1 qyrkúıek. Tulǵalar týǵan kún

Búgin, 1 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.

ESІMDER

76 jyl buryn (1948) Qazaqstan Respýblıkasynyń kórnekti memleket qaıratkeri Baqtyqoja Salahıtdınuly ІZMUHAMBETOV dúnıege keldi.

Atyraý oblysynda týǵan. Ýfa munaı ınstıtýtyn bitirgen. Tehnıka ǵylymynyń doktory, QR Mıneraldyq resýrstar akademııasynyń, Halyqaralyq mıneraldyq resýrstar akademııasynyń korrespondent múshesi, Qazaqstan Respýblıkasy Injenerlik akademııasynyń akademıgi.

Eńbek joly: 1973-1983 jyldary «Qazmunaıgazbarlaý» basqarmasynyń aǵa ınjeneri, tehnıkalyq mólsherleý jáne eńbekti ǵylymı uıymdastyrý otrıadynyń bastyǵy, zerthana meńgerýshisi, bólim meńgerýshisi, Qazaq geologııalyq barlaý ǵylymı-zertteý ınstıtýty dırektorynyń orynbasary. 1983-1987 jyldary Sovet Odaǵynyń Iemendegi munaı barlaý ekspedıtsııasynyń aǵa ınjeneri. 1987-1991 jyldary Qazaq geologııalyq barlaý ǵylymı-zertteý ınstıtýtynyń zerthana meńgerýshisi, Atyraý tájirıbelik-ádistemelik ekspedıtsııasynyń bas tehnology, bastyǵy. 1991-1993 jyldary Qazaqstan Respýblıkasy Geologııa jáne jer qoınaýyn qorǵaý mınıstrligi tereń uńǵymalardy ıgerý jáne burǵylaý tehnologııalary bóliminiń bastyǵy, Munaı jáne gaz basqarmasynyń bastyǵy. 1993-2003 jyldary «QazaqTúrikMunaı» jaýapkershiligi shekteýli seriktestigi birikken kásiporynynyń bas dırektory, «QazMunaıGaz» ulttyq kompanııasy» jabyq aktsıonerlik qoǵamynyń teńiz jobalary jónindegi atqarýshy dırektory, «Qazmunaıteńiz» teńiz munaı kompanııasy» jabyq aktsıonerlik qoǵamynyń bas dırektory, «QazMunaıGaz» ulttyq kompanııasy» jabyq aktsıonerlik qoǵamynyń birikken kásiporyn úlesterin basqarý jónindegi basqarýshy dırektory. 2003-2007 jyldary Qazaqstan Respýblıkasy Energetıka jáne mıneraldy resýrstar birinshi vıtse-mınıstri, mınıstri qyzmetterin atqarǵan. 2007 jylǵy tamyzdan 2012 jylǵy qańtarǵa deıin Batys Qazaqstan oblysynyń ákimi. 2012 jylǵy qańtardan tamyz aıyna deıin QR Parlamenti Májilisi tóraǵasynyń orynbasary. Keıinnen Atyraý oblysynyń ákimi (2012-2016), QR Parlamenti Májilisi tóraǵasy (2016 jylǵy naýryz-maýsym) qyzmetterin atqardy. «Ardagerler uıymy» Respýblıkalyq qoǵamdyq birlestiginiń jetekshisi (2016 jyldan). Qazaqstan Respýblıkasy Parlamenti Májilisiniń VI shaqyrylymynyń depýtaty, Halyqaralyq ister, qorǵanys jáne qaýipsizdik komıtetiniń múshesi (2016-2021).

«Qurmet» ordenimen marapattalǵan.

64 jyl buryn (1960) VIII saılanǵan Qazaqstan Respýblıkasy Parlamenti Májilisiniń depýtaty, Ekonomıkalyq reformalar jáne óńirlik damý komıtetiniń tóraǵasy Albert Pavlovıch RAÝ dúnıege keldi.

Qostanaı oblysynyń Taranov aýdanynda týǵan. Rýdnyı ındýstrııa ınstıtýtyn, RF Prezıdenti janyndaǵy Reseı memlekettik qyzmet akademııasyn bitirgen.

1992-1993 jyldary Lısakov qalalyq keńesiniń tóraǵasy. 1993-1994 jyldary Lısakov qalalyq ákimshiligi basshysynyń orynbasary. 1994-2004 jyldary Lısakov qalalyq ákimshiliginiń basshysy, ákimi. 2004-2006 jyldary Qostanaı oblysy ákiminiń orynbasary. 2006-2007 jyldary «Saryarqa» ÁKK dırektorlar keńesiniń tóraǵasy. 2008-2010 jyldary Aqmola oblysynyń ákimi qyzmetterin atqarǵan. 2010-2014 jyldary QR Indýstrııa jáne jańa tehnologııalar mınıstrliginiń birinshi vıtse-mınıstri. 2014-2016 jyldary QR Investıtsııalar jáne damý mınıstriniń orynbasary. 2016-2017 jyldary QR Investıtsııalar jáne damý birinshi vıtse-mınıstri.2017-2021 jyldary Qazaqstan Respýblıkasy Parlamenti Májilisiniń depýtaty, Qarjy jáne bıýdjet komıtetiniń múshesi.

2023 jyldyń naýryz aıynan bastap qazirgi qyzmetinde.

2-dárejeli «Dostyq» ordenimen, 3-dárejeli Barys ordenimen, «Astanaǵa 10 jyl» mereıtoılyq medalimen marapattalǵan.

58 jyl buryn (1966) QR ishki ister mınıstriniń orynbasary – Ulttyq ulanynyń Bas qolbasshysy Erkin Sovetbekuly BOTAQANOV dúnıege keldi.

Shyǵys Qazaqstan oblysynda týǵan. 1987 jyly Keńes Odaǵynyń Marshal atyndaǵy Almaty joǵary komandalyq ýchılışesin, 2003 jyly Qazaqstan Respýblıkasy Qarýly Kúshteriniń Áskerı akademııasyn, 2014 jyly Reseı Federatsııasy Qarýly Kúshteri Bas shtabynyń Áskerı akademııasyn aıaqtaǵan.

Eńbek joly: 1987 jyldan bastap 2009 jylǵa deıin vzvod komandırinen Іshki áskerler quramynyń komandırine deıin túrli laýazymdarda qyzmet etti. 2009-2010 jyldary Іshki áskerler Qolbasshysynyń orynbasary - Qazaqstan Respýblıkasy ІІM Іshki áskerleri komıtetiniń tóraǵasynyń orynbasary. 2010-2013 jyldary Іshki áskerler qolbasshysynyń birinshi orynbasary - Bas shtab bastyǵy - Qazaqstan Respýblıkasy ІІM Іshki áskerleri komıtetiniń tóraǵasynyń orynbasary.2013 jylǵy mamyrdan shildege deıin Іshki áskerler bas qolbasshysynyń birinshi orynbasary - Bas shtab bastyǵy - Qazaqstan Respýblıkasy ІІM Іshki áskerleri komıtetiniń tóraǵasynyń orynbasary. 2014 jylǵy 16 shildeden bastap - Qazaqstan Respýblıkasy Ulttyq ulany «Ortalyq» óńirlik qolbasshylyǵynyń qolbasshysy. 2020 jyldyń 7 tamyzdan bastap – Ulttyq ulan Bas qolbasshysynyń Birinshi orynbasary – Bas shtabynyń bastyǵy.

2022 jylǵy 19 qantardan bastap Qazaqstan Respýblıkasy Іshki ister Mınıstriniń orynbasary – Ulttyq ulanynyń Bas qolbasshysy.

II dárejeli «Dańq» ordenimen, ІІ dárejeli «Aıbyn» ordenimen, Qazaqstan Respýblıkasynyń 15 medalimen, Belarýs Respýblıkasynyń 2 medalimen, SSSR-diń 1 medalimen, Tájikstan Respýblıkasynyń 2 medalimen, Qyrǵyz Respýblıkasynyń 1 medalimen marapattalǵan.

46 jyl buryn (1978) «Astana» óńirlik qolbasshylyǵy áskerleriniń qolbasshysy Erjan Ýaqasuly IBRAEV dúnıege keldi.

Semeı qalasynda týǵan. Almaty joǵary áskerı ýchılışesin taktıkalyq motoatqyshtar áskerleriniń komandıri mamandyǵy boıynsha bitirgen (1995); Jedel-taktıkalyq basqarý (menedjment) mamandyǵy boıynsha Ulttyq qorǵanys ýnıversıteti (2009); Reseı Qarýly Kúshteri Bas shtabynyń Áskerı akademııasy, mamandyǵy: «Ulttyq qaýipsizdik jáne memlekettik qorǵanys» (2020).

Eńbek joly: leıtenanttan polkovnıkke deıin áskerı qyzmettiń barlyq deńgeıinen ótti; vzvod komandırinen áskerler qolbasshysynyń orynbasaryna deıin (1995-2017 jyldary) túrli laýazymdarda qyzmet etti.

2023 jyldyń qarasha aıynan bastap qazirgi qyzmetinde.

103 jyl buryn (1921-2006) qazaq ǵalymy, geologııa-mınerologııa ǵylymdarynyń doktory, professor, Qazaqstan Respýblıkasy Ulttyq Ǵylym akademııasynyń akademıgi, Aleksandr Skochınskıı atyndaǵy syılyqtyń ıegeri Maǵaýııa Álimhanuly ERMEKOV dúnıege kelgen.

Shyǵys Qazaqstan oblysynda týǵan. Qazaq taý-ken ınstıtýtyn (qazirgi Qanysh Sátbaev atyndaǵy Qazaq Ulttyq tehnıkalyq ýnıversıteti), osy ınstıtýttyń aspırantýrasyn bitirgen.

1950-1958 jyldar aralyǵynda SSSR kómir ónerkásibi mınıstrliginiń Qaraǵandy qalasyndaǵy «Qazaqkómir geologııa» tresinde geolog, aǵa geolog, top jetekshisi qyzmetterin atqarady. 1958-1963 jyldar aralyǵynda SSSR kómir ónerkásibi mınıstrliginiń Qaraǵandy qalasyndaǵy Qazaqstan Ǵylym akademııasynyń hımııa-metallýrgııa ınstıtýtynda kafedra meńgerýshisi, 1963-1970 jyldar aralyǵynda SSSR kómir ónerkásibi mınıstrliginiń Qaraǵandy qalasyndaǵy Qazaq taý-ken qaýipsizdigi ǵylymı-zertteý ınstıtýtynyń aǵa ǵylymı qyzmetkeri, zerthana bastyǵy, 1970-1989 jyldar aralyǵynda Qaraǵandy polıtehnıkalyq ınstıtýtynyń (qazirgi Qaraǵandy memlekettik tehnıkalyq ýnıversıteti) geologııa kafedrasynyń meńgerýshisi qyzmetterin atqarǵan. 1989 jyldan Qaraǵandy memlekettik tehnıkalyq ýnıversıtetiniń professory boldy. Negizgi ǵylymı eńbekteri kómir alaptaryndaǵy gazdy qabattardy barlaý, onymen kúres júrgizý máselelerine arnalǵan. Qaraǵandy kómir basseıniniń gazdy qabattarynyń kartasyn jasaǵan.

1-dárejeli «Otan soǵys» ordenimen, kóptegen medaldarmen marapattalǵan.