100 oqýlyq: Kitapty ekinshi tilden aýdarsaq, onyń artyqshylyǵy joǵalady - Bólekbaev
Abylaı han atyndaǵy Qazaq halyqaralyq qatynastar jáne álem tilderi ýnıversıtetiniń ǵylymı jumystar boıynsha prorektory, fılosofııa ǵylymdarynyń doktory Saǵadı Bólekbaev «Qazaq tilindegi 100 jańa oqýlyq» jobasyn iske asyrǵan toptyń birinde eńbek etip keledi.
Búgin Remı Hesstiń «Fılosofııa boıynsha 25 negizgi kitap: Taldaý men pikirler» oqýlyǵynyń qazaq tilindegi nusqasy shyǵaryldy. Oqýlyqty frantsýz tilinen Aıymjan Ryskıeva men Áset Qurambek aýdarǵan. Al basylymnyń ǵylymı redaktory fılosofııa men tildiń bedeldi mamany, fılosofııa ǵylymdarynyń doktory Dáýletbek Raev bolsa, Saǵadı Bólekbaev jaýapty redaktory qyzmetin atqarǵan.
«Kitap adam men qoǵam oıynyń qalyptasý barysyn ashady. Fılosofııa tarıhyn adam oılaýynyń damý tarıhy deýge bolady. Bul kontekste kóptegen fılosoftar eńbek etken jáne arqaısysy óz eńbeginiń nátıjesin qaldyrǵan. Platon mahabbat týraly aıtsa, Arıstotel - saıasat pen etıka, al Kant baqyt nuryna bólengen Avgýstın men dindi tanýǵa óz septigin tıgizse, Karl Marks ıdeologııany zerttegen. Adamnyń oıy men fılosofııanyń damýyna bul salanyń árbir kórnekti azamaty óz úlesin qaldyryp ketken», - deıdi Saǵadı Bólekbaev.
«Kóne fılosofııadan alyp mura qalǵan. Olardyń basym bóligi orys ne ózge tilderde saqtalǵan. Sol sebepti stýdentterdiń ony tolyq oqyp, úırenýine múmkindik joqtyń qasy. Aýdarylǵan kitaptyń kómegimen stýdentter adam oıynyń efolıýtsııasyna jáne fılosofııalyq oılardyń damýyna qysqa da nusqa sholý jasaýǵa múmkindik alady», - deıdi ol.
Onyń aıtýynsha, JOO stýdentteri fılosofııa, sana, rýhanııat salalaryndaǵy qyzyq ári mańyzdy jańalyq ashý úshin ózge tilden aýdarýǵa esh ýaqyt jumsamaı, qol jetkize alady. Oǵan qosa, fılosofııa boıynsha qazaq tilindegi oqýlyqtar búginde tapshy.
«Árıne, oqýlyqtardyń orys tilindegi nusqalary bar. Biraq ony ekinshi tilden aýdarsaq, kitaptyń maǵynasy, ereksheligi men artyqshylyǵy joǵalady», - deıdi fılosofııa ǵylymdarynyń doktory.
Onyń aıtýynsha, oqýlyq fılosofııa sabaqtarynda qoldanylmaq. Sonymen qatar, aımaqtaný jáne saıasattaný syndy gýmanıtarlyq salalardy qamtıdy.
Oqýlyq taralymy - 10 myń. Sondaı-aq, onyń elektrondy nusqasy da qoldanylýǵa berilmek. Al JOO-da oqýlyq 1 qyrkúıekten qoldanylýǵa beriledi.
Avtory: Albert AHMETOV
