11 qyrkúıek. Tulǵalar týǵan kún
Búgin, 11 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
75 jyl buryn (1950) akter, teatr rejısseri, teatr pedagogi, professor, Qazaqstannyń eńbek sińirgen qaıratkeri Áýbákir Sydyquly RAHIMOV dúnıege keldi.
Shyǵys Qazaqstan oblysy Úrjar aýdany Taskesken aýylynda týǵan. 1966-1968 jyldary M. Áýezov atyndaǵy akademııalyq teatrdyń akterlik stýdııasyn oqyp bitirdi.
Eńbek jolyn 1968 jyly Jambyl oblystyq teatrynda akter bolyp bastady. 1974 jyly Máskeýdegi A. Lýnacharskıı atyndaǵy Teatr óneri ınstıtýtynyń (GITIS) rejısserlik fakýltetine I. M. Týmanovtyń (Týmanashvılı) kýrsyna túsip, 1979 jyly úzdik bitirdi. 1979 jyldan M. Áýezov atyndaǵy qazaq memlekettik akademııalyq teatrynyń qoıýshy-rejısseri; 1998 jylddan T.Júrgenov atyndaǵy Qazaq Ulttyq óner akademııasynyń oqytýshysy.
Dıplom jumysyn M. Áýezov teatrynda O. Bókeıdiń «Teketires» pesasy boıynsha qoıǵan spektaklimen qorǵap, osy teatrǵa jumysqa shaqyryldy.
«Parasat» ordenimen (2009); «Astana» (1998), «Qazaq handyǵyna 550 jyl» (2015), «Qazaqstan Respýblıkasynyń táýelsizdigine 25 jyl» (2016) medaldarymen marapattalǵan.
60 jyl buryn (1965) rejısser, stsenarıst, prodıýser Ámir Bolatuly QARAQULOV dúnıege keldi.
Almaty qalasynda týǵan. Almaty memlekettik teatr kórkemsýret ınstıtýtyn (qazirgi T.K. Júrgenov atyndaǵy Qazaq ulttyq óner akademııasy), S. M. Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti), S. A. Gerasımov atyndaǵy Búkilreseılik memlekettik kınematografııalyq ınstıtýtyn bitirgen.
«D’Arcy» jarnama agenttiginde kreatıv dırektory, «Qazaqfılm» kınostýdııasyndaǵy «Debıýt-reklama» jetekshisi, Qazaqstan kınematografıster odaǵynyń tóraǵasy qyzmetterin atqarǵan.
«Razlýchnıtsa», «Golýbınnyı zvonar», «Poslednıe kanıkýly», «Jylama», «Nerealnaıa lıýbov» fılmderin túsirgen.
59 jyl buryn (1966) «Atameken» QR UKP Syrtqy saýda palatasynyń tóraǵasy Murat Ratuly QARYMSAQOV dúnıege keldi.
Almaty qalasynda týǵan. 2018 jyly L. N. Gýmılev atyndaǵy Eýrazııa ulttyq ýnıversıtetin memlekettik aýdıt mamandyǵy boıynsha, 2016 jyly RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynyń magıstratýrasyn, 1991 jyly Belarýs memlekettik ýnıversıtetin ekonomıst mamandyǵy boıynsha, 1994 jyly Ankara ýnıversıteti, 2012 jyly MVA (London, Ulybrıtanııa) bitirgen.
Eńbek joly: 1991-1993 jyldary Abaı atyndaǵy Qazaq memlekettik pedagogıkalyq ýnıversıtetiniń oqytýshysy, 1993-1994 jyldary «QZI Bank» menedjeri, 1996-1998 jyldary «Qazaqstan Halyq banki» AQ baǵaly metaldarmen jumys bóliminiń bastyǵy, 1998-2000 jyldary «Qazaqstan Halyq banki» AQ aktsıonerlermen jumys bóliminiń bastyǵy, 2002 jyly «QazQurylysServıs» AQ departamentiniń dırektory, 2002 jyly QR Memlekettik kiris mınıstri kómekshisiniń mindetin atqarýshy, QR Memlekettik kiris mınıstriniń kómekshisi, 2002-2003 jyldary QR Qarjy mınıstriniń kómekshisi, 2003 jyly «Qazaqstannyń ınvestıtsııalyq qory» AQ jobalar departamentiniń bas menedjeri, 2003-2004 jyldary «IK: Qazaqstannyń ınvestıtsııalyq qory» AQ Basqarma Tóraǵasynyń keńesshisi, 2007-2010 jyldary «QIQ» aktsıonerlik ınvestıtsııalyq qory» AQ Bas dırektorynyń orynbasary bolyp qyzmet etti. «Ǵalymdardyń Eýrazııalyq ekonomıkalyq klýby» qaýymdastyǵy» ZTB prezıdenti (2010 jyldan).
2024 jyldyń qańtar aıynan bastap qazirgi qyzmetinde.
«Qazaqstan Respýblıkasynyń táýelsizdigine 20 jyl» (2011), V. I. Vernadskıı atyndaǵy altyn medalmen, «Eren eńbegi úshin» (2014), «Astanaǵa 20 jyl» (2018) medaldarymen marapattalǵan.
52 jyl buryn (1973) Qazaqstan Respýblıkasy Tótenshe jaǵdaılar mınıstrliginiń Azamattyq qorǵanys jáne áskerı bólimder komıtetiniń tóraǵasy Arman Zarlyquly QALIEV dúnıege keldi.
Aqtóbe qalasynda týǵan. 1991 jyly Shymkent qalasyndaǵy Respýblıkalyq áskerı mamandandyrylǵan mektep-ınternatyn, 1995 jyly Almaty qalasyndaǵy QR Ulttyq qaýipsizdik komıtetiniń Áskerı ınstıtýtyn bitirdi. 2002-2005 jyldary Reseı Federatsııasynyń Máskeý qalasynda Federaldyq qaýipsizdik qyzmetiniń Federaldyq shekara qyzmeti akademııasynda oqyp, altyn medalmen aıaqtady. 2015-2018 jyldary Belarýs Respýblıkasy Mınsk qalasy Qarýly Kúshteri Bas shtabynyń akademııasynda oqydy.
Eńbek jolynQR Ulttyq qaýipsizdik komıtetiniń Shekara qyzmetinde 1995 jyldyń qańtarynda Semeı oblysy Maqanshy shekara otrıady shekara zastavasy bastyǵynyń orynbasary qyzmetinen bastady. 1995-2020 jyldary QR Ulttyq qaýipsizdik komıtetiniń Shekara qyzmetindegi ártúrli basshylyq qyzmetter atqardy. 2022-2024 jyldary Memlekettik kúzet qyzmetinde erekshe maqsattaǵy kúshter qolbasshysynyń orynbasary — shtab bastyǵy laýazymynda qyzmet ótkerdi.
2024 jylǵy qazannan bastap QR Tótenshe jaǵdaılar mınıstrligi Azamattyq qorǵanys jáne áskerı bólimder komıteti tóraǵasy bolyp taǵaıyndaldy.
51 jyl buryn (1974) jýrnalıst, ónertanýshy, tarıhshy, Qazaqstan Respýblıkasynyń saıasat jáne qoǵam qaıratkeri, Qazaqstan Respýblıkasy Parlamenti Májilisi eks-depýtaty Artýr Stanıslavovıch PLATONOV dúnıege keldi.
Almaty qalasynda týǵan. Chaıkovskıı atyndaǵy Máskeý memlekettik konservatorııasynyń tarıhı-teorııalyq fakýltetin támamdaǵan, mamandyǵy — ónertanýshy.
1999-2010 jyldary Qurmanǵazy atyndaǵy Qazaq ulttyq konservatorııasynda batys eýropalyq mýzyka teatrynyń tarıhy jóninde avtorlyq kýrsta lektsııa oqydy. 2001-2011 jyldary «KTK» telearnasyndaǵy «Portret nedelı» baǵdarlamasynyń júrgizýshisi ári jetekshisi boldy. 2006 jyldan bastap Teledıdar jáne radıo Halyqaralyq Eýrazııalyq akademııasynyń akademıgi (Máskeý). 2010 jyldan bastap Halyqaralyq aqparattyq tehnologııalar ýnıversıtetiniń Menedjment jáne qoǵamdyq tártip kafedrasynyń professory (Almaty qalasy), 2006-2007 jyldary «KTK» AQ prezıdenti, 2007 jyldan bastap — «KTK»-nyń jeke habar taratý arnasynyń dırektory. 2011 jylǵy qyrkúıekten bastap — «Slýgı naroda» baǵdarlamasynyń júrgizýshisi jáne avtory ári prodıýseri. 2014-2016 jyldary «KTK»-nyń strategııalyq damý jónindegi dırektory qyzmetin atqarǵan. 2015 jyldan bastap qaıtadan «Portret nedelıge» shaqyrylǵan. Basshy, avtor jáne júrgizýshi. 2015 jyldan bastap — Qazaqstan Respýblıkasy Memlekettik hatshysynyń keńesshisi. 2016-2021 jyldary QR Parlamenti Májilisiniń VI shaqyrylym depýtaty, «Nur Otan» partııasynyń múshesi, Áleýmettik-mádenı damý komıtetiniń múshesi, Ekologııa jáne tabıǵatty paıdalaný máseleleri komıtetiniń múshesi boldy. 2021-2023 jyldary VII saılanǵan Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi, 2024 jyly QR Prezıdenti Ákimshiliginiń kommýnıkatsııalar bólimi meńgerýshisiniń orynbasary bolyp jumys atqarǵan.
«Opery Verdı 40-h godov» (1998) monografııasy men Batys Eýropa mýzykalyq teatry tarıhy boıynsha 50 maqala men jarııalym avtory.
«Qurmet» (2010), «Parasat» (2019) ordenderimen; «Qazaqstan halqy Assambleıasyna 20 jyl» (2015), «Qazaqstan Respýblıkasynyń Táúelsizdigine 25 jyl» (2016), «Za vklad v natsıonalnýıý bezopasnost» (2017) medaldarymen marapattalǵan.
45 jyl buryn «KEGOC» AQ Basqarma tóraǵasy Nábı Erkinuly AITJANOV dúnıege keldi.
Aqmola oblysynyń Qorǵaljyn kentinde týǵan. 1997–2002 jyldaryS. Seıfýllın atyndaǵy Aqmola agrarlyq ýnıversıtetin «Ekonomıka jáne menedjment» mamandyǵy boıynsha bitirdi. 2011–2012 jyldary Halyqaralyq bıznes akademııasyn bitirip, iskerlik ákimshilendirý magıstri dárejesine ıe boldy.
Eńbek joly: 2001-2002 jyldary «Kokshetaý Energo» JShS boljaý-taldaý ortalyǵynyń mamany — jetekshi ınjeneri, 2002-2003 jyldary«Kokshetaý Energo Sbyt» JShS jetekshi ınjeneri — elektr energııasyn satý jónindegi dırektory, 2003-2004 jyldary «Túrkistan Energo» JShS kommertsııalyq dıspetcherlendirý bólimi bastyǵynyń orynbasary, 2001-2002 jyldary «Kokshetaý Energo» JShS boljaý-taldaý ortalyǵynyń mamany — jetekshi ınjeneri, 2004-2005 jyldary «Qazaqstan kommýnaldyq júıeleri» JShS korporatıvtik damý bóliminiń jetekshi mamany — bastyǵy, 2005–2006 jyldary «Energopotok» JShS Dırektorynyń orynbasary, dırektory, 2006–2008 jyldary «Energo Sbyt» JShS dırektory, 2008–2010 jyldary «Ońtústik Jaryq Tranzıt» JShS Bas dırektory, 2012–2014 jyldary «Karaganda Energotsentr» JShS Bas dırektory, 2010-2023 jyldary «Qazaqstan kommýnaldyq júıeleri» JShS Bas dırektory laýazymyn atqarǵan. Budan bólek «Atameken» QR Ulttyq Kásipkerler Palatasynyń Energetıka komıtetiniń múshesi, qazaqstandyq elektr energetıkalyq qaýymdastyǵynyń Dırektorlar keńesiniń múshesi, «KAZENERGY» Qazaqstan munaı-gaz já, ne energetıka kesheni uıymdarynyń qaýymdastyǵy» ZTB keńesiniń múshesi, «Mańǵystaý óńirlik elektrjelilik kompanııasy» AQ Dırektorlar keńesiniń tóraǵasy, «Qaraǵandy Energotsentr» JShS Baqylaý keńesiniń tóraǵasy, «Qaraǵandy Jaryq» JShS Baqylaý keńesiniń tóraǵasy, «Ońtústik Jaryq Tranzıt» JShS Baqylaý keńesiniń tóraǵasy, «Energopotok» JShS Baqylaý keńesiniń tóraǵasy boldy.
Qazirgi qyzmetin 2023 jylǵy tamyzdan bastap atqaryp keledi.
«Qurmet» ordenimen, medaldarmen marapattalǵan.
89 jyl buryn (1936-2025) ǵalym, QR memlekettik syılyǵynyń laýreaty, QR Densaýlyq saqtaý mınıstrliginiń pedıatrııa jáne balalar hırýrgııasy ǵylymı ortalyǵynyń qurmetti dırektory Kamal Sárýaruly ORMANTAEV dúnıege keldi.
Qyzylorda oblysynyń Qarmaqshy aýdanynda týǵan. Іri ǵalym, birqatar basymdyqty ǵylymı baǵyttardyń negizin qalaýshy, pedagog jáne joǵary bilikti hırýrg, medıtsına ǵylymdarynyń doktory, Qazaqstan ǵylymyna eńbek sińirgen qaıratker, QR Memlekettik syılyǵynyń laýreaty.
2000 jáne 2003 jyldarda «Altyn adam» syılyǵyna ıe boldy.
QR profılaktıkalyq medıtsına akademııasynyń vıtse-prezıdenti, QR UǴA akademıgi, Medıtsına ǵylymdary akademııasynyń korrespondent-múshesi.
«Parasat» ordenimen marapattalǵan.