1 jeltoqsan. Tulǵalar týǵan kún
Búgin, 1 jeltoqsan kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
67 jyl buryn (1956) Astana qalasynyń qurmetti azamaty Nıkolaı Ilıch MEŞERıAKOV dúnıege keldi.
Meşerıakov Nıkolaı Ilıch Chelıabidegi Lenın komsomoly polıtehnıkalyq ınstıtýtyn bitirgen, ınjener-mehanık.
1986-1989 jyldary «Tselınogradtıajstroı» tresi kásipodaq komıtetiniń tóraǵasy qyzmetin atqardy, 1989-1990 jyldary «Tselınogradglavsnab» kommertsııalyq ortalyǵynda bólim meńgerýshisi, dırektordyń orynbasary, 1990-1991 jyldary «Tsesna» kommertsııalyq seriktestigi bas dırektorynyń orynbasary, 1991-1994 jyldary «Tsesnabank» AAQ basqarma tóraǵasy, 1994-1999 jyldary «Tsesna» korporatsııasynyń bas dırektory, basqarma tóraǵasynyń orynbasary, 1999-2014 jyldary «Tsesna-Astyq» kontserni» JShS basqarma tóraǵasy, 2019 jyldyń qańtaryna deıin – «Tsesnabank» AQ Dırektorlar keńesiniń múshesi boldy. Astana qalasy máslıhatynyń 2017 jylǵy maýsymdaǵy sheshimimen Qazaqstan Respýblıkasynyń astanasy Astana qalasynyń damýy men gúldenýine qosqan eleýli úlesi, belsendi memlekettik jáne qoǵamdyq qyzmeti úshin «Astana qalasynyń qurmetti azamaty» ataǵymen marapattaldy.
56 jyl buryn (1967) QR Prezıdenti janyndaǵy AMÝ elektoraldy oqytý ortalyǵynyń basshysy Janar Qalıqanqyzy BUQANOVA dúnıege keldi.
Shyǵys Qazaqstan oblysynyń Asýbulaq aýylynda dúnıege kelgen. Óskemen pedagogıkalyq ınstıtýtyn tarıh jáne quqyq pániniń muǵalimi mamandyǵy boıynsha bitirgen.
1998 jyly magıstr dárejesin alyp, S.Amanjolov atyndaǵy Shyǵys Qazaqstan ýnıversıtetinde jáne D.Serikbaev atyndaǵy tehnıkalyq ýnıversıtette sabaq berdi. Shyǵys Qazaqstan oblysy ákimdiginiń ishki saıasat basqarmasynda, QR Prezıdenti Ákimshiliginiń qoǵamdyq-saıası bóliminde jáne QR basqa da memlekettik organdarynda qyzmet atqarǵan.
Osy jyldar ishinde ol «Amanat» partııasynda jumys istedi, Saıası menedjment akademııasyn, Jastar ǵylymı ortalyǵyn, QR Qoǵamdyq damý ınstıtýtynyń «Rýhanı jańǵyrý» ortalyǵyn basqardy.
2022 jyldyń aqpan aıynan bastap qazirgi qyzmetinde.
«Eren eńbegi úshin» medalimen marapattalǵan.
53 jyl buryn (1970) «Samuryq-Energo» AQ Dırektorlar keńesiniń múshesi Alekseı Vladımırovıch OGAI dúnıege keldi.
1995 jyly Almaty energetıka ınstıtýtyn «Elektr stantsııalary» mamandyǵy boıynsha bitirgen.
Eńbek jolyn 1995 jyly «Qazaqstannyń otyn-energetıka kesheni máselelerin zertteý zerthanasy» JShS ǵylymı qyzmetkeri bolyp bastady.
1998-2006 jyldary «KEGOC» AQ mamany, jetekshi mamany, bas mamany, bólim bastyǵy, 2006-2008 jyldary «Samuryq» memlekettik aktıvterdi basqarý jónindegi qazaqstandyq holdıng» AQ bas sarapshysy, 2008 jyly «Samuryq» memlekettik aktıvterdi basqarý jónindegi qazaqstandyq holdıngi» AQ elektr energetıkalyq aktıvterdi basqarý jónindegi dırektorynyń orynbasary, 2008-2011 jyldary «Samuryq-Qazyna» Ulttyq ál-aýqat qory» AQ Elektr energetıkasy aktıvteri dırektsııasynyń bas sarapshysy, 2011-2014 jyldary «Samuryq-Qazyna» Ulttyq ál-aýqat qory» AQ elektr energetıkalyq aktıvterin basqarý jónindegi dırektory, 2014-2015 jyldary «Samuryq-Qazyna» Ulttyq ál-aýqat qory» AQ Bas dırektorynyń aktıvterdi basqarý jónindegi orynbasary, 2015-2018 jyldary «Samuryq-Energo» AQ basqarma tóraǵasynyń orynbasary, basqarýshy dırektory, 2019-2023 jyldary «Samuryq-Energo» AQ qaıta uıymdastyrý jáne aktıvterdi satý departamentiniń dırektory, 2023 jyly «Samuryq-Qazyna» AQ Energetıka jáne taý-ken aktıvteri departamentiniń dırektory qyzmetin atqardy.
QR Táýelsizdiginiń 20 jyldyǵyna arnalǵan merekelik medalmen marapattalǵan.
48 jyl buryn (1975) Almaty qalasynan saılanǵan QR Parlamenti Senatynyń depýtaty Janna Beısentaıqyzy ASANOVA dúnıege keldi.
Almaty oblysy Shelek aýdanynda dúnıege kelgen. S.D.Asfendııarov atyndaǵy Almaty memlekettik medıtsına ýnıversıtetin pedıatr mamandyǵy boıynsha jáne Qazaq ulttyq agrarlyq ýnıversıtetin zańger-ekonomıst mamandyǵy boıynsha bitirgen.
Eńbek jolyn 1993 jyly QR Prezıdenti Ákimshiliginiń Ortalyq klınıkalyq aýrýhanasynda bastady. 1999-2003 jyldary Almaty qalasy, «Farmeks» JShS menedjeri, 2003-2004 jyldary Almaty qalasy № 16 qalalyq emhanada dáriger-pedıatr, 2004-2006 jyldary Kóshi-qon komıtetiniń Almaty qalasy basqarmasynyń bas mamany, 2014-2015 jyldary Almaty qalasy «Atameken» AES Túrksib aýdandyq fılıalynyń dırektory qyzmetin atqardy. 2016-2017 jyldary Almaty qalasyndaǵy «InterFınInvest» JShS dırektory, 2017-2019 jyldary Almaty qalasy saılaý komıssııasynyń tóraǵasy, «Almaty damý ortalyǵy» AQ basqarma tóraǵasynyń orynbasary, «EkoAlmaty» JShS dırektory boldy.
2023 jyldan bastap qazirgi qyzmetinde.
«Qurmet» ordenimen jáne mereıtoılyq medaldarmen marapattalǵan.
46 jyl buryn (1977) Qazaqstan Respýblıkasy Saýda jáne ıntegratsııa mınıstri Arman Abaıuly ShAQQALIEV dúnıege keldi.
Qaraǵandy oblysynda dúnıege kelgen. L.Gýmılev atyndaǵy Eýrazııa ulttyq ýnıversıtetin «Zańger» mamandyǵy boıynsha, E. Bóketov atyndaǵy Qaraǵandy memlekettik ýnıversıtetin «Ekonomıka» mamandyǵy boıynsha, M. Dýlatov atyndaǵy Qostanaı ınjenerlik-ekonomıkalyq ýnıversıtetin «Standarttaý, sertıfıkattaý jáne metrologııa» mamandyǵy boıynsha támamdaǵan.
Halyqaralyq ınjenerlik akademııanyń korrespondent múshesi, ǵalym ınjener.
Eńbek jolyn Aqmola oblysy jáne Astana qalasy boıynsha «Kásiporyndardy qaıta uıymdastyrý jáne taratý agenttigi» AQ zań keńesshisi qyzmetinen bastaǵan. QR Memlekettik materıaldyq qorlar agenttiginiń «Rezerv» RMK bóliminiń basshysy, QR QM Dármensiz boryshkerlermen jumys jónindegi komıtet tóraǵasynyń orynbasary, QR Ekonomıka jáne bıýdjettik josparlaý mınıstrliginiń Memlekettik aktıvterdi basqarý saıasaty departamentiniń dırektory qyzmetterin atqardy. Tehnıkalyq retteý júıesinde 2004 jyldan bastap «Qazaqstandyq metrologııa ınstıtýty» RMK dırektory bolyp jumys istedi. 2008-2016 jyldary «Qazaqstandyq standarttaý jáne sertıfıkattaý ınstıtýty» respýblıkalyq memlekettik kásipornynyń dırektory qyzmetin atqardy. 2016 jyldyń sáýir aıynda Eýrazııalyq ekonomıkalyq komıssııanyń Tehnıkalyq retteý jáne akkredıtteý departamentiniń dırektory bolyp taǵaıyndaldy. 2018-2019 jyldary QR Investıtsııalar jáne damý mınıstrligi Tehnıkalyq retteý jáne metrologııa komıtetiniń tóraǵasy, 2019-2020 jyldary QR Saýda jáne ıntegratsııa mınıstrligi Tehnıkalyq retteý jáne metrologııa komıtetiniń tóraǵasy, 2020-2022 jyldary Eýrazııalyq ekonomıkalyq komıssııanyń Básekelestik jáne monopolııaǵa qarsy retteý jónindegi mınıstri, QR Eýrazııalyq ekonomıkalyq komıssııa alqasynyń múshesi boldy. 2022-2023 jyldary QR saýda jáne ıntegratsııa vıtse-mınıstri qyzmetin atqardy.
2023 jyldyń qazan aıynan bastap qazirgi qyzmetinde.
138 jyl buryn (1885-1949) geolog, geologııa-mıneralogııa ǵylymdarynyń doktory, professor, Qazaq KSR Ǵylym Akademııasynyń akademıgi, Qazaq KSR-i eńbek sińirgen ǵylym qaıratkeri, KSRO Memlekettik syılyǵynyń laýreaty Nıkolaı Grıgorevıch KASSIN dúnıege kelgen.
Reseı Federatsııasynda týǵan. Peterbor taý-ken ınstıtýtyn bitirgen.
1913-1917 jyldary Qazaqstandaǵy geologııalyq partııalardyń geology, kollektory. 1917-1935 jyldary Qazaq KSR Geologııalyq komıtetiniń geology, aǵa geology. 1935-1941 jyldary Ortalyq Qazaqstan ǵylymı-zertteý jáne geologııalyq izdestrý ınstıtýtynyń sektor meńgerýshisi, aǵa geology. 1941-1942 jyldary Qazaq geologııalyq basqarmasynyń Qazaqstan geologııasy boıynsha konsýltanty. 1942-1949 jyldary Qazaq KSR Ǵylym akademııasynyń Geologııa akademııasy ınstıtýtynyń aǵa ǵylymı qyzmetkeri, konsýltanty qyzmetterin atqarǵan. Negizgi ǵylymı eńbekteri Qazaqstan jeriniń geologııalyq qurylymyn zertteýge, onyń shıkizat qoryn ıgerýge arnalǵan. Ol petrografııa, stratıgrafııa, geotektonıka, metallogenııa, geomorfologııa, gıdrogeologııa salasynda jumys istep, mıneralogııa jáne paleontologııamen de shuǵyldanǵan. Qazaqstannyń geologııalyq kartasyn tuńǵysh jasaýshylardyń biri, sondaı-aq, Ramazan Borýkaevpen birge Bozshakól mys kenin tuńǵysh ashqan. «Mednye mestorojdenııa Severo-Vostochnogo Kazahstana» (birlesip shyǵarǵan), «Výlkanızm Kazahstana», «Metallogenıcheskıe protsessy Kazahstana v svıazı s ego strýktýroı ı výlkanızmom», «Osnovnye problemy geologıı Kazahstana», «Materıaly po paleografıı Kazahstana», «Razvıtıe geologıcheskıh strýktýr Kazahstana» atty eńbekteri jaryq kórgen.
1-dárejeli Otan soǵysy, 2 márte Lenın ordenderimen, Qazaq KSR Joǵarǵy Keńesiniń Qurmet gramotasymen marapattalǵan.
