10 oblysta áli de órt qaýpi bar - Qazgıdromet

ASTANA. KAZINFORM – «Qazgıdromet» RMK-sy qyrkúıektiń 4-i kúngi kún raıy boljamyn jarııalady.

Kásiporynnyń derekterine qaraǵanda, qyrkúıek kúni Qazaqstannyń basym bóligi soltústik-batys tsıklon jáne sonymen baılanysty atmosferalyq aǵyndardyń yqpalynda bolyp, eldińbasym bóliginde naızaǵaı oınap, jańbyr jaýady, elimizdiń batysynda, ońtústik-batysynda qatty jańbyr, soltústikte, ońtústik-batysta, batysta burshaq jaýyp, daýyl bolýy yqtımal.

Tek ońtústikte, ońtústik-shyǵysta kún kóbine jaýyn-shashynsyz bolady. Respýblıka boıynsha jel kúsheıip, ońtústikte shańdy daýyl turady, elimizdiń soltústiginde, shyǵysynda, batysynda, ortalyǵynda túngi jáne tańerteńgi saǵattarda tuman túsedi.

Túnde Qaraǵandy oblysynyń soltústiginde, shyǵysynda topyraq betinde 2 gradýs úsik júredi.

Almaty, Aqtóbe, Ulytaý, Jetisý, oblystarynda, Qaraǵandy oblysynyń batysynda, soltústiginde, Aqmola oblysynyń batysynda, ońtústiginde, ortalyǵynda, Batys Qazaqstan oblysynyń soltústiginde, ońtústiginde, shyǵysynda, Atyraý oblysynyń soltústiginde, batysynda, ortalyǵynda, Qostanaı oblysynyń batysynda, Shyǵys Qazaqstan oblysynyń ońtústiginde joǵary órt qaýpi saqtalady.

Túrkistan, Qyzylorda, Mańǵystaý, Jambyl oblystarynda, Batys Qazaqstan oblysynyń batysynda, Almaty oblysynyń batysynda, soltústiginde, ońtústiginde, Atyraý, Jetisý oblystarynyń shyǵysynda, ońtústiginde, Qostanaı, Qaraǵandy, Aqtóbe oblystarynyń ońtústiginde, Ulytaý oblysynyń shyǵysynda tótenshe órt qaýpi kútiledi.

Osyǵan deıin qýańshylyqtan Túrkistan oblysynyń eń kóp zardap shekken aımaqtary týraly jazdyq.