12 qańtarda eldegi qaı joldar ashyq, qaısysy jabyq
ALMATY. KAZINFORM — «QazAvtoJol» ulttyq kompanııasy eldegi joldardyń qazirgi ahýaly týraly habarlady.
Ulttyq kompanııanyń dereginshe, 2026 jylǵy 12 qańtar saǵat 08:00–degi jaǵdaı boıynsha respýblıkalyq mańyzy bar kelesi avtojoldarda kóliktiń barlyq túri úshin qozǵalys ashyq:
Qostanaı oblysy
• «Qostanaı — Áýlıekól — Surǵan» avtojolynyń 218-232-shaqyrym (Oktıabrskoe aýyly — Aqmola oblysynyń shekarasy) aralyǵy.
Aqmola oblysy
• «Qostanaı — Áýlıekól — Surǵan» avtojolynyń 232-260-shaqyrym (Qostanaı oblysynyń shekarasy — Surǵan eldi mekenine deıin) aralyǵy;
• «Astana — Atbasar — Jaqsy — Rýzaevka — Sarykól — Qostanaı — RF shekarasy» avtojolynyń 915-1002-shaqyrym (Jaqsy kenti — Atbasar qalasy) aralyǵy;
• «Jaqsy — Esil — Buzylyq» avtojolynyń 0-82-shaqyrym (Aqsaı kenti — Buzylyq eldi mekeni) aralyǵy;
• «Jezqazǵan — Arqalyq — Petropavl» avtojolynyń 537-552-shaqyrym (Buzylyq eldi mekeninen Surǵan eldi mekenine deıin) aralyǵy.
Ulytaý oblysy
• «Jezqazǵan — Arqalyq — Petropavl» avtojolynyń 24-137-shaqyrym (Sátbaev qalasy — Ulytaý aýyly) aralyǵy;
• «Qyzylorda — Jezqazǵan — Qaraǵandy — Shiderti» avtojolynyń 433-750-shaqyrym (Jezqazǵan qalasy — Jańaarqa) aralyǵy.
Jyldamdyqty shekteý
Aýa raıynyń baılanysty respýblıkalyq mańyzy bar kelesi avtojoldarda kóliktiń barlyq túri úshin jyldamdyq rejımi shekteldi:
Aqmola oblysy
• KAZ02 «Astana — Kókshetaý (aınalma jol) — Petropavl — RF shekarasy (Jańa Jol ótkizý beketi)» avtojolynyń 18-232-shaqyrym aralyǵynda jyldamdyq 140 shaq/saǵ-tan 90 shaq/saǵ-qa deıin tómendetildi;
• KAZ01 «Astana — Qaraǵandy — Almaty» avtojolynyń 30-92-shaqyrym (Jibek Joly kenti — Anar stantsııasy) aralyǵynda jyldamdyq 140 shaq/saǵ-tan 110 shaq/saǵ-qa deıin shekteldi;
• osy avtojoldyń 92-164-shaqyrymy (Anar stantsııasy — Temirtaý qalasy) aralyǵynda da jyldamdyq 140 shaq/saǵ-tan 110 shaq/saǵ-qa deıin tómendetildi.
Jabyq joldar
Shyǵys Qazaqstan oblysynda tirkemesi bar jáne jartylaı tirkemeli júk kólikteriniń qozǵalysy Osınov asýynda ýaqytsha shekteldi. Shekteý «Óskemen — Altaı — Katonqaraǵaı — Rahman qaınary» avto jolynyń 46-66-shaqyrymyndaǵy (Severnoe aýyly — Serebrıansk qalasy) ýchaskesinde qys aıaqtalǵansha saqtalady.
Sonymen birge «Astana — Shiderti — Pavlodar — Ýspenka — RF shekarasy» avtojolyndaǵy jolaıryqtyń kópir qurylymynyń shetki arqalyqtary zaqymdanýyna baılanysty «Qalqaman» jolaıryǵy ýchaskesi jabyldy. Atap aıtqanda, Qalqaman kentine kireberis pen Astana baǵytyna shyǵatyn jol ýaqytsha jabyq.
Eske salaıyq, «Qazgıdromet» RMK sınoptıkteri 12 qańtar kúni elimizdiń birneshe óńirinde qolaısyz aýa raıy kútiletinin habarlap, turǵyndarǵa saq bolýdy eskertti.