11 sáýir. Tulǵalar týǵan kún

ASTANA. QazAqparat - Búgin,11 sáýirde tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

63 jyl buryn (1960) Parlament Senatynyń depýtaty, Halyqaralyq qatynastar, qorǵanys jáne qaýipsizdik komıtetiniń múshesi Sergeı Mıhaılovıch ERShOV dúnıege keldi.

Ózbek KSR-da týǵan. Almaty sáýlet-qurylys ınstıtýtyn «Injener-qurylysshy» mamandyǵy boıynsha bitirgen.

Eńbek joly: «Qazaqmys» korporatsııasynyń korporatıvtik áleýmettik jaýapkershiligi jónindegi dırektory (2014); Qaraǵandy oblystyq máslıhatynyń depýtaty, áleýmettik-mádenı damý jáne halyqty áleýmettik qorǵaý jónindegi turaqty komıssııanyń múshesi (2012-2014); Qaraǵandy oblysynan saılanǵan Qazaqstan Respýblıkasy Parlamenti Senatynyń depýtaty, Qarjy jáne bıýdjet komıtetiniń múshesi (2014-2017). Parlament Senatynyń depýtaty, Áleýmettik-mádenı damý jáne ǵylym jónindegi komıtet múshesi (2017-2020).

Qazirgi laýazymynda 2020 jyldyń qyrkúıeginen bastap.

62 jyl buryn (1961) memleket qaıratkeri, dıplomat, Qazaqstannyń Tótenshe jáne Ókiletti Elshisi Asqar Ahmetuly MÝSINOVdúnıege keldi.

Almaty qalasynda týǵan. A.Jdanov atyndaǵy Lenıngrad memlekettik ýnıversıtetin bitirgen.

Joǵary oqý ornyn aıaqtaǵannan keıin Lıvııada áskerı aýdarmashy bolyp istegen. 1987-1991 jyldary - Qazaq KSR Syrtqy ister mınıstrliginiń ekinshi, birinshi hatshysy. 1991-1992 jyldary - Reseı Federatsııasynyń Saýd Arabııasyndaǵy elshiliginiń ekinshi hatshysy. 1993-1996 jyldary - Qazaqstan Respýblıkasy Prezıdenti Apparaty halyqaralyq bóliminiń aǵa referenti, Qazaqstan Respýblıkasy Syrtqy ister mınıstrligi Konsýldyq qyzmet departamentiniń bastyǵy, Qazaqstan Respýblıkasynyń Ulybrıtanııadaǵy elshiliginiń birinshi hatshysy - konsýldyq bóliminiń meńgerýshisi. 1996-1997 jyldary - Qazaqstan Respýblıkasy Syrtqy ister mınıstrligi Bas konsýldyq basqarmasynyń bastyǵy, Konsýldyq qyzmet departamentiniń dırektory. 1997-1999 jyldary - Qazaqstan Respýblıkasy Prezıdenti Protokolynyń bastyǵy. 1999-2002 jyldary - Qazaqstan Respýblıkasynyń Mysyrdaǵy Tótenshe jáne Ókiletti Elshisi. 2001-2002 jyldary - Qazaqstan Respýblıkasynyń Marokko, Týnıs jáne Aljırdegi Tótenshe jáne Ókiletti Elshisi mindetin qosa atqarýshy. 2002-2006 jyldary - Qazaqstan Respýblıkasynyń Saýd Arabııasy Koroldigindegi Elshisi jáne Bahreın Koroldigindegi, Kýveıt memleketindegi, Oman Sultanatyndaǵy, Katar memleketindegi Tótenshe jáne Ókiletti Elshisi mindetin qosa atqarýshy. 2006-2008 jyldary - Birikken Arab Ámirlikterindegi Qazaqstan Respýblıkasynyń Tótenshe jáne Ókiletti Elshisi. 2008-2013 jyldary - Ońtústik Afrıka Respýblıkasyndaǵy Qazaqstan Elshisi. 2013-2014 jyldary QR Syrtqy ister mınıstrliginiń jaýapty hatshysy. 2014-2016 jyldary - QR Syrtqy ister mınıstriniń orynbasary. 2018 jyldan bastap Islam Yntymaqtastyq uıymy bas hatshysynyń ǵylym jáne tehnologııalar máseleleri jónindegi orynbasary.

ІІ dárejeli «Dostyq» ordenimen (2005), «Qazaqstan Respýblıkasynyń táýelsizdigine 10 jyl» (2001), «Qazaqstan Konstıtýtsııasyna 10 jyl» (2005), «Qazaqstan Respýblıkasynyń Parlamentine 10 jyl» (2006), «Astananyń 10 jyldyǵy» (2008), «Qazaqstan Respýblıkasynyń táýelsizdigine 20 jyl» (2011) mereıtoılyq medaldarymen marapattalǵan. QR Úkimeti basshysynyń alǵys hatyn (2012), І dárejeli «BAÁ táýelsizdiginiń» ordenin alǵan.

47 jyl buryn (1976) Qazaqstan Respýblıkasynyń Qarjy vıtse-mınıstri Tatıana Mıhaılovna SAVELЬEVA dúnıege keldi.

Aqmola agrarlyq ýnıversıtetin«Ekonomıka jáne menedjment» mamandyǵy boıynsha, Eýrazııa ulttyq ýnıversıtetin «Ekonomıka» mamandyǵy boıynsha bitirdi.

Eńbek jolyn 1999-2002 jyldary Astana qalasy Qarjy basqarmasynda jetekshi maman bolyp bastady. 2002 jyldyń mamyr-qazan aılarynda Qazaqstan Respýblıkasy Qarjy mınıstrligin Memlekettik bıýdjet departamenti respýblıkalyq bıýdjetti ázirleý basqarmasynyń bıýdjetti ázirleý bóliminiń bas mamany qyzmetin atqardy. 2002-2008 jyldary – Qazaqstan Respýblıkasy Ekonomıka jáne bıýdjettik josparlaý mınıstrliginde ártúrli laýazymda: bas maman, bólim bastyǵy, Basqarma bastyǵynyń orynbasary, bas sarapshy, Bıýdjet saıasaty jáne josparlaý departamenti dırektorynyń orynbasary bolyp jumys istedi. 2012-2013 jyldary Qazaqstan Respýblıkasy Qarjy mınıstrliginiń Bıýdjettik josparlaý jáne boljamdaý departamentiniń dırektory qyzmetin atqardy. 2013-2014 jyldary – Qazaqstan Respýblıkasy Ekonomıka jáne bıýdjettik josparlaý mınıstrliginiń Bıýdjettik josparlaý jáne boljamdaý departamentiniń dırektorynyń orynbasary, departament dırektory. 2014-2016 jyldary – Qazaqstan Respýblıkasy Qarjy mınıstrliginiń Bıýdjettik josparlaý departamentiniń dırektory.

Qazirgi qyzmetinde 2016 jyldyń sáýir aıynan bastap.

«Qurmet» ordenimen, «Qazaqstan halqy Assambleıasyna 20 jyl» medalimen marapattalǵan.

42 jyl buryn (1981) Qazaqstan Respýblıkasy Bas prokýratýrasy Qylmystyq qýdalaý qyzmetiniń basshysy Eldos Álıhanuly SAǴIEV dúnıege keldi.

Qaraǵandy qalasynda týǵan. E.A.Bóketov atyndaǵy Qaraǵandy memlekettik ýnıversıtetin (2002) ; «Bolashaq» Qaraǵandy ýnıversıtetin (2015) támamdaǵan.

Eńbek jolyn 2002 jyly Aqmola oblysynyń prokýratýra organdarynda bastaǵan. Qaraǵandy, Qostanaı oblystarynyń qarjy polıtsııasy organdarynda, sybaılas jemqorlyqqa qarsy qyzmetinde basshylyq laýazymdardy atqardy.

Mańǵystaý, Qostanaı oblystary boıynsha Sybaılas jemqorlyqqa qarsy is-qımyl Ulttyq bıýrosynyń departamentterin basqardy.

Osy qyzmetke taǵaıyndalǵanǵa deıin Bas prokýratýranyń Arnaıy prokýrorlar qyzmeti bastyǵynyń orynbasary boldy.

Qazirgi qyzmetine 2022 jyldyń tamyzynda kiristi.