12 maýsym. Tulǵalar týǵan kún
![туған күн](/static/img/plug.webp)
Búgin, 12 maýsym kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1961) Qazaqstan Parlamentiniń TMD parlamentaralyq Assambleıasyndaǵy ókiletti ókili Igor Idealovıch MÚSÁLІMOV dúnıege keldi.
![MÝSALIMOV Igor Idealovıch MÝSALIMOV Igor Idealovıch](https://img.inform.kz/kazinform-photobank/media/2024-06-12/5f116646-a04d-49db-9124-e1cd352fbf7c.jpeg)
1988 jyly Qaraǵandy memlekettik ýnıversıtetin «zańger» mamandyǵy boıynsha bitirgen.
Eńbek joly: 1988-1993 jyldary QR memlekettik organdaryndaǵy qyzmet atqardy, 1994-1996 jyldary QR SІM sharttyq-quqyqtyq basqarmasynyń úshinshi, ekinshi hatshysy, 1996-1997 jyyldary Belarýs Respýblıkasyndaǵy QR Elshiliginiń ekinshi hatshysy, 1997-2000 jyldary Lıtva Respýblıkasyndaǵy QR Elshiliginiń ekinshi, birinshi hatshysy, 2000-2001 jyldary QR SІM Memlekettik hattama qyzmetiniń sheteldik delegatsııalardy qabyldaý bóliminiń bastyǵy, 2001-2004 jyldary Hatshylyq meńgerýshisiniń orynbasary-QR Premer-Mınıstriniń hattamalyq qyzmetiniń basshysy, 2004-2011 jyldary Chehııadaǵy QR isterindegi ýaqytsha senim bildirilgen ókil, 2006-2011 jyldary Grýzııadaǵy QR isterindegi ýaqytsha senim bildirilgen ókil, 2011-2014 jyldary QR SІM Almaty qalasyndaǵy ókildiginiń basshysy bolyp jumys atqardy. 2014-2019 jyldary Qazaqstan Respýblıkasynyń Kıshınev qalasyndaǵy Bas konsýly, 2019-2021 jyldary QR SІM Ádep jónindegi ýákili laýazymynda boldy.
Qazirgi qyzmetin 2021 jylǵy qyrkúıekten bastap atqaryp keledi.
61 jyl buryn (1963) QR Ortalyq saılaý komıssııasynyń múshesi Shavkat Ánesuly ÓTEMІSOV dúnıege keldi.
![ÝTEMISOV Shavkat Anesovıch ÝTEMISOV Shavkat Anesovıch](https://img.inform.kz/kazinform-photobank/media/2024-06-12/0d71cf9c-c1cf-4f6d-9c1f-c00933b4334a.jpeg)
Batys Qazaqstan oblysy Aqjaıyq aýdanynyń Chapaev aýylynda týǵan. A.S. Pýshkın atyndaǵy Oral pedagogıkalyq ınstıtýtyn, Qazaqstan Respýblıkasy Prezıdenti janyndaǵy Memlekettik qyzmet akademııasyn bitirgen.
Instıtýt bitirgennen keıin Oral oblysynyń Chapaev aýylyndaǵy № 1 orta mektepte tarıh pániniń muǵalimi bolyp jumys istegen. 1985-1987 jyldary Sovet áskeri qatarynda qyzmet ótkerdi. 1985-1992 jyldary Qazaqstan LKJO Chapaev aýdandyq komıtetiniń nusqaýshysy, komsomol uıymdary bóliminiń meńgerýshisi, Qazaqstan LKJO Oral oblystyq komıtetiniń nusqaýshysy, uıymdastyrý bóliminiń meńgerýshisi, hatshysy, ekinshi hatshysy, 1992-1994 jyldary Oral oblystyq ákimshiliginiń Jastar isteri jónindegi komıtetiniń tóraǵasy, 1994-1998 jyldary Batys Qazaqstan oblysy Jastar isteri, týrızm jáne sport jónindegi basqarma bastyǵy, 1998-2000 jyldary Batys Qazaqstan oblysy Týrızm jáne sport basqarmasynyń bastyǵy qyzmetinde boldy. 2000-2001 jyldary Batys Qazaqstan oblystyq teleradıokompanııasynyń tóraǵasy, 2001-2002 jyldary Batys Qazaqstan oblysy ákiminiń orynbasary, 2002-2006 jyldary Batys Qazaqstan oblysy Aqjaıyq aýdanynyń ákimi, 2006-2007 jyldary Batys Qazaqstan oblysy ákiminiń orynbasary, 2007-2011 jyldary tórtinshi saılanǵan QR Parlamenti Májilisiniń depýtaty, 2012-2016 jyldary besinshi saılanǵan QR Parlamenti Májilisiniń depýtaty, 2016-2021 jyldary altynshy saılanǵan QR Parlamenti Májilisiniń depýtaty, Ekologııa máseleleri jáne tabıǵat paıdalaný komıtetiniń múshesi, 2021-2022 jyldary QR Ekologııa, geologııa jáne tabıǵı resýrstar mınıstrligi apparatynyń basshysy laýazymyn atqarǵan.
Qazirgi qyzmetinde 2022 jyldyń aqpanynan.
«Qurmet» ordenimen marapattalǵan.
60 jyl buryn (1964) QR Parlamenti Senatynyń depýtaty Nurlan Qudııaruly BEKNAZAROV dúnıege keldi.
![BEKNAZAROV Nýrlan Kýdııarovıch BEKNAZAROV Nýrlan Kýdııarovıch](https://img.inform.kz/kazinform-photobank/media/2024-06-12/c276bd4b-56f7-4ecb-aaaa-3b1277a628ff.jpeg)
Shymkent qalasynda týǵan. Shymkent polıtehnıkalyq tehnıkýmyn, Almaty halyq sharýashylyǵy ınstıtýtyn, M. Áýezov atyndaǵy Ońtústik Qazaqstan memlekettik ýnıversıtetin, Shymkent ýnıversıtetin bitirgen. Tehnık-qurylysshy, ınjener-ekonomıst, ekonomıst-qarjyger, zańger.
Eńbek jolyn 1984 jyly «Oktıabrge 50 jyl» ortalyq stadıonynyń jumysshysy bolyp bastaǵan. 1985-1986 jyldary «Oktıabr» orta mektebi dırektorynyń orynbasary, 1986-1992 jyldary Q. Muńaıtpasov atyndaǵy ortalyq stadıonnyń ádiskeri, ınjeneri, bas ınjeneri, basshy orynbasary, basshysy bolyp jumys istegen. 1993 jyldan bastap Ońtústik Qazaqstan memlekettik saqtandyrý fırmasy bas dırektorynyń birinshi orynbasary, 1996-2003 jyldary «Senim» JAQ, «Sanur» JShS, «Transoıl» AQ fılıaldary dırektorynyń orynbasary. 1999 jyldan bastap 5 ret Shymkent qalalyq máslıhatyna II, III, IV, V, VІ shaqyrylymdarǵa depýtat bolyp saılandy. 2003-2008 jyldary Shymkent qalalyq máslıhatynyń 2 shaqyrylymynda tekserý komıssııasynyń tóraǵasy, 2011-2018 jyldary Shymkent qalalyq máslıhatynyń hatshysy bolyp saılandy. 2018 jáne 2023 jyldary QR Parlamenti Senatynyń depýtaty bolyp eki ret saılandy.
58 jyl buryn VIII saılanǵan QR Parlamenti Májilisiniń Zańnama jáne sot-quqyqtyq reforma komıtetiniń múshesi Marat Sovetuly BAShIMOV dúnıege keldi.
![BAShIMOV Marat Sovetovıch BAShIMOV Marat Sovetovıch](https://img.inform.kz/kazinform-photobank/media/2024-06-12/8a760555-165b-45cc-a04e-418a1b634f5a.jpeg)
1991 jyly M.V. Lomonosov atyndaǵy Máskeý memlekettik ýnıversıtetin «zańger» mamandyǵy boıynsha bitirgen.
M. Lomonosov atyndaǵy Máskeý Memlekettik ýnıversıtetiniń Memlekettik basqarý ınstıtýtyn basqarýdyń quqyqtyq negizderi kafedrasynyń aǵa oqytýshysy. Reseı Ǵylym akademııasynyń Memleket jáne quqyq Instıtýtynyń konstıtýtsııalyq quqyq teorııasy sektorynyń aǵa ǵylymı qyzmetkeri (1995-1998);
Dotsent, L. N. Gýmılev atyndaǵy Eýrazııa ulttyq ýnıversıtetiniń Memleket jáne quqyq teorııasy men tarıhy kafedrasynyń meńgerýshisi (1999-2001);
Parlament Senaty Apparaty Komıteti Hatshylyǵynyń Meńgerýshisi (2001-2002);
Taýlar zań ınstıtýtynyń dotsenti. Astana AıÝ – «Ádilet» JShP (01.2000-2006);
QR BǴM ákimshilik-quqyqtyq departamentiniń dırektory, Qazaqstan Respýblıkasy Prezıdenti Ákimshiliginiń sektor meńgerýshisi (2004);
«Eýropalyq quqyq jáne adam quqyqtary ınstıtýty» JQ dırektory (05.2002 bastap);
«Adam jáne Zań» Respýblıkalyq quqyqtyq gazetiniń bas redaktory (2006 jyldan bastap)
Qarjy polıtsııasy Akademııasynyń bastyǵy (09.2010-08.2011);
QR Sybaılas jemqorlyqqa qarsy is-qımyl agenttiginiń Qoǵamdyq keńesiniń tóraǵasy (09.2022 bastap);
EUÝ professory. L. N. Gýmılev, QR Prezıdenti janyndaǵy Memlekettik basqarý Akademııasy, KazGıÝÝ, «Ádilet» Joǵary quqyq mektebi, Dıplomatııalyq akademııa, M.V.Lomonosov atyndaǵy Máskeý Memlekettik ýnıversıtetiniń Astanadaǵy fılıaly, «Astana» halyqaralyq ýnıversıteti (1999-2022).
58 jyl buryn (1966) Qazaqstan Respýblıkasy Aýyl sharýashylyǵy mınıstri Aıdarbek Seıpeluly SAPAROV dúnıege keldi.
![SAPAROV Aıdarbek Seıpellovıch SAPAROV Aıdarbek Seıpellovıch](https://img.inform.kz/kazinform-photobank/media/2024-06-12/610e0ee2-12d2-4356-80aa-1c557331986c.jpeg)
Soltústik Qazaqstan oblysy Býlaev aýdany Krasnyı aýylynda dúnıege kelgen. 2006 jyly Manash Qozybaev atyndaǵy Soltústik Qazaqstan memlekettik ýnıversıtetin támamdaǵan. Zooınjener, memlekettik basqarý bakalavry mamandyqtaryna ıe.
Instıtýtty aıaqtaǵan soń Býlaev aýdanynyń aýyl sharýashylyǵy kásiporyndarynda mamandyǵy boıynsha jumys istegen. 1995-2003 jyldary Soltústik Qazaqstan oblysy Petropavl qalasyndaǵy «Noǵaıbaı» JShS dırektory, bas dırektory, 2003-2005 jyldary «Prodkorporatsııa» AQ Soltústik Qazaqstan oblystyq ókildigi dırektorynyń orynbasary, 2005-2006 jyldary «Prodkorporatsııa» AQ Soltústik Qazaqstan oblystyq ókildigi dırektorynyń birinshi orynbasary, Petropavl qalasy boıynsha QR Aýyl sharýashylyǵy mınıstrligi oblystyq aýmaqtyq ınspektsııasynyń bastyǵy, 2006-2008 jyldary Soltústik Qazaqstan oblysy Shal aqyn aýdanynyń ákimi, 2008-2010 jyldary Soltústik Qazaqstan oblysy Maǵjan Jumabaev aýdanynyń ákimi, 2010-2011 jyldary Soltústik Qazaqstan oblysy ákiminiń aýyl sharýashylyǵy jónindegi orynbasary, 2011-2019 jyldary Soltústik Qazaqstan oblysy ákiminiń birinshi orynbasary, 2019-2022 jyldary QR Aýyl sharýashylyǵy birinshi vıtse-mınıstri, 2022-2023 jyldary Soltústik Qazaqstan oblysynyń ákimi bolyp qyzmet atqardy.
Atqaratyn laýazymynda – 2023 jylǵy qyrkúıekten bastap.
«Qurmet» (2008), «Parasat» ordenderimen marapattalǵan.
5 8 jyl buryn (1966) Qazaqstan Respýblıkasy Áskerı sotynyń tóraǵasy Ǵalymjan Patshahanuly NÁSІRDINOV dúnıege keldi.
Shymkent (qazirgi – Túrkistan) oblysynda týǵan. Ál-Farabı atyndaǵy qazaq memlekettik ýnıversıtetin qazaq tili men ádebıeti muǵalimi mamandyǵy boıynsha, Halyqaralyq quqyq jáne naryq akademııasyn zańger mamandyǵy boıynsha bitirgen.
Eńbek joly: 1993-1996 jyldary Shymkent qalasyndaǵy «Qanat» shaǵyn kásiporny dırektorynyń saýda jónindegi orynbasary, 1996-1997 jyldary Almaty qalasy Halyqaralyq arbıtraj qaýymdastyǵynyń keńesshisi, 1997-2002 jyldary Qoǵamdyq birlestikter jáne dinı uıymdar isteri basqarmasynyń bas mamany, QR Ádilet mınıstrligi azamattardyń ótinishterin qaraý jáne ishki ákimshilikti uıymdastyrý bóliminiń bas mamany, 2002-2004 jyldary QR Prezıdenti Ákimshiliginiń memlekettik-quqyqtyq bóliminiń konsýltanty qyzmetinde boldy. 2004-2008 jyldary Aqmola oblysy Astrahan aýdandyq sotynyń tóraǵasy, 2008-2013 jyldary Aqmola oblysy Tselınograd aýdandyq sotynyń tóraǵasy, 2013-2017 jyldary Astana qalasy Almaty aýdandyq sotynyń tóraǵasy, 2017-2020 jyldary Astana qalasy Saryarqa aýdany № 2 aýdandyq sotynyń tóraǵasy, 2020-2024 jyldary QR Áskerı sotynyń azamattyq ister jónindegi sot alqasynyń tóraǵasy laýazymyn atqarǵan.
Qazirgi qyzmetin 2024 jyldyń sáýir aıynan bastap atqarýda.
53 jyl buryn (1971) «Respýblıkalyq sport kolledji» RMQK dırektory Islam BAIRAMÝKOV dúnıege keldi.
![Baıramýkov Islam Baıramýkov Islam](https://img.inform.kz/kazinform-photobank/media/2024-06-12/9f0df990-5855-4258-be39-dd94c778f64a.jpeg)
Jambyl oblysy, Turar Rysqulov aýdany, Kamenka aýylynda dúnıege kelgen.
Grek-rım kúresinen Sıdneı Olımpıadasynda kúmis júldegeri. Eki dúrkin Azııa Kýbogynyń ıegeri. 2000 jyly Azııa chempıony, erki márte Shyǵys Azııa oıyndarynyń chempıony, birneshe dúrkin el chempıony atanǵan.
1989-1993 jyldary Qazaq memlekettik dene shynyqtyrý ınstıtýtynda, 2001-2003 jyldary Qazaq ulttyq ýnıversıtetinde, 2003-2005 jyldary Máskeý memlekettik áleýmettik-gýmanıtarlyq ýnıversıtetinde bilim alǵan. 2004 jyly sportty qoıyp, pedagogıkalyq salaǵa aýysady.
1986-1989 jyldary Q.Muńaıtpasuly atyndaǵy Almaty olımpıadalyq rezerv ýchılışesinde sport jattyqtyrýshysy, 1989-1993 jyldary Qazaq memlekettik dene shynyqtyrý ınstıtýtynda sport jattyqtyrýshysy-oqytýshy, 1993-2004 jyldary erkin kúresten QR shtattyq qurama sportshysy, 2007-2009 jyldary erkin kúresten Qazaqstan quramasynyń aǵa jattyqtyrýshysy boldy.
Qazaqstan Respýblıkasynyń eńbek sińirgen sport sheberi, 2000 jyly «Parasat» ordenimen marapattalǵan, «QR Táýelsizdigine 10 jyl» medaliniń ıegeri.
Qazirgi qyzmetin 2024 jyldan bastap atqaryp keledi.