1 sáýirden bastap qaıtarymsyz grant alǵysy keletin elordalyq kásipkerlerden ótinishter qabyldanady

NUR-SULTAN. QazAqparat - Osy jyldyń 1-15 sáýir aralyǵynda elordada «Bıznestiń jol kartasy-2025» bıznesti qoldaý men damytýdyń memlekettik baǵdarlamasy aıasynda jańa bıznes-ıdeıalardy iske asyrý maqsatynda memlekettik granttar berý konkýrsyna qatysý úshin kásipkerlerden ótinimder qabyldaý júzege asyrylady, dep habarlaıdy qala ákimdiginiń resmı saıty.

Óz qyzmetin ekonomıkanyń basym sektorlarynyń sheńberinde júzege asyratyn, granttyq irikteýge qujattaryn tolyq kólemde usynǵan kásipkerler qatysa alady.

Baǵdarlama sharttaryna sáıkes keletin árbir kásipker grant berýge arnalǵan qoldanystaǵy sharttar bolmaǵan kezde bir bıznes-joba boıynsha jańa bıznes-ıdeıalardy iske asyrý úshin memlekettik granttar berý maqsatyndaǵy konkýrstyq irikteýge qatysýshy bola alady.

Jańa bıznes-ıdeıalardy iske asyrýǵa arnalǵan bıznes-jobanyń mindetti sharttary:

1) beriletin memlekettik grant kóleminiń keminde 10%-y mólsherinde ony iske asyrýǵa arnalǵan shyǵystardy kásipkerdiń, onyń ishinde bıznes-jobaǵa qatysatyn jyljymaly jáne/nemese jyljymaıtyn múlikpen (talap halyqtyń áleýmettik osal toptary úshin mindetti bolyp sanalmaıdy) qosa qarjylandyrýy (aqsha qarajatymen);

2) jańa jumys oryndaryn qurý;

3) kásipkerdiń bıznes-jobasynda ınfraqurylymnyń bolýy jáne/nemese jobany iske asyrý úshin jetkilikti ınfraqurylym qurý kózdelgen ınvestıtsııalyq jospardyń bolýy talap.

Kásipkerler jańa bıznes-ıdeıalardy iske asyrýǵa arnalǵan memlekettik grant qarajatyn mynadaı maqsatqa paıdalanady:

1) taýarlar shyǵarýǵa nemese qyzmetter kórsetýge qajetti negizgi quraldardy, shıkizat pen materıaldardy satyp alý;

2) materıaldyq emes aktıvterdi satyp alý;

3) tehnologııa satyp alý;

4) keshendi kásipkerlik lıtsenzııaǵa (franchaızıng) quqyqtardy satyp alý;

5) zertteý jumystarymen jáne/nemese jańa tehnologııalardy engizýmen baılanysty shyǵystar.

Jańa bıznes-ıdeıalardy iske asyrýǵa arnalǵan memlekettik grant qarajatyn myna maqsatqa paıdalanýǵa bolmaıdy:

1) jyljymaıtyn múlikti jáne/nemese jer ýchaskesin satyp alýǵa;

2) jaldaý aqysyn tóleý retinde;

3) úlestes/baılanysqan kompanııalardan/tulǵalardan negizgi quraldardy/aktıvterdi satyp alýǵa (kórsetiletin qyzmetterdi alýǵa/jumystardy oryndaýǵa);

4) buryn qoldanysta bolǵan negizgi quraldardy (jabdyqtardy) satyp alýǵa bolmaıdy.

Kásipkerdiń jańa bıznes-ıdeıalardy iske asyrýǵa arnalǵan memlekettik grant qarajatyn ıgerýi jeke tulǵadan avtokólikti satyp alý jaǵdaılaryn qospaǵanda, kásipkerlik sýbektisi retinde tirkelgen kontragent shotyna qolma-qol jasalmaıtyn tólem arqyly júzege asyrylady.

Bir kásipker úshin memlekettik grant somasy eki mln teńgeden bes mln teńgege deıin quraıdy.

Mynadaı kásipkerlerge grant berilmeıdi:

1) qaıta uıymdastyrý, taratý nemese bankrottyq satysyndaǵy, sondaı-aq qyzmeti Qazaqstan Respýblıkasynyń qoldanystaǵy zańnamasyna sáıkes toqtatylǵan;

2) salyqtar men memlekettik bıýdjetke basqa da mindetti tólemder boıynsha bereshegi bar;

3) qyzmetiniń negizgi túri jyljymaıtyn múlikti jalǵa berý bolyp sanalatyn;

4) memlekettik grant alýǵa ótinim bergen kezde beriletin memlekettik grant kóleminiń keminde 10 %-y mólsherinde bıznes-jobany iske asyrýǵa arnalǵan shyǵystardy birlesip qarjylandyrýyn (aqsha qarajatymen, bıznes-jobaǵa qatysatyn jyljymaly/jyljymaıtyn múlikpen) rastamaǵan (halyqtyń áleýmettik osal toptaryn qospaǵanda);

5) konkýrsqa qatysýshynyń kredıttik tarıhyna sáıkes qarjylyq mindettemeleri boıynsha merzimi ótken bereshegi bar kásipkerlerge granttar berilmeıdi.

Jańa bıznes-ıdeıalardy iske asyrý úshin memlekettik granttardy alýǵa úmitker kásipkerler ótinimge PDF formatyndaǵy qujattardyń mynadaı skanerlengen kóshirmelerin qosa beredi:

1) basshynyń qolymen jáne ótinish berýshiniń mórimen rastalǵan, ótinim berý kezindegi jaldamaly jumyskerlerdiń ortasha sany týraly anyqtama (bar bolsa);

2) Baǵdarlamanyń jáne (nemese) Qazaqstan Respýblıkasy Úkimetiniń 2018 jylǵy 13 qarashadaǵy № 746 qaýlysymen bekitilgen Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» baǵdarlamasy aıasynda kásipkerdiń oqýdan ótkenin rastaıtyn, eskirý merzimi 2 (eki) jyldan aspaıtyn qujat (bar bolsa);

3) beriletin memlekettik grant kóleminiń keminde 10%-y mólsherinde bıznes-jobany iske asyrýǵa arnalǵan shyǵystardy (bıznes-jobaǵa qatysatyn aqsha qarajatymen, jyljymaly/jyljymaıtyn múlikpen) qosa qarjylandyrýdyń bolýyn rastaıtyn qujattar, kásipkerdiń aǵymdaǵy shotynda aqsha qarajatynyń bolýy týraly banktik shottan úzindi kóshirme nemese bıznes-jobaǵa qatysatyn jyljymaly jáne/nemese jyljymaıtyn múliktiń baǵalaý qunyn rastaıtyn qujattar (halyqtyń áleýmettik osal toptaryn qospaǵanda);

4) ótinim berýshide halyqtyń áleýmettik osal toptaryna jatqyzý mártebesiniń bar ekenin rastaıtyn qujat (aqparattyq júıelerdiń ózara is-qımyly nátıjesinde málimetter túspegen jaǵdaıda);

5) kásipkerdiń ekonomıkanyń basym sektorlarynda qyzmetti júzege asyrýy týraly málimetteri bar jeke kásipkerdi tirkeý týraly habarlamanyń kóshirmesi.

Qosymsha suraqtar boıynsha «Nur-Sultan qalasynyń Investıtsııalar jáne kásipkerlikti damytý basqarmasy» MM-ge 556921, 556916, 556903 telefondary boıynsha habarlasýǵa bolady.