1 maýsymnan bastap YouTube-te beınehostıngti paıdalaný talaptary ózgeredi

NUR-SULTAN. QazAqparat – YouTube 1 maýsymnan bastap beınehostıngti paıdalaný talaptaryn ózgertedi, dep habarlaıdy QazAqparat kompanııaǵa silteme jasap.

YouTube – bul paıdalanýshylarǵa beınelerdi saqtaý, jetkizý jáne kórsetý qyzmetterin usynatyn beıne hostıng. YouTube eń tanymal beınehostıngke jáne kirýshiler sany boıynsha álemdegi ekinshi saıtqa aınaldy.

«2021 jyldyń 1 maýsymynda adamdy onyń ruqsatynsyz anyqtaı alatyn kez-kelgen aqparatty jınaýǵa tyıym salý úshin biz YouTube-tiń paıdalaný sharttaryn jańartamyz jáne servıste kontentti qalaı monetızatsııalaıtynymyzdy túsindiremiz»,- delingen kompanııanyń beınehostıngtiń «Paıdalaný talaptarynda»

Beınehostıng platformada ornalastyrylǵan barlyq beınelerge jarnamalyq rolıkterdi biriktire bastaıdy.

Qazirgi ýaqytta seriktestik baǵdarlamasyna qosylǵan arnalarda jarııalanǵan beınelerge jarnama engizilgen. Oǵan qatysý úshin eki shartty oryndaý kerek: jazylýshylar sany keminde myń adam bolýy qajet, al jylyna qaralymnyń jalpy ýaqyty tórt myń saǵatty quraýy kerek.