11 tamyz. Tulǵalar týǵan kún
Búgin, 11 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
64 jyl buryn (1961) QR Ekologııa jáne tabıǵı resýrstar mınıstri Erlan Nuralyuly NYSANBAEV dúnıege kelgen.
Almaty oblysynda týǵan. Qazaq aýyl sharýashylyǵy ınstıtýty jáne Abaı atyndaǵy Qazaq Ulttyq pedagogıkalyq ýnıversıtetin támamdady. Orman sharýashylyǵy ınjeneri, qarjy salasynyń mamany, aýyl sharýashylyǵy ǵylymdarynyń kandıdaty.
Eńbek jolyn 1983 jyly Almaty oblysyndaǵy orman sharýashylyǵynyń sheberi retinde bastady. 2006-2009 jyldary «Astana-Zelenstroı» AQ-nyń bas dırektory qyzmetin atqardy. 2009-2013 jyldary QR Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy bolǵan.
2013-2014 jyldary QR Qorshaǵan ortany qorǵaý vıtse-mınıstri, 2014-2019 jyldary QR Aýyl sharýashylyǵy vıtse-mınıstri, 2019-2021 jyldary QR Ekologııa, geologııa jáne tabıǵı resýrstar vıtse-mınıstri, 2021-2023 jyldary C.Seıfýllın atyndaǵy Qazaq agrotehnıkalyq ýnıversıteti UAQ Basqarma tóraǵasynyń orynbasary, 2023 jyly Astana qalasy ákiminiń keńesshisi laýazymyn atqardy.
Qazirgi qyzmetinde — 2023 jyldyń qyrkúıek aıynan bastap.
«Parasat», «Qurmet» ordenderimen, «Eren eńbegi úshin», «Astananyń 10 jyldyǵy» medaldarimen marapattalǵan.
62 jyl buryn (1963) VIII saılanǵan Qazaqstan Respýblıkasy Parlamenti Májilisiniń depýtaty Baýyrjan Ámirjanuly SMAǴULOV dúnıege keldi.
Qaraǵandy qalasynda týǵan. Qaraǵandy medıtsına ınstıtýtyn, Qaraǵandy ekonomıkalyq ýnıversıtetin ekonomıst-menedjer mamandyǵy boıynsha, Qaraǵandy memlekettik tehnıkalyq ýnıversıtetin, Reseı Federatsııasy Prezıdentiniń janyndaǵy Reseı memlekettik basqarý akademııasyn bitirgen. Tehnıka ǵylymdarynyń kandıdaty
Eńbek joly: 1989-1990 jyldary Qaraǵandy qalalyq jedel járdem aýrýhanasynyń neırohırýrg dárigeri, 1990-1995 jyldary Reseı Medıtsına ǵylymdary akademııasynyń neırohırýrgııa ınstıtýtynyń klınıkalyq ordınatory, 1995-1997 jyldary Qaraǵandy oblysy ákiminiń keńesshisiniń kómekshisi, 1997-2000 jyldary «Jekeshelendirý jáne ınvestıtsııalaý bıýrosy» JShS marketıng bóliminiń bastyǵy, 2000-2003 jyldary «Bolashaq» qazirgi bilim berý ınstıtýtynyń oqytýshysy, 2003-2005 jyldary «Astana Constructive» kompanııasynyń dırektorlar keńesiniń tóraǵasy, «Maqsat-S» JShS dırektory, 2005-2008 jyldary Qaraǵandy oblystyq aýmaqtyq qorshaǵan ortany qorǵaý basqarmasynyń bastyǵy, 2008-2010 jyldary Nura-Sarysý ekologııa basqarmasynyń bastyǵy, 2010-2012 jyldary Qaraǵandy oblysy ákiminiń orynbasary, 2012-2013 jyldary QR Jer resýrstaryn basqarý agenttigi tóraǵasynyń orynbasary, 2013-2014 jyldary QR Óńirlik damý mınıstrligi Jer resýrstaryn basqarý komıtetiniń tóraǵasy, 2014 jyly QR Ulttyq ekonomıka mınıstrligi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti tóraǵasynyń orynbasary, 2014-2015 jyldary QR Ulttyq ekonomıka mınıstrligi Turǵyn úı-kommýnaldyq sharýashylyǵy jáne jer resýrstaryn basqarý komıteti tóraǵasynyń mindetin atqarýshy laýazymyn atqarǵan. QR Ulttyq ekonomıka mınıstrligi Turǵyn úı-kommýnaldyq sharýashylyq qurylysy jáne jerge ornalastyrý komıteti tóraǵasynyń orynbasary, QR Ulttyq ekonomıka mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, «Elektr energetıkasyn damytý jáne energııa únemdeý ınstıtýty» (Qazaqenergosaraptama) AQ basqarma tóraǵasy qyzmetin atqardy.
2023 jyldyń naýryz aıynan beri qazirgi qyzmetinde.
52 jyl buryn (1973) Mańǵystaý oblysy ákiminiń birinshi orynbasary Erbol Kúrentaıuly ІZBERGENOV dúnıege keldi.
Mańǵystaý oblysy Qaraqııa aýdany Quryq aýylynda týǵan. 1994 jyly Almaty qurylys jáne menedjment kolledjin «ǵımarattar men úı máretterdi salý jáne paıdalaný» mamandyǵy boıynsha, 2007 jyly RMQK «Sh. Esenov atyndaǵy Aqtaý memlekettik ýnıversıteti» «Ónerkásiptik jáne azamattyq qurylys» mamandyǵy boıynsha bitirdi.
Eńbek jolyn 1991 jyly «Mangystaýneftegazrazvetka» Keshendi ekspedıtsııasy Qurylys-jınaqtaý ýchaskesiniń tas qalaýshysy bolyp bastaǵan. 1994-1996 jyldary«KalamkasStroı» vahtalyq qurylys mekemesiniń tas qalaýshysy, 1997 jyly «KaspııKoopServıs» jaýapkershiligi shekteýli seriktestiginiń sheberi, 1997-2000 jyldary «Albına» páter ıeleriniń kooperatıvinde ýchastke bastyǵy, bas ınjener, 2000-2003 jyldary «West Kazakhstan Construction» JShS tehnıkalyq dırektory, 2003-2004 jyldary «Korporatsııa Kuat» AQ Aqtaý fılıalynyń óńdeý ýchaskesiniń jumys óndirýshisi, 2004 jyly Aqtaý qalasy ákimi apparatynyń sáýlet jáne qala qurylys bóliminiń bas mamanynyń mindetin atqarýshy, 2004 jyly Aqtaý qalasy ákimi apparatynyń sáýlet jáne qala qurylys bóliminiń bas mamany, 2004-2005 jyldary Mańǵystaý poselkesi ákiminiń orynbasary, 2005-2007 jyldary Qyzyltóbe selolyq okrýginiń ákimi, 2007-2011 jyldary Mańǵystaý oblysy Munaıly aýdany ákiminiń orynbasary, 2012 jyly QR Densaýlyq saqtaý mınıstrligi Ákimshilik depatamentiniń kúrdeli qurylys jáne materıaldyq-tehnıkalyq qamtamasyz etý basqarmasy bas sarapshysynyń mindetin atqarýshy, 2012 jyly QR Densaýlyq saqtaý mınıstrligi Ákimshilik depatamentiniń kúrdeli qurylys jáne materıaldyq-tehnıkalyq qamtamasyz etý basqarmasynyń bas sarapshysy, 2012 jyly Mańǵystaý oblysy Qurylys basqarmasynyń bastyǵy, 2014 jyly QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń Іshki ákimshilik etý basqarmasy basshysynyń mindetin atqarýshy, 2014 jyly QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń Іshki ákimshilik etý basqarmasy basshysynyń mindetin atqarýshy, 2014 jyly QR Indýstrııa jáne jańa tehnologııalar mınıstrliginiń Tehnıkalyq retteý jáne metrologııa komıtetiniń Іshki ákimshilik etý basqarmasynyń basshysy, 2014-2015 jyly QR Investıtsııalar jáne damý mınıstrliginiń Tehnıkalyq retteý jáne metrologııa komıtetiniń Іshki ákimshilendirý basqarmasynyń basshysy, 2015 jyly QR Densaýlyq saqtaý mınıstrligi Investıtsııalyq jobalar basqarmasynyń basshysy, 2019-2020 jyldary «Aqtaý teńiz porty» Arnaıy ekonomıkalyq aımaq» AQ Basqarma tóraǵasynyń orynbasary, 2020 jyly «Atameken» respýblıkalyq kásipkerlik palatasynyń dırektory, 2020 jyly «Aqtaý teńiz porty» Arnaıy ekonomıkalyq aımaq» AQ basqarma tóraǵasynyń keńesshisi, 2020 jyly Aqtaý qalasy ákimi orynbasarynyń mindetin atqarýshy, 2020-2022 jyldary Aqtaý qalasy ákiminiń orynbasary, 2022-2023 jyldary Aqtaý qalasynyń ákimi laýazymyn atqardy.
Qazirgi qyzmetin 2024 jyldyń maýsym aıynan beri atqaryp keledi.
48 jyl buryn (1977) Almaty qalasy ákimi apparatynyń basshysy Erlan Shoıuly ISABEKOV dúnıege keldi.
Jetisý oblysy Qaratal aýdany Tastóbe aýylynda týǵan. Ál-Farabı atyndaǵy Qazaq Ulttyq ýnıversıtetin, «Bolashaq» baǵdarlamasy boıynsha Djordjtaýn ýnıversıtetin (AQSh) bitirgen. Qoldanbaly matematıka, ekonomıka magıstri dárejesine ıe.
Eńbek joly: 1999-2000 jyldary Almaty qalasy № 131 mektep-lıtseıiniń matematıka pániniń muǵalimi boldy. 2000-2002 jyldary Memlekettik kirister mınıstrliginde túrli laýazymdarda jumys istedi. 2002-2008 jyldary Qarjy mınıstrliginiń Kedendik baqylaý organdarynda qyzmet atqardy. 2008-2009 jyldary Premer-Mınıstr Keńsesi Áleýmettik-ekonomıkalyq bóliminiń bas sarapshysy, 2009-2015 jyldary Respýblıkalyq bıýdjettiń atqarylýyn baqylaý jónindegi Esep komıtetinde basshylyq laýazymdarda jumys istedi. 2015-2018 jyldary Prezıdent Ákimshiliginde memlekettik baqylaý jáne aýmaqtyq-uıymdastyrý jumysy bóliminiń ınspektory, 2018-2021 jyldary Aqmola oblysy Egindikól aýdanynyń ákimi, 2021-2023 jyldary Qaratal aýdanynyń ákimi, 2023-2025 jyldary Prezıdent Ákimshiligine qarasty memlekettik baqylaý bóliminiń memlekettik ınspektory bolyp qyzmet etti.
2025 jyldyń maýsym aıynan bastap Almaty qalasy ákimi apparatynyń basshysy qyzmetin atqarady.
43 jyl buryn (1982) Qazaqstan Respýblıkasy Strategııalyq josparlaý jáne reformalar agenttiginiń apparat basshysy Batyrbek Sultanuly ÁBDІLDIN dúnıege keldi.
Qostanaı oblysynda týǵan. A.Baıtursynov atyndaǵy Qostanaı memlekettik ýnıversıtetin jáne Ortalyq Azııa ýnıversıtetin támamdaǵan.
Eńbek jolyn 2001 jyly sheteldik kommertsııalyq uıymnyń ókili retinde bastaǵan. 2002-2005 jyldary QR Indýstrııa jáne saýda mınıstrliginiń «Qurylys konsaltıng» AQ mamany, memlekettik satyp alý bóliminiń basshysy, dırektorynyń orynbasary qyzmetin atqardy. 2005-2009 jyldary jeke uıymdarda basshylyq qyzmetter atqardy. 2009-2011 jyldary «Zamanaýı medıtsınalyq tehnologııalardy engizý ortalyǵy» RMK memlekettik satyp alý jáne materıaldyq qamtamasyz etý bóliminiń basshysy, dırektor orynbasary boldy. 2011-2015 jyldary «Astana qalasy ákimdiginiń № 1 qalalyq aýrýhanasy» MKK bas dárigeriniń orynbasary retinde jumys istedi. 2015-2020 jyldary jeke sektorda eńbek etken. 2018-2019 jyldary Qazaqstannyń medıtsınalyq týrızm qaýymdastyǵynyń atqarýshy dırektory, 2020-2021 jyldary QR Densaýlyq saqtaý mınıstrligi Jobalyq keńsesiniń basshysy, 2021-2024 jyldary QR Densaýlyq saqtaý mınıstrligi apparatynyń basshysy, 2024-2025 jyldary «Azamattarǵa arnalǵan úkimet» memlekettik korporatsııasy» KEAQ Basqarma Tóraǵasynyń keńesshisi laýazymyn atqarǵan.
Qazirgi qyzmetin 2025 jylǵy sáýir aıynan bastap atqaryp keledi.
«Eren eńbegi úshin» medalimen marapattalǵan.
35 jyl buryn (1990) qazaqstandyq kásipqoı boksshy, Olımpıada oıyndarynyń eki dúrkin qola júldegeri Ivan Fedorovıch DYChKO dúnıege keldi.
Qostanaı oblysynda týǵan. Rýdnyı ındýstrııalyq ınstıtýtynda oqydy.
Jastar men jasóspirimdar arasyndaǵy QR chempıony, kóptegen halyqaralyq jarystar men týrnırlerge qatysyp, júldeger atanǵan, Gýanchjoýda ótken bokstan Azııa oıyndarynyń kúmis júldegeri. QR Prezıdenti N.Nazarbaevtyń júldesi úshin halyqaralyq týrnırde birinshi orynǵa ıe boldy.
Olımpıada oıyndarynyń eki dúrkin júldegeri (London-2012, Rıo-de-Janeıro-2016), álem chempıonatynyń úsh dúrkin júldegeri (eki kúmis — Almaty-2013, Doha-2015, bir qola — Baký-2011), Azııa chempıony (Amman-2013), Azııa oıyndarynyń chempıony (Inchhon-2014) jáne kúmis júldegeri (Gýanchjoý-2010). 2015 jyly Qazaqstannyń úzdik boksshysy dep tanylǵan. Qazirgi tańda kásipqoı rıngte judyryqtasady.