11 mln gektar jer memleketke qaıtaryldy

ASTANA. KAZINFORM – Bul týraly Májilis Spıkeri, «AMANAT» partııasynyń tóraǵasy Erlan Qoshanov máslıhat depýtattarynyń forýmynda aıtty.

«Halyqtyń erekshe qoldaýyna ıe bolyp otyrǵan taǵy bir bastama – «Jer amanaty» jobasy. Bul jumysty Úkimetpen, Bas prokýratýramen, jergilikti atqarýshy organdarmen birge júrgizip jatyrmyz. Qazirgi tańda 11 mln ga jer memleketke qaıtaryldy», - dedi E.Qoshanov.

Aýyl halqynyń tabysyn arttyrýǵa baǵyttalǵan «Aýyl amanaty» jobasy da jemisti iske asýda. Sonyń arqasynda myńdaǵan azamat shaǵyn kásibin ashyp, turmysyn túzedi. Joba júzdegen otbasynyń ataýly áleýmettik kómekten arylýyna septigin tıgizdi.

«Budan bólek, naǵyz eńbek adamdaryna degen kózqaras ózgerdi, qoldaý kúsheıdi. Bir ǵana mysal, zııandy óndiriste jumys isteıtin eńbekkerlerdiń zeınet jasy tómendetildi. Bul shahtada, karerlerde, metallýrgııalyq tsehtarda zııandy ári qaýipti jumys istep júrgen júz myńdaǵan jumysshyny qamtydy. «Jumysshy mamandyqtary jyly» osyndaı ıgi isterden bastalǵaly otyr», - dedi partııa tóraǵasy.

Aıta keteıik, elordada AMANAT partııasynyń máslıhat depýtattarynyń forýmy bastaldy. Sharaǵa Memleket basshysy Qasym-Jomart Toqaev qatysýda.