń bas dırektory boldy. 2018 jyly M.Áýezov atyndaǵy Qazaq memlekettik akademııalyq drama teatryna jetekshilik etti. 2018-2019 jyldary T. Júrgenov atyndaǵy Qazaq ulttyq óner akademııasynyń rektory, 2019-2020 jyldary Q.Qýanyshbaev atyndaǵy qazaq memlekettik akademııalyq mýzykalyq-drama teatrynyń dırektory boldy.
Qazirgi laýazymyn 2022 jyldyń qyrkúıeginen beri atqaryp keledi.
«Qazaqstan Konstıtýtsııasyna 20 jyl» (2015), «Qazaqstan Respýblıkasynyń táýelsizdigine 25 jyl» (2016), «20 jyl Astana» (2018) medaldarymen marapattalǵan. Qazaqstan Respýblıkasy Tuńǵysh Prezıdenti qorynyń syılyǵynyń laýreaty.
51 jyl buryn (1975) VIII saılanǵan Qazaqstan Respýblıkasy Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi Erbolat Jalǵasbaıuly SATYBALDY dúnıege keldi.
Qaraǵandy oblysy, Jezdi aýdany, Mıbulaq aýylynda týǵan. 1997 jyly Ó.A.Baıqonyrov atyndaǵy Jezqazǵan ýnıversıtetin ınjener-qurylysshy mamandyǵy boıynsha aıaqtady. 2022 jyly Qazaqstan-Amerıkandyq erkin Ýnıversıtetin bitirdi. Biliktiligi — Іskerı ákimshilik magıstri.
Eńbek joly 1997 jyly ınjenerlik jáne taý-ken salasyndaǵy qyzmetten bastaldy. 1997-2000 jyldary Annen kenishinde kúrdeli qurylys jónindegi ınjener, jer asty taý-ken sheberi, ýchaske bastyǵynyń orynbasary qyzmetterin atqardy. 2000-2005 jyldary Qaraǵandy oblysy boıynsha korporatsııanyń Jastar odaǵynyń hatshysy, 2005-2006 jyldary tseh bastyǵynyń orynbasary jáne jer asty konveıer mashınısi, 2006-2009 jyldary «Jomart» kenishiniń kásipodaq komıtetiniń tóraǵasy, 2009-2010 jyldary «Jezqazǵantúsmet» kásipodaq komıteti tóraǵasynyń orynbasary, 2010-2011 jyldary «Qazaqmys» korporatsııasy» JShS óńirlik kásipodaq uıymy tóraǵasynyń orynbasary, 2011 jyly Ákimshilik máseleler jónindegi bas maman, sondaı-aq Qaraǵandy oblysy boıynsha korporatsııa fılıalynyń basshysy, 2011-2013 jyldary Qaraǵandy oblysyndaǵy «Nashe vremıa» gazetiniń bas redaktory, 2018-2020 jyldary «Adal Eńbek KZ» JShS-de óndiris jónindegi dırektor, bas dırektor jáne atqarýshy dırektor laýazymdaryn atqardy. 2020-2023 jyldary «KásipQorǵan» taý-ken metallýrgııa kásiporyndary men aralas óndirister qyzmetkerleriniń salalyq kásiptik odaǵy» QB tóraǵasy boldy.
Qazirgi qyzmetin 2023 jyldyń naýryz aıynan beri atqaryp keledi.
ІІІ dárejeli «Eńbek Dańqy» ordenimen, «Qazaqstan Respýblıkasynyń Táýelsizdigine 30 jyl», «Qazaqstan máslıhattaryna 20 jyl» medaldarimen marapattalǵan.
48 jyl buryn (1978) Aqtóbe oblystyq qorǵanys isteri jónindegi departament bastyǵy Ardaq Maqsotkereıuly QUMAROV dúnıege keldi.
QR Qarýly kúshteriniń áskerı akademııasyn jáne 2022 jyly zań ýnıversıtetin támamdaǵan.
Áskerı qyzmetin 1996 jyly vzvod komandırinen bastap, Qarǵaly aýdany áskerı komıssarıatynda áskerı komıssardyń orynbasary, áskerı komıssar, Hromtaý aýdany qorǵanys isteri jónindegi bólim bastyǵy qyzmetterin atqardy. Batys Qazaqstan oblysy qorǵanys isteri jónindegi departamenti bastyǵynyń orynbasary boldy.Aqtóbe qalasy Astana jáne Almaty aýdandary qorǵanys isteri jónindegi biriktirilgen basqarma bastyǵy laýazymynda boldy.
Qazirgi qyzmetin 2026 jyldyń aqpanynan beri atqaryp keledi.
«QR Qarýly Kúshteriniń ardageri», I, II, III dárejeli «Minsiz qyzmeti úshin» jáne basqa da medaldarmen marapattalǵan.
40 jyl buryn (1986) Almaty qalasy Kásipkerlik jáne ınvestıtsııalar basqarmasynyń basshysy Berikbol Shatabaıuly MÁNDІBAEV dúnıege keldi.
Jambyl oblysynyń Shý aýdanynda týǵan. Ál-Farabı atyndaǵy Qazaq ulttyq ýnıversıtetin jáne Ulybrıtanııadaǵy University of Exeter oqý ornyn támamdaǵan.
Eńbek jolyn 2007 jyly Almaty qalasy Іshki saıasat basqarmasynyń jetekshi mamany retinde bastaǵan. Ár jyldary Almaty qalasy ákiminiń apparaty qurylymynda qyzmet atqarǵan.
2015-2016 jyldary Almaty qalasy ákimi apparatynda hattama, normatıvtik quqyqtyq aktilerdi tirkeý jáne resimdeý bóliminiń bas mamany-ákim orynbasarynyń kómekshisi, 2016 jyly Almaty qalasy ákimi apparatynda tirshilikti qamtamasyz etý jáne ınfraqurylymdy damytý bóliminiń bólim basshysy, 2017 jyly «Almaty ÁKK» AQ Investorlarǵa qyzmet kórsetý ortalyǵynda ırektor orynbasary, 2017-2018 jyldary «Almaty ÁKK» AQ Investorlarǵa qyzmet kórsetý ortalyǵynyń dırektory, 2018-2019 jyldary «Almaty ÁKK» AQ Basqarma tóraǵasynyń orynbasary, 2019-2020 jyldary «Qazaqınvest UK» AQ Almaty qalasy boıynsha ókildiginiń basshysy, 2020 jyly «Almaty ÁKK» AQ «Almaty ındýstrıaldyq zonasy» JShS dırektory, 2020-2021 jyldary ákimdikte jobalyq keńse basshysy, 2021-2022 jyldary «SilkwayTransit» JShS Kásipkelikti damytý jónindegi dırektory, 2023-2024 jyldary «Taraz» ÁKK" AQ AgroTehQyzmet basshysy, 2024 jyly Sý resýrstary jáne ırrıgatsııa mınıstrligi Sý únemdeýshi tehnologııalar jáne tarıftik saıasat departamentinde dırektor orynbasarynyń m.a.laýazymyn atqarǵan. 2024 jyly QR Sý resýrstary jáne ırrıgatsııa mınıstrliginiń Tarıftik saıasat departamenti dırektory orynbasarynyń m.a, Sýdy únemdeý tehnologııalaryn damytý departamenti dırektorynyń m.a., 2024-2025 jyldary Sý resýrstary jáne ırrıgatsııa mınıstrligi Sýdy únemdeý tehnologııalaryn damytý departamentiniń dırektory qyzmetinde boldy.
Qazirgi qyzmetin 2025 jyldyń qarasha aıynan beri atqaryp keledi.