11 qazan. Tulǵalar týǵan kún
Búgin, 11 qazan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
78 jyl buryn (1946) qazaqtyń kórnekti jazýshysy, dramatýrg, aýdarmashy, baspager, qoǵam qaıratkeri Rollan Shákenuly SEISENBAEV dúnıege kelgen.
Semeıde týǵan. 1969 jyly Semeı tehnologııalyq ınstıtýtyn, 1977 jyly M.Gorkıı atyndaǵy ádebıet ınstıtýty janyndaǵy Joǵary ádebı kýrstaryn bitirgen.
Instıtýtty bitirgen soń Semeı oblystyq gazetinde, televıdenıede, oblystyq komsomol komıtetinde, qalalyq atqarý komıtetiniń bastyǵynyń orynbasary qyzmetin atqarǵan.
Ádebı jumyspen 1967 jyldan aınalysady. «Ańsaý» atty alǵashqy áńgimeler jınaǵy 1975 jyly jaryq kórgen.
1975-1991 jyldary Keńester Odaǵynyń jazýshylar uıymynyń qazaq ádebıeti jónindegi jaýapty hatshysy qyzmetin atqarǵan. 1992 jyly «ıAdrolyq synaqtardyń qurbany — balalar» qoryn qurǵan. 1993 jyly Respýblıkalyq «Qazaqstan» telekompanııasynda «Abaı álemi» telebaǵdarlamasyn ashqan. 1994-1996 jyldary QR Prezıdentiniń keńesshisi bolǵan. 1995 jyly London qalasynda ádebı-mádenı «Abaı úıi» ortalyǵyn ashqan. 2000 jyly Semeıde «Halyqaralyq Abaı klýbyn», ádebı «AMANAT» jýrnalyn dúnıege ákelgen. 2005 jyly Rollan Seısenbaevtyń baspa úıin ashqan. 2012 jyldan Qazaqtyń ál-Farabı atyndaǵy memlekettik ýnıversıteti men Halyqaralyq Abaı klýby qasynan ashylǵan «Álem halyqtarynyń ádebıeti» ınstıtýtynyń dırektory qyzmetin atqarady. «Halyqaralyq Abaı klýbynyń» Prezıdenti, «AMANAT» jýrnalynyń Keńes Sovetiniń bastyǵy, «RS» baspa úıiniń dırektory boldy.
Ol Semeıdiń oblystyq stýdenttik otrıadynyń tuńǵysh komandıri. Erkin, sambo, qazaq kúresinen QR birneshe dúrkin chempıony, Keńester Odaǵynyń da júldegeri. Keńester Odaǵynyń sport sheberi.
71 jyl buryn (1953) Qazaqstan Respýblıkasy Ulttyq ǵylym akademııasynyń akademıgi Hankeldi Mahmuduly ÁBJANOV dúnıege keldi.
Qaraǵandy oblysy Jańaarqa aýdanynyń týmasy. 1976 jyly Qazaq Memlekettik ýnıversıtetiniń tarıh fakýltetin bitirdi.
Eńbek joly: 1977-1979 jyldary Tselınograd qurylys ınstıtýty tarıh fakýltetiniń oqytýshysy, 1993-1999 jyldary Abaı atyndaǵy QazUPÝ-diń tarıhnama jáne derektaný kafedrasynyń meńgerýshisi, 1999-2009 jyldary L.N. Gýmılev atyndaǵy Eýrazııa Ulttyq ýnıversıtetiniń professory, kafedra meńgerýshisi, ýnıversıtet janyndaǵy «Eýrazııa» gýmanıtarlyq zertteýler ǵylymı ortalyǵy dırektorynyń orynbasary, 2009-2011 jyldary Memleket tarıhy ınstıtýty dırektorynyń birinshi orynbasary, 2011-2017 jyldary Sh.Sh. Ýálıhanov atyndaǵy Tarıh jáne etnologııa ınstıtýtynyń dırektory, 2019 jyly Qazaq memlekettik agrarlyq ýnıversıteti «Rýhanı jańǵyrý» ortalyǵynyń basshysy qyzmetin atqarǵan.
Qazaqstan zııalylarynyń ulttyq mádenıeti men tarıhyn zerttedi, 600-ge jýyq ǵylymı jáne ǵylymı-kópshilik basylymdardyń, onyń ishinde onnan astam monografııalyq zertteýlerdiń, oqýlyqtar men oqý-ádistemelik quraldardyń avtory.
«JOO úzdik oqytýshysy» memlekettik grantynyń ıegeri (2008). «QR ǵylymyn damytýǵa sińirgen eńbegi úshin» (2003), «QR ǵylymyn damytýǵa sińirgen eńbegi úshin» (2007) tósbelgilerimen, «Qazaq tiliniń janashyry» qurmet belgisimen (2008), «Astanaǵa 10 jyl» (2008), «Qazaqstan Respýblıkasynyń táýelsizdigine 20 jyl» (2011), «Halyq revolıýtsııasy-90» (Mońǵolııa, 2013) mereıtoılyq medaldarymen marapattaldy.
57 jyl buryn (1967) Qazaqstan Respýblıkasy Ulttyq qaýipsizdik komıtetiniń tóraǵasy, Ulttyq qaýipsizdik general-leıtenanty Ermek Aldabergenuly SAǴYMBAEV dúnıege keldi.
Almaty oblysynda týǵan. Qazaq polıtehnıkalyq ınstıtýtyn (ınjener-elektromehanık), ál-Farabı atyndaǵy Qazaq ulttyq ýnıversıtetin (zańger) bitirgen.
Eńbek joly: 1994-2006 jyldary ulttyq qaýipsizdik organdarynda ofıtserlik qyzmette, qyzmet apparatynda, sondaı-aq 2006-2009 jyldary jedel qamtý bólimshelerinde ofıtserlik jáne basshylyq qyzmette boldy. 2019-2021 jyldary QR Memlekettik kúzet qyzmeti bastyǵynyń orynbasary - QR Prezıdentiniń kúzet qyzmetiniń bastyǵy, 2021 jyly QR Memlekettik kúzet qyzmeti bastyǵynyń orynbasary, 2021-2022 jyldary QR Memlekettik kúzet qyzmetiniń bastyǵy laýazymyn atqarǵan.
Qazirgi qyzmetin 2022 jyldyń qańtar aıynan beri atqaryp keledi.
«Minsiz qyzmeti úshin» ІІ, ІІІ dárejeli medaldarymen, «Elbasynyń qaýipsizdigin aıbyndy atqarǵany úshin» ІІІ dárejeli medalimen marapattalǵan.
51 jyl buryn (1973) «QAZAQSTAN» respýblıkalyq teleradıokorporatsııasy» AQ basqarma tóraıymy, tanymal jýrnalıst Lázzat Muratqyzy TANYSBAI dúnıege keldi.
Shyǵys Qazaqstan oblysynyń Úrjar aýdanynda týǵan. Qazaq memlekettik ýnıversıtetin, Almaty halyqaralyq jýrnalıstıka ınstıtýtyn bitirgen.
Eńbek joly: 1993-1996 jyldary «Qazaqstan» RTRK júrgizýshisi, redaktory, 1996-2001 jyldary «Habar» agenttigi» AQ júrgizýshisi, jańalyqtar qyzmetiniń prodıýseri, 2001-2002 jyldary «Habar» agenttigi» JAQ Astana qalasy boıynsha Ortalyq bıýrosynyń atqarýshy prodıýseri, 2002-2005 jyldary QR Prezıdentiniń baspasóz qyzmetinde bas sarapshy, sektor meńgerýshisi, bas ınspektor bolyp qyzmet etti. 2005-2007 jyldary QR Mádenıet jáne aqparat mınıstrligi aqparat jáne muraǵattar komıteti tóraǵasynyń orynbasary, 2008-2011 jyldary «Qazaqstan» RTRK basqarma tóraǵasynyń birinshi orynbasary, 2011-2012 jyldary QR Baılanys jáne aqparat vıtse-mınıstri, 2012 jyly «Astana» telearnasynyń bas dırektory laýazymyn atqarǵan. 2018-2019 jyldary «NUR-Medıa» holdıngin basqardy.
2019 jyldyń sáýir aıynan beri qazirgi qyzmetinde.
«Qurmet» ordenimen marapattalǵan. Qazaqstandyq BAQ arasynda «Jyldyń tańdaýly júrgizýshisi» atalymynda «Altyn juldyz» ıegeri. Qazaqstan jýrnalıster odaǵy syılyǵynyń laýreaty.
41 jyl buryn (1983) VIII saılanǵan
Qazaqstan Respýblıkasy Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi Maksım Nıkolaevıch ROJIN dúnıege keldi.
Almaty oblysy Qaskeleń qalasynda týǵan. M.Áýezov atyndaǵy Ońtústik Qazaqstan memlekettik ýnıversıtetinde «Kásiptik oqytý» mamandyǵyn bitirdi, sonymen qatar osy joǵary oqý ornynda «Pedagogıka jáne psıhologııa» mamandyǵy boıynsha magıstr akademııalyq dárejesin aldy.
Eńbek jolyn 2005 jyly M.Áýezov atyndaǵy Ońtústik Qazaqstan memlekettik ýnıversıtetinde Jastar isi jóninde komıtet tóraǵasy retinde bastady. 2006 jyly «Astana» arnasyna jańalyqtar dıktory, 2009 jyly «7 arna» telearnasyna aptalyq-saraptamalyq baǵdarlamasynyń tilshisi, 2012 jyly «Samuryq-Qazyna» korporatıvtik ýnıversıtetinde sarapshy, 2014 jyly «Qazavtojol» UK AQ qoǵammen baılanys bóliminiń basshysy bolyp qyzmet etti. 2015 jyly «Qazaeronavıgatsııa» RMK baspasóz hatshysy, 2016 jyly QR AQDM «Ortalyq kommýnıkatsııalar qyzmeti» RMÝ Kommýnıkatsııa bóliminiń jetekshisi, 2017 jyly Dúnıejúzilik bank pen QR Bilim jáne ǵylym mınıstrliginiń «Jastar korpýsyn damytý jobasy» úılestirý agenttiginiń qoǵammen baılanys jónindegi bas mamany, 2019 jyly «Qazyna Kapıtal Menedjment» AQ PR keńesshisi, 2020 jyly «El úmiti» - ózgeristerdi basqarý baǵdarlamasynda Medıany damytý baǵyty boıynsha sarapshy, 2020 jyly «Kazinform» HAA Basqarma tóraǵasynyń keńesshisi / QR AQDM resmı ókili, mınıstr keńesshisi qyzmetin atqarǵan. 2021-2022 jyldary QR Prezıdenti janyndaǵy Ulttyq qoǵamdyq senim keńesiniń múshesi, 2021 jyly Halyqaralyq «Qazaq tili» qoǵamynyń vıtse-prezıdenti qyzmetinde boldy. 2022 jyly – QR Prezıdenti janyndaǵy Ulttyq Quryltaıdyń múshesi.
Qazirgi qyzmetin 2023 jyldyń naýryz aıynan beri atqaryp keledi.
«Eren eńbegi úshin» medalimen, «Qurmet» ordenimen marapattalǵan.
40 jyl buryn (1984) Almaty qalasy ákiminiń orynbasary Azamat Beskempiruly QALDYBEKOV dúnıege keldi.
Jambyl oblysy Taraz qalasynda týǵan. «Halyqaralyq quqyq bakalavry» mamandyǵy jáne «Halyqaralyq quqyq magıstri» mamandyǵy boıynsha ál-Farabı atyndaǵy Qazaq ulttyq ýnıversıtetin, «Quqyq magıstri» mamandyǵy boıynsha (AQSh, Soltústik Karolına) Dıýk ýnıversıtetin bitirgen.
Eńbek jolyn 2007 jyly Almaty qalasy Bostandyq aýdanynyń №2 aýdandyq sotynda jetekshi maman bolyp bastaǵan. 2008-2011 jyldary QR óńirlik qarjy ortalyǵynyń qyzmetin retteý agenttigi Almaty qalasy departamentiniń tirkeý jáne eńbektik baqylaý basqarmasynyń sarapshysy, bas sarapshysy, 2011-2013 jyldary QR Ulttyq bankiniń Almaty qalasyndaǵy óńirlik qarjy ortalyǵyn damytý Komıtetiniń memlekettik qyzmet kórsetý basqarmasynyń sarapshysy, bas mamany, 2013-2016 jyldary «Samuryq-Qazyna ulttyq ál-aýqat qory» AQ quqyqtyq qamtamasyz etý departamentiniń bas menedjeri, zań departamentiniń bas zańgeri, basqarma tóraǵasy hatshylyǵynyń basqarma hatshysy laýazymyn atqarǵan. 2016-2017 jyldary «Azamattarǵa arnalǵan úkimet» memlekettik korporatsııasy KeAQ Almaty qalasy boıynsha fılıalynyń jer kadastry jáne jyljymaıtyn múlikti tehnıkalyq tekserý departamentiniń bas tehnıkalyq basshysy, 2017-2018 jyldary Eýrazııa tehnologııalyq ýnıversıtetiniń damý jónindegi prorektory, 2018 jyly Almaty qalasy ákimdiginiń bas ınspektory bolyp qyzmet atqardy. 2018-2019 jyldary Almaty qalasy Jetisý aýdany ákiminiń apparat basshysy laýazymynda jumys atqardy. 2019 jyly Almaty qalasy Jasyl ekonomıka basqarmasy basshysynyń orynbasary boldy. 2019-2020 jyldary Almaty qalasy Jer qatynastary basqarmasynyń basshysynyń orynbasary, 2020-2024 jyldary Almaty qalasy Alataý aýdanynyń ákimi laýazymynda qyzmet atqarǵan.
Qazirgi qyzmetin 2024 jyldyń shilde aıynan bastap atqaryp keledi.
