12 qyrkúıek. Tulǵalar týǵan kún

NUR-SULTAN. QazAqparat – Búgin, ıaǵnı 12 qyrkúıek kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

66 jyl buryn (1956) memleket jáne qoǵam qaıratkeri Bektas Ábdihanuly BEKNAZAROV dúnıege keldi.

Jambyl oblysynyń Jýaly aýdanynda týǵan. 1983 jyly - S.M. Kırov atyndaǵy Qazaq memlekettik ýnıversıtetin zańger-quqyqtanýshy mamandyǵy boıynsha bitirgen. Eńbek joly: 1978-1981 jyldary - Jambyl qalasyndaǵy Ortalyq aýdanynyń halyq sotynda sot oryndaýshysy. 1981-1984 jyldary - Jambyl oblysy ádilet bóliminiń konsýltanty, aǵa konsýltant.

1984-1990 jyldary - Jambyl oblysy Jýaly aýdandyq halyq sotynyń sýdıasy. 1990-1994 jyldary - Jambyl oblystyq sotynyń múshesi. 1994-1995 jyldary - Jambyl oblystyq soty tóraǵasynyń orynbasary. 1995-1997 jyldary - Jambyl oblystyq sotynyń qylmystyq ister jónindegi alqasynyń tóraǵasy. 1997-2000 jyldary - Jezqazǵan oblystyq sotynyń tóraǵasy, Almaty oblystyq sotynyń qylmystyq ister jónindegi alqasynyń tóraǵasy.

2000-2002 jj. - Qazaqstan Respýblıkasy Ádilet mınıstrliginiń Sottardyń qyzmetin uıymdastyrý departamentiniń dırektory, Qazaqstan Respýblıkasy Joǵarǵy Sotynyń sýdıasy.

2002-2006 jj. - Atyraý oblystyq sotynyń tóraǵasy. 2006-2009 jyldary - Almaty qalasyndaǵy mamandandyrylǵan qarjylyq sotynyń tóraǵasy.

2009-2011 jyldary - Aqtóbe oblystyq sotynyń tóraǵasy, 2011-2013 jyldary - QR Joǵarǵy sotynyń tóraǵasy qyzmetterin atqarǵan.

2014 jyldan - Senat depýtaty. Qazirgi qyzmetinde 2016-2020 jyldary QR Parlament Senaty Tóraǵasynyń orynbasary qyzmetin atqardy.

Merekelik medaldarmen, qurmet gramotalarymen marapattalǵan.

47 jyl buryn (1975) Qazaqstan Respýblıkasy Ekologııa, geologııa jne tabıǵı resýrstar mınıstrligi Sý resýrstary komıtetiniń tóraǵasy Nurlan Januzaquly ALDAMJAROV dúnıege keldi.

Tashkent (Ózbekstan) qalasynda týǵan. Tashkent ırrıgatsııa jáne aýyl sharýashylyǵyn mehanıkalandyrý ınjenerleri ınstıtýtyn «ınjener-gıdrotehnık» mamandyǵy boıynsha bitirgen.

Eńbek joly: 1999 jyldan 2008 jylǵa deıin memlekettik jáne kommertsııalyq uıymdarda jumys istedi.

2008-2012 jyldary – Ońtústik Qazaqstan oblysy ákimdiginiń Tabıǵı resýrstar jáne tabıǵat paıdalanýdy retteý basqarmasynyń jetekshi mamany, bas mamany. 2012-2014 jyldary –Ońtústik Qazaqstan oblysy ákimdiginiń Energetıka jáne turǵyn úı-kommýnaldyq sharýashylyq basqarmasynyń bas mamany, bólim basshysy, basshynyń orynbasary.

2014-2015 jyldary – Ońtústik Qazaqstan oblysy Energetıka jáne turǵyn úı-kommýnaldyq sharýashylyq jáne jolaýshylar kóligi basqarmasynyń basshysy. 2015-2016 jyldary – «Nur Otan» partııasy Ortalyq apparatynyń partııalyq baqylaý qyzmetiniń basshysy.

2016-2018 jyldary – Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti tóraǵasynyń orynbasary. 2018-2020 jyldary – Jambyl oblysynyń Energetıka jáne turǵyn úı-kommýnaldyq sharýashylyq basqarmasynyń basshysy.

Qazirgi qyzmetinde 2020 jyldyń maýsym aıynan bastap.

«Qurmet» ordenimen marapattalǵan.

38 jyl buryn (1984) QR Parlamenti Májilisiniń VII shaqyrylym depýtaty, Ekonomıkalyq reforma jáne óńirlik damý komıtetiniń múshesi Álııa Súıindikqyzy SAPAROVA dúnıege keldi.

Qostanaı oblysynda týǵan.

A. Baıtursynov atyndaǵy Qostanaı memlekettik ýnıversıtetin 2006 jyly «jýrnalıstıka» mamandyǵy boıynsha, 2010 jyly «zańger» mamandyǵy boıynsha bitirgen.

Eńbek joly: «Alaý-TV» JShS «Ómir aǵymy» baǵdarlamasynyń júrgizýshisi (2004-2006); A. Baıtursynov atyndaǵy Qostanaı memlekettik ýnıversıtetinde tárbıe isi jáne qoǵamdyq kelisim jónindegi prorektordyń orynbasary (2006-2009); tárbıe isi jáne qoǵamdyq kelisim isteri jónindegi prorektordyń mindetin atqarýshy (02.2009-11.2009); qoǵammen baılanys basqarmasynyń basshysy (QMÝ) (2009-2010); Lısakov qalasy ákiminiń áleýmettik máseleler jónindegi orynbasarynyń mindetin atqarýshy (01.2010-03.2010); Lısakov qalasy ákiminiń áleýmettik máseleler jónindegi orynbasary (2010-2012); Qostanaı oblysy ákimdiginiń jastar saıasaty máseleleri jónindegi basqarma basshysy (2012-2014); «Nur Otan» partııasy Qostanaı oblystyq fılıaly tóraǵasynyń birinshi orynbasary (2014 jyldan). QR Parlamenti Májilisiniń VI shaqyrylym depýtaty, Ekonomıkalyq reforma jáne óńirlik damý komıtetiniń múshesi (2016-2021).

Qazirgi qyzmetinde 2021 jyldyń qańtarynan beri.

32 jyl buryn (1990) «AMANAT» partııasynyń hatshysy Dáýlet Jamaýbaıuly KÁRІBEK dúnıege keldi.

Jambyl oblysynda týǵan. 2012 jyly L.N.Gýmılev atyndaǵy Eýrazııa ulttyq ýnıversıtetin «saıasattaný» mamandyǵy boıynsha bakalavrıatyn2014 jyly magıstratýrasyn, 2018 jyly PhD doktorantýrasyn bitirgen.

Eńbek jolyn Astana qalasynyń Almaty aýdany «Jas Otan» Jastar qanaty tóraǵasynyń birinshi orynbasary bolyp bastaǵan.

Ár jyldary Qazaqstan Respýblıkasy Ádilet mınıstrligi Sot saraptamasy ortalyǵynyń ınspektory, «Jas Otan» Jastar qanaty fılıalynyń apparat basshysy, Nur Otan partııasy janyndaǵy «Jas Otan» Jastar qanatynyń menedjeri, «Jas Otan» Jastar qanaty hatshylyǵynyń uıymdastyrý-aýmaqtyq jumysy bóliminiń sarapshysy, Nur Otan partııasy janyndaǵy «Jas Otan» Jastar qanatynyń hatshylyq basshysy, atqarýshy hatshysy, tóraǵasy boldy, Qazaqstan Respýblıkasy Prezıdenti Q.K.Toqaevtyń saılaýaldy shtabynyń «Team Qazaqstan» jastar qanatyn basqardy.

Nur-Sultan qalasy ákimdiginiń jastar saıasaty máseleleri basqarmasynyń basshysy qyzmetin atqarǵan.

Nur Otan partııasy Nur-Sultan qalalyq fılıaly tóraǵasynyń birinshi orynbasary laýazymynda qyzmet atqardy.

2021-2022 jyldary Jambyl oblysy ákiminiń orynbasary.

Prezıdent jastar kadr rezerviniń quramynda, Nur Otan partııasy Saıası Keńesi Bıýrosynyń múshesi.

Qazirgi qyzmetinde 2022 jyldyń naýryz aıynan bastap.