12 qyrkúıek. Tulǵalar týǵan kún
Búgin, 12 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
69 jyl buryn (1956) QR Parlamenti Senatynyń janyndaǵy Senatorlar keńesiniń múshesi, memleket jáne qoǵam qaıratkeri Bektas Ábdihanuly BEKNAZAROV dúnıege keldi.
Jambyl oblysynda týǵan. 1983 jyly Kırov atyndaǵy Qazaq memlekettik ýnıversıtetiniń zań fakýltetin bitirgen. 2005 jyly «Kompıýterlik aqparat salasyndaǵy qylmystardyń krımınologııalyq sıpattamasy jáne aldyn alý» dıssertatsııasynyń taqyryby boıynsha zań ǵylymdarynyń kandıdaty ǵylymı ataǵyn qorǵady.
Eńbek joly: Jambyl qalasy Ortalyq aýdandyq sotynyń sot prıstavy; Jambyl oblystyq atqarý komıteti ádilet basqarmasynyń keńesshisi, aǵa konsýltanty, 2000-2002 jyldary QR Joǵarǵy Sotynyń sýdıasy, 2009-2011 jyldary Aqtóbe oblystyq sotynyń tóraǵasy, 2014-2020 jyldary QR Parlamenti Senatynyń depýtaty, 2016-2020 jyldary Senat Tóraǵasynyń orynbasary qyzmetin atqarǵan.
Kóptegen memlekettik nagradalardyń ıegeri.
54 jyl buryn (1971) VIII saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi Erbolat Baıqzaquly SAÝRYQOV dúnıege keldi.
Jambyl oblysy Moıynqum aýdany Fýrmanovka aýylynda týǵan. 1989-1994 jyldary Jambyl pedagogıkalyq ınstıtýtyn «Qazaq tili men ádebıeti» mamandyǵy boıynsha, 2009-2011 jyldary Taraz ınnovatsııalyq-gýmanıtarlyq ýnıversıtetinde «Memlekettik jáne jergilikti basqarý» mamandyǵy boıynsha bilim alǵan. Fılologııa ǵylymdarynyń doktory (2010).
Eńbek joly: Ǵylymdaǵy jolyn 1994 jyly ál-Farabı atyndaǵy Qazaq ulttyq ýnıversıteti «Jalpy til bilimi» kafedrasynyń ǵylymı izdenýshisi retinde bastaǵan.1995-1998 jyldary ál-Farabı atyndaǵy Qazaq ulttyq ýnıversıtetiniń kúndizgi bólim aspıranty jáne Prezıdenttik stıpendııanyń ıegeri, 1998 jyly bilim salasyn qarjylandyrý baǵytyndaǵy Halyqaralyq SOROS-Qazaqstan qory grantynyń jeńimpazy atandy. 1999 jyly ál-Farabı atyndaǵy Qazaq ulttyq ýnıversıtetinde «Túrki tilderi» mamandyǵy boıynsha kandıdattyq dıssertatsııasyn qorǵaǵan.
1998-2000 jyldary ýnıversıtet janyndaǵy «Kóne túrki jazba eskertkishteri» ǵylymı-zertteý ortalyǵynda ǵylymı qyzmetker jáne «Jalpy til bilimi» kafedrasynyń oqytýshysy qyzmetin atqarǵan. 2000-2001 jyldary M. H. Dýlatı atyndaǵy Taraz memlekettik ýnıversıteti «Qazaq tili» kafedrasynyń meńgerýshisi bolyp, osy kezeń aralyǵynda QR Bilim jáne ǵylym mınıstrligi Memlekettik stıpendııasynyń ıegeri atandy. 2001-2004 jyldary M.Áýezov atyndaǵy Ońtústik Qazaqstan memlekettik ýnıversıtetiniń «Test ortalyǵy» jáne «Túrkologııa» ǵylymı-zertteý ortalyǵynyń basshysy qyzmetin atqarǵan. 2004-2006 jyldary Taraz memlekettik pedagogıkalyq ınstıtýtynyń oqý-ádistemelik jumystary jónindegi prorektory, 2006-2010 jyldary A.ıAsaýı atyndaǵy Halyqaralyq qazaq-túrik ýnıversıteti Taraz ınstıtýtynda «Quqyqtaný jáne tarıh», «Fılologııa» fakýltetteriniń dekany, ınstıtýt dırektorynyń ǵylymı jumystar jáne halyqaralyq baılanystar jónindegi orynbasary qyzmetin atqarǵan. 2010 jyly ál-Farabı atyndaǵy Qazaq ulttyq ýnıversıteti «Jalpy til bilimi» kafedrasynyń janyndaǵy dıssertatsııalyq keńeste túrki tilderiniń tarıhy baǵyty boıynsha doktorlyq dıssertatsııasyn tabysty qorǵap, fılologııa ǵylymdarynyń doktory ǵylymı ataǵyn ıelendi. 2011-2012-jyldary Taraz ınnovatsııalyq-gýmanıtarlyq ýnıversıtetiniń birinshi prorektory qyzmetin atqarǵan. 2012-2022 jyldary Sh. Murtaza atyndaǵy Halyqaralyq Taraz ınnovatsııalyq ınstıtýtynyń rektory qyzmetinde boldy.
Qazirgi qyzmetin 2023 jyldan beri atqaryp keledi.
«Qurmet» ordenimen, mereıtoılyq medaldarmen marapattalǵan.
50 jyl buryn (1975) Qazaqstan Respýblıkasy Sý resýrstary jáne ırrıgatsııa birinshi vıtse-mınıstri Nurlan Januzaquly ALDAMJAROV dúnıege keldi.
Tashkent qalasynda týǵan. 1999 jyly Tashkent ınjenerlik ırrıgatsııa jáne mehanızatsııa aýyl sharýashylyǵy ınstıtýtyn «ınjener-gıdrotehnık» mamandyǵy boıynsha támamdaǵan.
Eńbek jolyn 1999 jyly Tashkent qalasynda «Tashoblmelıovodstroı» trestiniń № 5 mehanıkalandyrylǵan óndiristik kolonnasynyń 4 razrıadty montajnıgi bolyp bastaǵan.
Túrli jyldary memlekettik jáne kommertsııalyq qurylymdarda eńbek etken.
2008-2012 jyldary Ońtústik Qazaqstan oblysy ákimdiginiń Tabıǵı resýrstar jáne tabıǵatty paıdalanýdy retteý basqarmasynyń jetekshi mamany, bas mamany, 2012-2014 jyldary Ońtústik Qazaqstan oblysy ákimdiginiń Energetıka jáne turǵyn úı-kommýnaldyq sharýashylyq basqarmasynyń bas mamany, bólim basshysy, basshynyń orynbasary, 2014-2015 jyldary OQO Energetıka jáne turǵyn úı-kommýnaldyq sharýashylyǵy basqarmasynyń basshysy, Ońtústik Qazaqstan oblysy Turǵyn úı-kommýnaldyq sharýashylyǵy jáne jolaýshylar kóligi basqarmasynyń basshysy, 2015-2016 jyldary «Nur Otan» partııasynyń ortalyq apparaty uıymdastyrý-baqylaý jumysy departamentiniń dırektory, partııalyq baqylaý qyzmetiniń basshysy, 2016-2018 jyldary QR Aýyl sharýashylyǵy mınıstrligi Sý resýrstary komıteti tóraǵasynyń orynbasary qyzmetin atqardy. 2018-2020 jyldary Jambyl oblysy Energetıka jáne turǵyn úı-kommýnaldyq sharýashylyq basqarmasynyń basshysy, 2020-2023 jyldary Ekologııa, geologııa jáne tabıǵı resýrstar mınıstrligi Sý resýrstary komıtetiniń tóraǵasy, 2023-2025 jyldary QR Sý resýrstary jáne ırrıgatsııa vıtse-mınıstri laýazymyn atqarǵan.
Qazirgi qyzmetinde 2025 jyldyń maýsymynan beri.
«Qurmet» ordenimen marapattalǵan (2019).
43 jyl buryn (1982) Batys Qazaqstan oblysynyń memlekettik sáýlet-qurylys baqylaýy basqarma basshysy Álibek Saınuly ANTAZIEV dúnıege keldi.
Atyraý qalasynda týǵan. Mahambet Ótemisov atyndaǵy Batys Qazaqstan memlekettik ýnıversıtetiń «Aýdarmashy» mamandyǵy, Batys Qazaqstan ınjenerlik-gýmanıtarlyq ýnıversıtetin «Qurylys» mamandyǵy boıynsha tamandaǵan.
Eńbek joly: 2003 jyly «Interneshnl Sapport Servısez» JShS qoıma meńgerýshisiniń kómekshisi, sýpervaızer, 2003-2004 jyldary «ıÝrest Sýpport Servısez Kazahstan» JSSh qoǵamdyq tamaqtaný bóliminiń sýpervaızeri, 2005-2006 jyldary «ıÝrest Reıteon Servısez» JShS menedjeri, 2007-2008 jyldary «ıÝSS Sýport Servısez» JShS tutynýshylyq qyzmetter bóliminiń menedjeri, 2009 jyly «OblTransGaz» KMK óndiristik-tehnıkalyq qyzmettiń jetekshi ınjeneri, 2009-2011 jyldary Atyraý oblysynyń energetıka jáne kommýnaldyq sharýashylyq basqarmasynyń josparlaý shart bólimi bas mamany, 2011-2012 jyldary Oral qalasy qurylys bóliminiń óndiristik-tehnıkalyq sektorynyń meńgerýshisi, 2014-2015 jyldary Batys Qazaqstan oblysynyń qurylys basqarmasy turǵyn úı qurylysynyń monıtorıngi bóliminiń basshysy, 2015-2015 jyldary Batys Qazaqstan oblysynyń qurylys basqarmasy óndiristik-tehnıkalyq bólimniń basshysy, 2016-2019 jyldary Batys Qazaqstan oblysy qurylys basqarma basshysynyń orynbasary, 2019-2025 jyldary Batys Qazaqstan oblysynyń qurylys basqarmasynyń basshysy laýazymyn atqarǵan.
Qazirgi qyzmetin 2025 jyldyń mamyr aıynan beri atqaryp keledi.
35 jyl buryn (1990) «AMANAT» partııasynyń jaýapty hatshysy Dáýlet Jamaýbaıuly KÁRІBEK dúnıege keldi.
Jambyl oblysy Sarysý aýdanynda týǵan. L. N. Gýmılev atyndaǵy Eýrazııa ulttyq ýnıversıtetin «Saıasattaný» mamandyǵy boıynsha bitirgen, RhD doktory.
2019 jyly «Jas Otan» jastar qanatyn basqaryp, QR Prezıdenttigine kandıdat Q.K.Toqaevtyń respýblıkalyq shtabynyń Team Qazaqstan jastar qanatyna jetekshilik etti. 2020-2021 jyldary «Nur-Sultan qalasy ákimdiginiń Jastar saıasaty máseleleri basqarmasy» MM basshysy boldy. 2021 jyldyń qańtar aıynan bastap «Nur Otan» partııasy Astana qalalyq fılıaly tóraǵasynyń birinshi orynbasary qyzmetin atqardy. 2021-2022 jyldary Jambyl oblysy ákiminiń orynbasary laýazymyn atqarǵan. 2022-2023 jyldary «AMANAT» partııasynyń hatshysy qyzmetinde boldy.
Qazirgi laýazymyn 2023 jyldyń shilde aıynan beri atqaryp keledi.