1 shilde kúni eldiń birneshe óńirinde daýyldy eskertý jarııalandy

ASTANA. KAZINFORM – «Qazgıdromet» RMK-sy elimizdiń birqatar óńirine aýa raıyna baılanysty eskertý jasady.  

Aqmola oblysynda 1 shilde kúni batysynda, soltústiginde jáne shyǵysynda naızaǵaı bolyp, kúndiz burshaq jaýady. Túnde jáne tańerteń batysynda, soltústiginde jáne shyǵysynda tuman túsedi. 

Astanada 1 shilde kúni kúndiz naızaǵaı bolady.

Almaty oblysynda 1 shildede taýly aýdandarda naızaǵaı bolady. Taýly aımaqtarda soltústik-shyǵystan soǵatyn jeldiń ekpini 15–20 m/s jetedi. Oblystyń soltústiginde, batysynda jáne ortalyǵynda tótenshe órt qaýpi saqtalady, al ońtústigi men shyǵysynda órt qaýpi joǵary bolady. Almatyda 1 shilde kúni órt qaýpi joǵary deńgeıde saqtalady. 

Jambyl oblysynda 1–5 shilde aralyǵynda túngi aýa temperatýrasy +17+22-den +25+30-ǵa deıin, kúndiz +30+35-ten aptap ystyq +40+45 gradýsqa deıin kóteriledi. Osy kezeńde tótenshe órt qaýpi saqtalady.

Túrkistan oblysynda 1 shildede tótenshe órt qaýpi saqtalady. Bul jaǵdaı Shymkent pen Túrkistan qalalaryna da qatysty.

Atyraý oblysynda 1 shilde kúni túnde batysynda, soltústiginde jáne ońtústiginde naızaǵaı bolady. Kúndiz batysy men soltústiginde ońtústik-batystan soǵatyn jeldiń ekpini 15–20 m/s jetedi. Ońtústiginde órt qaýpi joǵary deńgeıde saqtalady.

Qaraǵandy oblysynda 1 shildede soltústigi men shyǵysynda naızaǵaı bolady. Batysynda, shyǵysynda jáne ońtústiginde tótenshe órt qaýpi saqtalady. Qaraǵandyda 1 shildede naızaǵaı oınaıdy.

Mańǵystaý oblysynda 1 shilde túnde soltústiginde naızaǵaı bolady. Batysynda, ońtústiginde jáne ortalyǵynda órt qaýpi joǵary. Aqtaýda 1 shilde kúni órt qaýpi joǵary deńgeıde bolady.

Batys Qazaqstan oblysynda 1 shilde túnde naızaǵaı, kúndiz batysynda, soltústiginde jáne shyǵysynda naızaǵaı bolyp, burshaq jaýady. Batysynda, soltústiginde jáne ońtústiginde ońtústik-batystan jáne batystan soǵatyn jel 15–20 m/s deıin kúsheıedi. Oralda 1 shilde kúni naızaǵaı, kúndiz burshaq, jel ekpini 18 m/s bolady.

Ulytaý oblysynda 1 shilde kúni ońtústiginde kúndiz 35 gradýsqa deıin aptap ystyq bolady.

Aqtóbe oblysynda 1 shilde kúni batysynda, soltústiginde jáne ortalyǵynda naızaǵaı bolady. Kúndiz soltústigi men shyǵysynda ońtústik jáne ońtústik-batys baǵyttaǵy jel 15–18 m/s deıin kúsheıedi. Ortalyǵynda tótenshe órt qaýpi saqtalady. Aqtóbede 1 shildede jel ekpini 15–18 m/s jetedi.

Pavlodar oblysynda 1 shildede naızaǵaı boljanýda. Soltústigi men batysynda soltústik-batystan soǵatyn jeldiń ekpini 15–20 m/s jetedi. Pavlodarda 1 shilde kúni naızaǵaı bolady.

Shyǵys Qazaqstan oblysynda 1 shildede soltústigi men shyǵysynda jańbyr jaýyp, kúndiz burshaq jaýyp, daýyl turady. Soltústik-batystan soǵatyn jel soltústiginde, shyǵysynda jáne ońtústiginde 15–20 m/s, kúndiz ekpini 23–28 m/s deıin jetýi múmkin. Ońtústiginde órt qaýpi joǵary. Óskemende 1 shilde kúni naızaǵaı bolyp, kúndiz burshaq jaýyp, daýyl turady. Jel ekpini 23 m/s deıin kúsheıedi.

Abaı oblysynda 1 shilde kúni batysynda, soltústiginde jáne ońtústiginde naızaǵaı bolyp, kúndiz burshaq jaýyp, daýyl soǵady. Batysynda, ońtústiginde jáne ortalyǵynda batys, soltústik-batystan soǵatyn jel 15–20 m/s, kúndiz ekpini 23–28 m/s deıin jetedi. Shyǵysynda órt qaýpi joǵary, ońtústiginde tótenshe órt qaýpi saqtalady. Semeıde 1 shilde kúni naızaǵaı, kúndiz burshaq jaýyp, daýyl turady. Jel ekpini 23 m/s deıin jetýi múmkin.

Qostanaı oblysynda 1 shildede kúndiz batysy men soltústiginde naızaǵaı bolady. Túnde soltústigi men shyǵysynda tuman bolady. Ońtústik-batysynda tótenshe órt qaýpi saqtalady. Qostanaıda túnde tuman túsedi.

Soltústik Qazaqstan oblysynda 1 shilde túnde soltústigi men shyǵysynda naızaǵaı, kúndiz batysynda, soltústiginde jáne shyǵysynda naızaǵaı oınap, burshaq jaýady. Túnde jáne tańerteń batysy men soltústiginde tuman bolady. Batysynda, soltústiginde jáne shyǵysynda jel 15–20 m/s deıin kúsheıedi. Ońtústiginde órt qaýpi joǵary. Petropavlda 1 shilde kúni naızaǵaı, túnde jáne tańerteń tuman bolady.

Jetisý oblysynda 1 shildede shyǵysynda batystan soǵatyn jeldiń ekpini 15–20 m/s jetedi. Kúndiz 35 gradýsqa deıin aptap ystyq bolady. 1–4 shilde aralyǵynda batysy men ońtústiginde órt qaýpi joǵary, soltústigi, shyǵysy jáne ortalyǵynda tótenshe órt qaýpi saqtalady. Taldyqorǵanda 1–4 shilde aralyǵynda tótenshe órt qaýpi saqtalady.

Qyzylorda oblysynda 1 shildede tótenshe órt qaýpi saqtalady. 

Jambyl oblysynda 1 shildede taýly aýdandarda soltústik-batystan soǵatyn jel 15–20 m/s kútiledi. Oblys boıynsha tótenshe órt qaýpi saqtalady, shyǵysynda — joǵary órt qaýpi. Tarazda 1 shilde kúni tótenshe órt qaýpi saqtalady.