1 shildeden neke Halyqqa qyzmet kórsetý ortalyǵynda qıylady
«Qazir «Neke jáne otbasy týraly» kodekske sáıkes Azamattyq hal-aktilerin tirkeý (AHAT ) bólimi týýdy, qaıtys bolý, neke (erli-zaıyptylyqty) qııý jáne buzý protsesin júrgizedi. Sonymen qatar aty-jóndi aýystyrýda, ata-ana atanǵanda, bala asyrap alǵan kezde, azamattyq hal akti jazbalaryn túzetip, qalpyna keltiredi jáne joıady. Sol sııaqty bastapqy jáne qaıtalama kýálikterdi, elektrondyq nysandaǵy nemese qaǵaz jetkizgishtegi anyqtamalardy, azamattyq hal aktileri jazbalarynyń kóshirmelerin beredi. Odan bólek, azamattyq hal aktilerin memlekettik tirkeý kitaptary men kýálik blankileriniń saqtalýyn qamtamasyz etedi», - delingen resmı habarlamada.
Prezıdenttiń 2014 jylǵy 25 tamyzdaǵy №898 «Qazaqstan Respýblıkasy Úkimetiniń deńgeıleri arasyndaǵy ókilettikterdi bólý jónindegi sharalar týraly» Jarlyǵyna sáıkes azamattyq hal aktilerin tirkeý fýnktsııalary jergilikti atqarýshy organdaryna berilgen.
Ádilet mınıstrliginde memlekettik derekter qorlaryn jáne aqparattyq júıelerdi júrgizý, ádistemelik jáne normatıvtik qamtamasyz etý fýnktsııalary qaldyryldy.
«2022 jylǵy 14 shildedegi «Qazaqstan Respýblıkasynyń keıbir zańnamalyq aktilerine ınnovatsııalardy yntalandyrý, tsıfrlandyrýdy, aqparattyq qaýipsizdikti damytý jáne bilim berý máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańy sheńberinde azamattyq hal aktilerin memlekettik tirkeý jónindegi fýnktsııa bıyl 1 shildeden bastap memlekettik korporatsııaǵa beriledi», - deıdi vedomstvodan.
Ádilet mınıstrligi AHAT fýnktsııasyn memlekettik korporatsııaǵa berýdiń faktorlaryn atap kórsetti.
«Búginde memlekettik korporatsııa halyqqa memlekettik qyzmet kórsetýdiń biryńǵaı provaıderi. Memlekettik korporatsııa áleýmettik tólemderdi resimdeý, jer ýchaskelerine qujattardy resimdeý, jyljymaıtyn múlikke quqyqtardy tirkeý, jyljymaly múlik kepilderin tirkeý, jyljymaıtyn múlik obektilerin tehnıkalyq tekserý, zańdy tulǵalardy tirkeý qyzmetterin qabyldaýdy jáne óńdeýdi shoǵyrlandyrdy. Joǵaryda aıtylǵandardy eskere otyryp, AHAT fýnktsııasyn memlekettik korporatsııaǵa berý AHAT qyzmetin joıýdy kózdemeıdi, olar tıisti quzyreti bar memlekettik korporatsııada ornalasady», - dep túsindirildi.
Neke týraly kodekstiń 13-babyna sáıkes, neke tirkeýshi organdarda ne arnaıy memlekettik neke saraılarynda qıylady. 2023 jyldyń 1 shildesinen bastap nekeni tirkeýshi organy bolyp memlekettik korporatsııa anyqtaldy.
2023 jylǵy 6 aqpandaǵy «Qazaqstan Respýblıkasynyń keıbir zańnamalyq aktilerine tsıfrlyq aktıvter jáne aqparattandyrý máseleleri boıynsha ózgerister men tolyqtyrýlar engizý týraly» Zańǵa sáıkes kodekstiń 182-babyna azamattyq hal aktilerin memlekettik tirkeý qyzmetterine aqy tóleý boıynsha ózgerister engizildi (2023 jylǵy 1 shildeden bastap qoldanysqa engiziledi).
Osyǵan baılanysty, azamattyq hal aktilerin memlekettik tirkegeni úshin kórsetiletin qyzmetterge aqy tóleý mólsherin Ádilet mınıstrligimen jáne monopolııaǵa qarsy organmen kelisim boıynsha memlekettik qyzmetter kórsetý salasyndaǵy ýákiletti organ (Tsıfrlyq damý, ınnovatsııalar jáne aeroǵarysh ónerkásibi mınıstrligi) aıqyndaıtyn bolady.
Bul rette kodekstiń 182-babyna sáıkes azamattyq hal aktilerin memlekettik tirkeý qyzmetteri úshin aqy tóleýden kelesi adamdar bosatylady:
1) Uly Otan soǵysynyń ardagerleri, jeńildikteri boıynsha Uly Otan soǵysynyń ardagerlerine teńestirilgen ardagerler jáne basqa memleketterdiń aýmaǵyndaǵy bo qımyldarynyń ardagerleri, Uly Otan soǵysy jyldarynda tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen nagradtalǵan adamdar, keminde alty adam jumys istegen (qyzmet etken) adamdar 1941 jylǵy 22 maýsymnan 1945 jylǵy 9 mamyrǵa deıin jáne Uly Otan soǵysy jyldaryndaǵy tyldaǵy qajyrly eńbegi men minsiz áskerı qyzmeti úshin burynǵy KSR Odaǵynyń ordenderimen jáne medaldarymen marapattalmaǵan, múgedektigi bar adamdar, sondaı-aq bala kezinen múgedektigi bar adamnyń ata-anasynyń biri, múgedektigi bar bala, qorǵanshylar (qamqorshylar) rastaıtyn qujattardy kórsetken kezde-azamattyq hal aktilerin memlekettik tirkegeni jáne azamattyq hal aktilerin memlekettik tirkeý týraly qaıtalama kýálikter men anyqtamalar bergeni úshin;
2) memlekettik uıymdar – týý týraly qaıtalama kýálikter bergeni úshin;
3) jeke tulǵalar – balanyń týýyn memlekettik tirkegeni jáne týý týraly kýálik bergeni úshin;
4) jeke tulǵalar – qaıtys bolý memlekettik tirkegeni jáne qaıtys bolý týraly kýálikterdi, qaıtalama kýálikterdi, anyqtamalar men habarlamalardy bergeni úshin;
5) jeke tulǵalar – azamattyq hal aktileriniń kúshin joıǵany úshin;
6) jeke tulǵalar - azamattyq hal aktilerin memlekettik tirkeý kezinde jiberilgen qatelikterge baılanysty azamattyq hal aktileriniń jazbalary ózgergen, tolyqtyrylǵan, qalpyna keltirilgen jáne túzetilgen kezde olarǵa kýálikter bergeni úshin;
7) jeke tulǵalar – Qazaqstan Respýblıkasy azamattarynyń áke bolýdy anyqtaýyna, balany asyrap alýyna baılanysty týýdy memlekettik tirkeý týraly akt jazbalaryna ózgerister, tolyqtyrýlar engizgeni jáne bala asyrap alýǵa jáne áke bolýdy anyqtaýǵa baılanysty Týý týraly qaıtalama kýálikter bergeni úshin.
Sol sııaqty aqparatta azamattyq hal aktilerin memlekettik tirkeý tirkeýshi organ – memlekettik korporatsııa qyzmetkerleri júrgizetini, atalǵan quzyret zańmen bekitilgeni aıtylǵan.
Kodekstiń 53-babyna sáıkes jeke ómir, jeke jáne otbasylyq qupııa zańnyń qorǵaýynda bolady.
Azamattyq hal aktilerin memlekettik tirkeýdi júzege asyratyn jumyskerler men qyzmetkerler, sondaı-aq jeke ómir týraly ózgeshe túrde habardar bolǵan basqa da adamdar jeke jáne otbasylyq qupııany saqtaýǵa mindetti.
Azamattardyń jeke jáne otbasylyq ómiri týraly málimetterdi jarııa etý Qazaqstan Respýblıkasynyń zańdarynda belgilengen jaýaptylyqqa ákep soǵady.
Kodekstiń 181-babyna sáıkes (2022 jylǵy 14 shildedegi zańy redaktsııasynda) akt kitaptarynyń birinshi danalary azamattyq hal aktisin bastapqy memlekettik tirkeý orny boıynsha – aýdannyń (qalanyń) tirkeýshi organynyń arhıvinde, ekinshi danasy oblystyń, respýblıkalyq mańyzy bar qalanyń, astananyń tirkeýshi organynyń arhıvinde saqtalady.
Osyǵan baılanysty muraǵattyq kitaptardyń saqtalýyn qamtamasyz etýdi zańnama talaptaryna sáıkes tirkeýshi organnyń qyzmetkerleri de júrgizedi.
«Sonymen qatar, AHAT fýnktsııalaryn memlekettik korporatsııaǵa berýde onyń qyzmetkerlerin jumysqa ornalastyrý boıynsha barlyq sharalar barynsha qabyldanatynyn atap ótemiz. Osyǵan uqsas jumysty Ádilet mınıstrligi memlekettik korporatsııaǵa zańdy tulǵalardy jáne jyljymaıtyn múlikke quqyqtardy tirkeý jónindegi fýnktsııalardy berý sheńberinde júrgizdi», - dep túsindirdi mınıstrlikten.