11 tamyz. Tulǵalar týǵan kún
Búgin, 11 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
63 jyl buryn (1961) QR Ekologııa jáne tabıǵı resýrstar mınıstri Erlan Nuralyuly NYSANBAEV dúnıege kelgen.
Almaty oblysynda týǵan. Qazaq aýyl sharýashylyǵy ınstıtýty jáne Abaı atyndaǵy Qazaq Ulttyq pedagogıkalyq ýnıversıtetin támamdady. Orman sharýashylyǵy ınjeneri, qarjy salasynyń mamany, aýyl sharýashylyǵy ǵylymdarynyń kandıdaty.Eńbek jolyn 1983 jyldyń qyrkúıek aıynda Almaty oblysyndaǵy orman sharýashylyǵynyń sheberi retinde bastady.
2006 jyldan 2009 jylǵa deıin «Astana-Zelenstroı» AQ-nyń bas dırektory qyzmetin atqardy. 2009 jyldan QR Aýyl sharýashylyǵy mınıstrligi Orman jáne ańshylyq sharýashylyǵy komıtetiniń tóraǵasy bolǵan.
2013-2014 jyldary QR Qorshaǵan ortany qorǵaý vıtse-mınıstri boldy. QR Aýyl sharýashylyǵy vıtse-mınıstri (2014-2019). QR Ekologııa, geologııa jáne tabıǵı resýrstar vıtse-mınıstri (2019-2021). C.Seıfýllın atyndaǵy Qazaq agrotehnıkalyq ýnıversıteti UAQ Basqarma tóraǵasynyń orynbasary (2021-2023).
Qazirgi qyzmetinde - 2023 jyldyń naýryz aıynan bastap. «Astanaǵa 10 jyl» mereıtoılyq medalimen, «Eren eńbegi úshin» medalimen, «Qurmet» ordenimen marapattalǵan.
61 jyl buryn (1963) VIII saılanǵan Qazaqstan Respýblıkasy Parlamenti Májilisiniń depýtaty Baýyrjan Ámirjanuly SMAǴULOV dúnıege keldi.
Qaraǵandy qalasynda týǵan. Qaraǵandy medıtsına ınstıtýtyn (1986), Qaraǵandy ekonomıkalyq ýnıversıtetin ekonomıst-menedjer mamandyǵy boıynsha, Qaraǵandy memlekettik tehnıkalyq ýnıversıteti, Reseı Federatsııasy Prezıdentiniń janyndaǵy Reseı memlekettik basqarý akademııasyn bitrgen (2007). Tehnıka ǵylymdarynyń kandıdaty
Eńbek joly: Qaraǵandy qalalyq jedel járdem aýrýhanasynyń neırohırýrg dárigeri (1986-1990), Reseı Medıtsına ǵylymdary akademııasynyń neırohırýrgııa ınstıtýtynyń klınıkalyq ordınatory (1990-1995), Qaraǵandy oblysy ákiminiń keńesshisiniń kómekshisi (1995-1997), «Jekeshelendirý jáne ınvestıtsııalaý bıýrosy» JShS marketıng bóliminiń bastyǵy (1997-2000), «Bolashaq» qazirgi bilim berý ınstıtýtynyń oqytýshysy (2000-2003), «Astana Constructive» kompanııasynyń dırektorlar keńesiniń tóraǵasy, «Maqsat-S» JShS dırektory (2003-2005), Qaraǵandy oblystyq aýmaqtyq qorshaǵan ortany qorǵaý basqarmasynyń bastyǵy (07.2005-03.2008), Nura-Sarysý ekologııa basqarmasynyń bastyǵy (03.2008-05.2010), Qaraǵandy oblysy ákiminiń orynbasary (05.2010-08.2012), Qazaqstan Respýblıkasy Jer resýrstaryn basqarý agenttigi tóraǵasynyń orynbasary (08.2012-2013), QR Óńirlik damý mınıstrligi Jer resýrstaryn basqarý komıtetiniń tóraǵasy (01.08.2013-08.2014), QR Ulttyq ekonomıka mınıstrligi Qurylys, turǵyn úı-kommýnaldyq sharýashylyq isteri jáne jer resýrstaryn basqarý komıteti tóraǵasynyń orynbasary (08.2014-11.2014), QR Ulttyq ekonomıka mınıstrligi Turǵyn úı-kommýnaldyq sharýashylyǵy jáne jer resýrstaryn basqarý komıteti tóraǵasynyń mindetin atqarýshy (14.11.2014-02.02.2015), QR Ulttyq ekonomıka mınıstrligi Turǵyn úı-kommýnaldyq sharýashylyq qurylysy jáne jerge ornalastyrý komıteti tóraǵasynyń orynbasary, QR Ulttyq ekonomıka mınıstrligi Qurylys jáne turǵyn úı-kommýnaldyq sharýashylyq isteri komıteti tóraǵasynyń orynbasary, «Elektr energetıkasyn damytý jáne energııa únemdeý ınstıtýty» (Qazaqenergosaraptama) AQ basqarma tóraǵasy qyzmetin atqardy.
2023 jyldyń naýryz aıynan beri qazirgi qyzmetinde.
56 jyl buryn (1968) Batys Qazaqstan oblysynyń ákimi Ǵaýez Tursanuly NURMUHAMBETOV dúnıege keldi.
Qostanaı oblysy Qarasaı aýdanynyń Maıskıı aýylynda týǵan. 1992 jyly Tselınograd aýyl sharýashylyǵy ınstıtýtyn «ǵalym agronom» mamandyǵy boıynsha, 2002 jyly Reseıdegi Chelıabi memlekettik ýnıversıtetin «zańger» mamandyǵy boıynsha, 2008 jyly Qostanaı ınjenerlik-ekonomıkalyq ýnıversıtetin «ekonomıka bakalavry» mamandyǵy boıynsha támamdady.
Eńbek jolyn 1992 jyly Torǵaı oblysy Oktıabr aýdanynyń Vılıams atyndaǵy sovhozdyń bas agronomy retinde bastaǵan. 1994 - 1996 jyldar aralyǵynda Qostanaı oblysy Qostanaı aýdanynyń Moskovskıı sovhozynyń bas agronomy boldy. 1996-1997 jyldary «Boskól» UJShK dırektory, Qostanaı oblysy Komsomol aýdanynyń «Boskól» óndiristik kooperatıviniń dırektory. 1997-2002 jyldary Qostanaı oblysy Taran aýdanynyń ákimi, 2002-2008 jyldary Qostanaı oblysy Qarabalyq aýdanynyń ákimi, 2008-2009 jyldary Qostanaı oblysy Kostanaı qalasynyń ákimi, 2009-2011 jyldary «Sodrýjestvo» ÓTK» JShS dırektorynyń orynbasary, 2011-2012 jyldary Qostanaı oblysy Áýlıekól aýdanynyń ákimi, 2012-2014 jyldary Kostanaı qalasynyń ákimi qyzmetin atqardy. 2014 - 2015 jyldary QR Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń bas ınspektory. 2015-2023 jyldary Qostanaı oblysy ákiminiń birinshi orynbasary boldy.
2023 jyldan qazirgi qyzmetinde
34 jyl buryn (1990) qazaqstandyq kásipqoı boksshy, Olımpıada oıyndarynyń eki dúrkin qola júldegeri Ivan Fedorovıch DYChKO dúnıege keldi.
Qostanaı oblysynda týǵan. Rýdnyı ındýstrııalyq ınstıtýtynda oqydy.
Jastar men jasóspirimdar arasyndaǵy QR chempıony, kóptegen halyqaralyq jarystar men týrnırlerge qatysyp, júldeger atanǵan, Gýanchjoýda ótken bokstan Azııa oıyndarynyń kúmis júldegeri. QR Prezıdenti N.Nazarbaevtyń júldesi úshin halyqaralyq týrnırde birinshi orynǵa ıe boldy.
Olımpıada oıyndarynyń eki dúrkin júldegeri (London-2012, Rıo-de-Janeıro-2016), álem chempıonatynyń úsh dúrkin júldegeri (eki kúmis - Almaty-2013, Doha-2015, bir qola - Baký-2011), Azııa chempıony (Amman-2013), Azııa oıyndarynyń chempıony (Inchhon-2014) jáne kúmis júldegeri (Gýanchjoý-2010). 2015 jyly Qazaqstannyń úzdik boksshysy dep tanylǵan. Qazirgi tańda kásipqoı rıngte judyryqtasady.
