11 myń áıel alıment tólep júr
ASTANA. KAZINFORM – Ádilet mınıstrliginiń resmı ókili Talǵat Ýálı vedomstvonyń baspasóz máslıhatynda alıment boryshy týraly resmı statıstıkany atady.
«Búgingi tańda respýblıka boıynsha sot oryndaýshylarynyń oryndaýynda alıment óndirip alý týraly 322 myń atqarýshylyq is bar. 322 myń atqarýshylyq is boıynsha 311 myńnan astam boryshker er azamat bolsa, 11 myńnan astam boryshker áıel bar. Bıylǵy 9 aı ishinde 33 mlrd teńge somasyna 25 myń óndiris problemaly bolyp tanyldy. ıAǵnı boryshker alımentterin turaqty túrde tólemeıdi. Degenmen Ádilet mınıstrliginiń atqarǵan aýqymdy jumysynyń nátıjesinde bıyl 7 mlrd teńge somasyna alıment boıynsha bereshek óndirildi. Alıment týraly óndiristerdiń 95,6%-y boıynsha óndirip alý aı saıyn jumys berýshilerdiń býhgalterlik qyzmetteri arqyly júzege asyrylady», - dedi resmı ókil.
Resmı málimet boıynsha, sot oryndaýshylary alıment bereshegi bar 7 myńnan astam boryshkerdiń elimizden shyǵýyna ýaqytsha shekteý qoıǵan. Jalpy jyl basynan beri 3 484 boryshker ákimshilik, 291 boryshker qylmystyq jaýapkershilikke tartylǵan.
