11 qarasha. Tulǵalar týǵan kún
Búgin, 11 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
82 jyl buryn (1943) Abylaı han atyndaǵy Qazaq memlekettik halyqaralyq qatynastar jáne álem tilderi ýnıversıtetiniń rektory Sálıma Saǵıqyzy QUNANBAEVA dúnıege keldi.
Almaty oblysynyń týmasy. Almaty shet tilderi pedagogıkalyq ınstıtýtyn, osy oqý ornynyń aspırantýrasyn bitirgen.
Eńbek joly: orta mektep muǵalimi, QazPTI (Qanysh Sátbaev atyndaǵy QazUTÝ), AMMI (S. Asfendııarov atyndaǵy Qazaq ulttyq medıtsına ýnıversıteti) oqytýshysy; oqytýshy, aǵa oqytýshy, kafedra meńgerýshisi, dotsent, APIA (Abylaı han atyndaǵy KazÝMOıML) prorektory (1972-1992); Qazaq memlekettik álem tilderi ýnıversıtetiniń birinshi prorektory — oqý isi jónindegi prorektory (1992-1998); rektory (1998-1999); birinshi prorektor — oqý isi jónindegi prorektor (1999 jyldan).
50-ge jýyq ǵylymı eńbektiń, onyń ishinde úsh monografııanyń avtory.
51 jyl buryn (1974) Qyzylorda oblysy ákiminiń orynbasary Baqyt Dúısenuly JAQANOV dúnıege keldi.
Qyzylorda qalasynda týǵan. 1992 jyly Ybyraı Jaqaev atyndaǵy Qyzylorda polıtehnıkalyq ınstıtýtyna túsip, 1996 jyly ekonomıst-menedjer mamandyǵy boıynsha bitirdi.
Eńbek joly: 1997-2001 jyldar aralyǵynda Qyzylorda oblysynyń aýyl sharýashylyǵy departamentiniń ekonomıkalyq baǵdarlaý, naryqtyq qatynastar jáne monıtorıng bóliminiń jetekshi mamany jáne bólim bastyǵy, strategııa, monıtorıng jáne reformalar bóliminiń jetekshi mamany, oblystyq aýyl sharýashylyǵy basqarmasynyń marketıngtik zertteý jáne ónimdi tıimdi satý jumystaryn úılestirý bóliminiń bastyǵy qyzmetin atqarǵan. 2002 jyldyń sáýir aıy men qazan aıy aralyǵynda Qyzylorda oblystyq ekonomıka basqarmasynyń aqparattyq taldaý jumystary jáne baqylaý bóliminiń bastyǵy qyzmetin atqarǵan. 2002-2004 jyldar aralyǵynda Qyzylorda oblysy ákimi apparatynyń bas ınspektory qyzmetin atqardy. 2005-2008 jyldar aralyǵynda Qyzylorda oblysynyń tabıǵı resýrstar jáne tabıǵatty paıdalanýdy retteý departamenti dırektorynyń orynbasary jáne 2008-2011 jyldar aralyǵynda Qyzylorda oblysynyń aýyl sharýashylyǵy basqarmasynyń bastyǵy qyzmetinde boldy. 2011 jyly Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń bastyǵy, 2011-2013 jyldary Qyzylorda oblysy ákiminiń orynbasary, 2013 jyldyń aqpan aıynan bastap Qyzylorda oblysy Qazaly aýdanynyń ákimi, 2015-2019 jyldary Qyzylorda oblystyq aýyl sharýashylyǵy basqarmasynyń basshysy, 2019-2022 jyldary Qyzylorda oblysy ákiminiń orynbasary qyzmetin atqardy.
2024 jyldyń qańtar aıynan bastap qazirgi qyzmetinde.
40 jyl buryn (1985) Qaraǵandy oblysy ákiminiń birinshi orynbasary Azamat Aıtbaıuly TAIJANOV dúnıege keldi.
Astana qalasynda týǵan. Qazaq gýmanıtarlyq zań ýnıversıtetin bitirgen, halyqaralyq quqyq bakalavry, halyqaralyq quqyq magıstri (2007, 2009).
Eńbek joly: «Yqylas K» JShS menedjeri (2005-2006); akterlik Qazaqstan Respýblıkasy Ekonomıka jáne bıýdjettik josparlaý mınıstrligi Investıtsııalyq saıasat jáne josparlaý departamentiniń jetekshi mamany (2007-2008); Qazaqstan Respýblıkasy Ekonomıka jáne bıýdjettik josparlaý mınıstrligi Investıtsııalyq saıasat jáne josparlaý departamentiniń sarapshysy (2008-2008); Qazaqstan Respýblıkasy Qorshaǵan ortany qorǵaý mınıstrligi Quqyqtyq qamtamasyz etý jáne halyqaralyq yntymaqtastyq departamentiniń sarapshysy (2008-2010); Qazaqstan Respýblıkasy Indýstrııa jáne jańa tehnologııalar mınıstrligi Halyqaralyq yntymaqtastyq departamentiniń kópjaqty yntymaqtastyq jáne ınvestıtsııalyq saıasat basqarmasynyń basshysy (2010-2011); Qazaqstan Respýblıkasy Prezıdenti Іs basqarmasynyń keńesshisi (2011-2013); Stepnogorsk qalasy ákiminiń orynbasary (2013-2013); Egindikól aýdanynyń ákimi (2013-2016); Aqmola oblysy Arshaly aýdanynyń ákimi (2016-2018); «Turǵyn úı-kommýnaldyq sharýashylyǵyn jańǵyrtý men damytýdyń qazaqstandyq ortalyǵy» AQ basqarýshy dırektory, basqarma tóraǵasynyń orynbasary — basqarma múshesi (2019-2021); Qazaqstan Respýblıkasy Premer-Mınıstriniń orynbasary — Qarjy mınıstriniń keńesshisi (2021-2023); Aqmola oblysy ákiminiń orynbasary (2023-2024).
2024 jyldyń aqpan aıynan bastap qazirgi qyzmetinde.
37 jyl buryn (1988) VIII shaqyrylymdaǵy Qazaqstan Respýblıkasy Parlamenti Májilisiniń depýtaty, Zańnama jáne sot-quqyqtyq reforma komıtetiniń múshesi Jarqynbek AMANTAI dúnıege keldi.
Baıan-Ólgeıde (Mońǵolııa) dúnıege kelgen. Pavlodar memlekettik pedagogıkalyq ınstıtýtyn «fılolog» mamandyǵy boıynsha bitirgen (2010).
Eńbek joly: Pavlodar qalasyndaǵy Abaı atyndaǵy orta mektepte muǵalim (2010-2011); Pavlodar qalasyndaǵy «Saryarqa samaly» oblystyq gazetiniń tilshisi (2011-2013); Pavlodar qalasyndaǵy «Qazaqstan zaman» gazetiniń shtattyq tilshisi (2013-2015); Pavlodar qalasyndaǵy «Regıon Kz» oblystyq gazetiniń jaýapty hatshysy (2015-2019); J. Aımaýytov atyndaǵy Pavlodar oblystyq mýzykalyq-drama teatry basshysynyń orynbasary (2019-2020); Qazaqstan Jazýshylar odaǵynyń Pavlodar oblystyq fılıalynyń dırektory (2020-2021); Pavlodar qalasyndaǵy «ShAŃYRAQ» halyq shyǵarmashylyǵy jáne mádenı-demalys qyzmeti aımaqtyq ortalyǵy basshysynyń mindetin atqarýshy (2021-2022); Pavlodar qalasyndaǵy «Mashhýrovedenıe» ǵylymı-praktıkalyq ortalyǵy basshysynyń mindetin atqarýshy (2022-2023).
2022 jyldyń naýryz aıynan bastap qazirgi qyzmetinde.