«100 jańa esimge» engen almatylyqtar týraly kórme ashyldy
Bul zalda «Qazaqstannyń kıeli jerleriniń geografııasy» jobasyna engen Almaty qalasy aýmaǵynda ornalasqan nysandar - «Táýelsizdik tańy» monýmenti, qazirgi Qazaq-Brıtan tehnıkalyq ýnıversıteti ornalasqan ǵımarat, Voznesen Sobory, A. Baıtursynulynyń mýzeı-úıi, «Boraldaı saq qorǵandary» arheologııalyq parki, Raıymbek batyr kesenesi týraly tolyq málimettermen tanysýǵa bolady.
Ekspozıtsııanyń aýqymdy bir bóligi «100 jańa esim» jobasyna engen 20 jerlesimizge arnalǵan. Kórme sóresine Qazaqstannyń júzdigine engen Almatylyqtardyń eńbekteri men marapattary qoıylǵan. Sonyń biri - jas ónertapqysh Máýlen Bekturǵannyń oılap tapqan bıonıkalyq protezi.
Ár salada keleli jetistikterge qol jetkizip, aıqyn azamattyq ustanymymen tanylǵan almatylyqtardyń óskeleń urpaqqa úlgi bolary sózsiz.
Sondaı-aq, qazaq álipbıin latyn grafıkasyna kóshirý týraly aqparat, qazaq tilinde basylyp shyǵatyn 100 álem oqýlyqtarynyń 18-i osy zaldan óz ornyn tapqan.
"Almaty qalasy mýzeıleriniń birlestigi" QMKK dırektorynyń orynbasary Qaırat Tarbaev:
«Rýhanı jańǵyrý» baǵdarlamasynyń tóńireginde iske asyrylyp jatqan jumystar qarapaıym halyqqa túsinikti bolýy kerek. Bul kórme Elbasymyz N. Á. Nazarbaevtyń «Bolashaqqa baǵdar: rýhanı jańǵyrý» baǵdarlamasy aıasynda atqarylǵan istiń esebi ispettes. «Rýhanı jańǵyrý» baǵdarlamasy tek qana qujat, jospar túrinde ǵana júzege aspaýy tıis, qarapaıym halyqqa qoljetimdi bolýy kerek», - deıdi.
