12 qazan. Tulǵalar týǵan kún
Búgin, 12 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
55 jyl buryn (1969) Qazaqstan Respýblıkasy Qorǵanys mınıstriniń orynbasary, general-maıor Baqytbek Saparbekuly SYDYQOV dúnıege keldi.
Óskemen qalasynda týǵan. 1991 jyly Vladıkavkaz joǵary jalpyáskerı komandalyq ýchılışesin, 1999 jyly Keńes Odaǵynyń marshaly R.ıA. Malınovskıı atyndaǵy Brondy áskerler áskerı akademııasyn, 2013 jyly Ulttyq qorǵanys ýnıversıteti áskerı jáne memlekettik basqarý fakýltetin bitirgen.
Eńbek joly: 1999-2001 jyldary bólim komandıriniń qarý-jaraq jónindegi orynbasary - 07792 á/b tehnıkalyq bóliminiń bastyǵy, 2001-2003 jyldary QR QK BSh Qarý-jaraq departamentiniń aǵa ofıtseri, 2003-2004 jyldary QR QK Qarý-jaraq bas basqarmasynyń bólim bastyǵy, 2004-2006 jyldary Ujymdyq qaýipsizdik týraly shart uıymynyń birikken shtabynyń aǵa ofıtseri, 2006-2007 jyldary Bas basqarma bastyǵynyń orynbasary - QR QK Qarý-jaraq pen áskerı tehnıkany paıdalaný bas basqarmasynyń shtab bastyǵy bolyp qyzmet etti. 2007-2009 jyldary «Shyǵys» óńirlik qolbasshylyǵy áskerleri qolbasshysynyń basqarmasy óńirlik qolbasshylyq áskerleri qolbasshysynyń (qarý-jaraq jónindegi) orynbasary, 2009-2011 jyldary QR QK Qarý-jaraq bas basqarmasynyń bastyǵy, 2011-2013 jyldary Ulttyq qorǵanys ýnıversıteti ÁMB fakýltetiniń tyńdaýshysy boldy. 2013-2016 jyldary «Ońtústik» óńirlik qolbasshylyǵy áskerleri qolbasshysynyń basqarmasy óńirlik qolbasshylyq áskerleri qolbasshysynyń (qarý-jaraq jónindegi) orynbasary, 2016-2017 jyldary QR QK Áskerı-teńiz kúshteri bas qolbasshysynyń basqarmasy Áskerı-teńiz kúshteri bas qolbasshysynyń (materıaldyq-tehnıkalyq qamtamasyz etý jónindegi) orynbasary, 2017- 2019 jyldary QR QM Áskerı-tehnıkalyq saıasat departamentiniń bastyǵy, 2019-2021 jyldary «Shyǵys» ÓńQ áskerleri qolbasshysynyń basqarmasy qolbasshysynyń orynbasary, 2021-2022 jyldary QR QK Bas shtabynyń bastyǵy – Tyl jáne qarý-jaraq bastyǵynyń birinshi orynbasary, 2022-2023 jyldary QR QK Qarý-jaraq bastyǵy laýazymyn atqardy.
Qazirgi qyzmetin 2023 jylǵy maýsymnan bastap atqaryp keledi.
ІІ dárejeli «Aıbyn» ordenimen, vedomstvolyq nagradalarmen, medaldarmen marapattalǵan.
46 jyl buryn (1978) Qazaqstan Respýblıkasy Qorǵanys mınıstriniń orynbasary Ásker Qurmanǵalıuly BEISENOV dúnıege keldi.
Petropavl qalasynda týǵan. 1999 jyly ıAroslavl joǵary áskerı qarjy ýchılışesin «Áskerlerdi qarjylyq qamtamasyz etý jáne áskerı sharýashylyq ekonomıkasy» mamandyǵy boıynsha bitirdi. 2002 jyly Qazaq gýmanıtarlyq-zań ýnıversıtetin «Quqyqtaný» mamandyǵy boıynsha, 2014 jyly Qarjy akademııasyn «Menedjment» mamandyǵy boıynsha aıaqtaǵan.
Eńbek joly: Qazaqstan áskerinde B. Momyshuly atyndaǵy Respýblıkalyq áskerı mektep-ınternatynyń tárbıelenýshisinen bastap, QR Qorǵanys mınıstrligi Ekonomıka jáne qarjy departamentiniń bastyǵyna deıingi joldan ótti. Ár jyldary bıýdjettik josparlaý jáne qarjy salasynda jaýapty laýazymdarda boldy. Sonymen qatar shet eldegi dıplomatııalyq korpýsta qyzmet atqardy.
Qazirgi qyzmetin 2023 jylǵy sáýirden bastap atqaryp keledi.
II dárejeli «Aıbyn» ordenimen, vedomstvolyq nagradalarmen, mereıtoılyq medaldarmen marapattalǵan.
41 jyl buryn (1983) Qazaqstan Respýblıkasy Qarjy mınıstrliginiń Memlekettik kirister komıteti Qaraǵandy oblysy boıynsha Memlekettik kirister departamentiniń basshysy Anýar Maratuly MADIEV dúnıege keldi.
2004 jyly Qaraǵandy oblysynda týǵan. QR Іshki ister mınıstrliginiń B. Beısenov atyndaǵy Qaraǵandy zań ınstıtýtyn, 2006 jyly Qaztutynýodaǵy Qaraǵandy ekonomıkalyq ýnıversıtetin bitirdi. Zań ǵylymdarynyń kandıdaty.
Eńbek jolyn 2004 jyly bastaǵan. QR Іshki ister mınıstrliginiń Іshki ister organdarynda, QR Kólik jáne tasymal mınıstrliginde, QR Premer-mınıstriniń keńsesinde jumys istedi. 2010-2014 jyldary QR Qarjy mınıstrliginiń Salyq komıteti Qaraǵandy oblysy boıynsha Salyq departamentiniń Qazybek bı atyndaǵy aýdan boıynsha Salyq basqarmasy basshysynyń orynbasary, keıin Qaraǵandy oblysy boıynsha Salyq departamenti basshysynyń orynbasary bolyp jumys istedi. 2017-2022 jyldary QR Qarjy mınıstrligi Memlekettik kirister komıtetiniń Eksporttyq baqylaý basqarmasynyń basshysy, sodan keıin QR Qarjy mınıstrligi Memlekettik kirister komıtetiniń Saýdalyq emes aınalym basqarmasynyń basshysy laýazymyn atqarǵan.
Qazirgi qyzmetin 2022 jyldan beri atqaryp keledi.
«Qazaqstan Respýblıkasynyń táýelsizdigine 30 jyl» (2021); «Qazaqstan Respýblıkasynyń Qarjy mınıstrligine 100 jyl» (2021) medaldarymen marapattalǵan.
86 jyl buryn (1938-2014) Qazaqstan Respýblıkasy Memlekettik Týynyń avtory, monýmentshi-sýretshi, Qazaqstannyń eńbek sińirgen mádenıet qaıratkeri Sháken Ońlasynuly NIıAZBEKOV dúnıege keldi.
Taraz qalasynda týǵan. Sankt-Peterbýrg kórkem ónerkásip ınstıtýtyn bitirgen.
Eńbek joly: 1963-1966 jyldary Sankt-Peterbýrgtegi Elektr pisirý jabdyqtarynyń búkilodaqtyq ǵylymı-zertteý ınstıtýtynyń sýretshi-konstrýktory, 1966-1968 jyldary Qazaq KSR halyq sharýashylyq jetistikteri kórmesiniń sýretshisi, 1969-1982 jyldary Almaty qalasynyń bas sýretshisi, 1982-1987 jyldary Qazaqstan Sýretshiler odaǵynyń tóraǵasy, 1983-1984 jyldary KSRO Sýretshiler odaǵynyń hatshysy bolyp qyzmet etti.
Ol – «Abaı», «Mýzyka sazy», «Ańshylyq», «Qurmanǵazy», «Kisen ashqan», «Álı Batyr», «Syrym Datov» jáne basqa da alıýmınııge, mysqa, jezge bederlengen monýmenttik týyndylardyń, Qazaqstan Respýblıkasy Týynyń, Almaty qalasy tańbasynyń avtory. Tehnıka ǵylymynyń doktory V. Zaıchıkpen birlesip jasaǵan pisirgish mashınasy Monrealdaǵy dúnıejúzilik kórmede kórsetildi.
«Globýs» televızorynyń kórkemdik-konstrýktorlyq sapasy úshin 1965 jyly Chehoslovakııada ótken halyqaralyq konkýrsta І dárejeli syılyq berildi.
«Qurmet» ordenimen, 1998 jyly «Astana» medalimen, 2001 jyly «Qazaqstan táýelsizdigine 10 jyl» medalimen, 2005 jyly «Qazaqstan konstıtýttsııasyna 10 jyl» medali jáne t.b memlekettik marapattarmen marapattalǵan.
