1 qarasha. Tulǵalar týǵan kún
Búgin, 1 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
51 jyl buryn (1973) VIII saılanǵan Almaty qalasy máslıhatynyń depýtaty Ámirjan Ámirjanuly NÁBIEV dúnıege keldi.
Almaty qalasynda dúnıege kelgen. 1995 jyly ál-Farabı atyndaǵy QazMÝ-di «Psıhologııa» mamandyǵy boıynsha, 2017 jyly ál-Farabı atyndaǵy QazUÝ-di «Quqyqtaný» mamandyǵy boıynsha zań ǵylymdarynyń magıstri dárejesimen bitirgen.
Eńbek jolyn 1999 jyly Aqtaý qalasyndaǵy «RMZ» AQ (Jóndeý-mehanıkalyq zaýyty) marketıng jáne basqarý departamentiniń dırektory qyzmetinen bastady. 2009-2010 jyldary «Almatyteplokommýnenergo» AQ dırektorlar keńesiniń tóraǵasy boldy. 2002 jyly «Atrıks-Stroı» JShS qurylys kompanııasyn basqardy.
«AMANAT» partııasynyń múshesi.
2014-2016 jyldary V saılanǵan Almaty qalasy máslıhatynyń depýtaty, 2016-2021 jyldary VI saılanǵan Almaty qalasy máslıhatynyń depýtaty, Eńbek, jumyspen qamtý jáne kólikti damytý máseleleri jónindegi turaqty komıssııasy tóraǵasynyń orynbasary, 2021-2023 jyldary VІI saılanym Almaty qalasy máslıhatynyń depýtaty boldy.
Qazirgi qyzmetin 2023 jyldyń naýryz aıynan bastap atqaryp keledi.
«Qurmet» ordenimen, QR Prezıdentiniń, QR Parlamenti Senatynyń, Almaty qalasy ákiminiń Alǵys hattarymen, «Zańǵar» tós belgisimen, «AMANAT» partııasynyń Qurmet gramotalarymen, merekelik medaldarmen marapattalǵan. «Qazaqstan máslıhattarynyń Qurmetti depýtaty» ataǵyna ıe.
46 jyl buryn (1978) Qyzylorda oblysy boıynsha ekonomıkalyq tergep-tekserý departamentiniń basshysy Aslan KEŃES dúnıege keldi.
Soltústik Qazaqstan oblysynda dúnıege kelgen. 2001 jyly QR UQK Áskerı ınstıtýtyn, 2013 jyly Halyqaralyq bıznes akademııasyn bitirgen.
Eńbek jolyn 2000 jyly QR Prezıdentiniń Kúzet qyzmetinde bastap, ár jyldary qarjy sektorynda túrli laýazymda qyzmet atqarǵan. 2019-2020 jyldary Qarjy mınıstrligi Qarjy monıtorıngi komıtetiniń jedel departamenti jedel basqarmasynyń aǵa ýákili, basshysy bolyp jumys istegen. 2020-2023 jyldary Qarjy monıtorıngi agenttigi Batys Qazaqstan oblysy boıynsha ekonomıkalyq tergeý departamenti basshysynyń orynbasary qyzmetin atqarǵan. Qarjy monıtorıngi agenttigi jedel departamenti basshysynyń orynbasary laýazymyn atqardy.
Qazirgi qyzmetin 2024 jyldyń tamyz aıynan beri atqaryp keledi.
41 jyl buryn (1983) «Qazatomónerkásip-Damý» JShS Bas dırektory Nurbek Jánibekuly KÁRІBJANOV dúnıege keldi.
2007 jyly University College London «Bachelor of science - Economics» mamandyǵy boıynsha bitirgen.
Eńbek joly: 2007 jyly «Tolqyn bıdaı» JShS bas ekonomısi, Livasiri&Co, Gonkongta TMD elderindegi ınvestıtsııa máseleleri boıynsha bas keńesshisi, 2007-2008 jyldary «Qazyna» TDQ» AQ Investıtsııalardy damytý departamentiniń menedjeri, 2009-2011 jyldary «Samuryq-Qazyna Invest» JShS taý-ken jáne hımııa ónerkásibindegi ınvestıtsııalyq jobalar departamentiniń bas menedjeri, 2011-2013 jyldary «Samuryq-Qazyna Invest» JShS taý-ken hımııa ónerkásibindegi ınvestıtsııalyq jobalar departamentiniń dırektory, 2013 jyly «Qazatomónerkásip» UAK» AQ Jańa jobalar basqarmasy ınvestıtsııalyq jobalar jónindegi bas menedjeri, 2013-2015 jyldary «Qazatomónerkásip» UAK» AQ ınvestıtsııalyq jobalar basqarmasynyń basshysy qyzmetin atqarǵan.
91 jyl buryn (1933-2022) Qazaqstan Respýblıkasy Ulttyq ǵylym akademııasynyń akademıgi, Qazaqstan Respýblıkasy Tabıǵı ǵylymdar akademııasynyń akademıgi, zań ǵylymynyń uıymdastyrýshysy, teoretıgi, Sh. Ýálıhanov atyndaǵy syılyqtyń laýreaty Murat Tájimuratuly BAIMAHANOV dúnıege kelgen.
Almaty qalasynda týǵan. Máskeý Memlekettik ýnıversıtetin bitirgen.
Eńbek joly: 1962-1992 jyldary Fılosofııa jáne quqyq ınstıtýtynyń (Memleket jáne quqyq ınstıtýty) ǵylymı qyzmetkeri, ǵylymı hatshysy, bólim meńgerýshisi, dırektor orynbasary, Instıtýttyń dırektory bolyp eńbek etti. 1992-1995 jyldary QR Konstıtýtsııalyq sotynyń tóraǵasy, 1995-1996 jyldary «Qaınar» ýnıversıtetiniń prorektory, 1996 jyly «Ádilet» Joǵary quqyq mektebiniń ǵylymı jumys jónindegi prorektory, 1996-2002 jyldary «Qaınar» ýnıversıtetiniń prorektory, zań fakýltetiniń dekany qyzmetterin atqardy. 2005-2008 jyldary Qazaq memlekettik zań ýnıversıtetiniń memleket jáne quqyq teorııasy men tarıhy kafedrasynyń meńgerýshisi, 2008 jyldan Qazaq memlekettik zań ýnıversıtetiniń janyndaǵy Ǵylymı saraptama jáne taldaý ınstıtýtynyń dırektory boldy.
300-den astam ǵylymı eńbek jazǵan, sonyń 20-sy – monografııa. Qazaqstan Respýblıkasynyń Konstıtýtsııasyn, memlekettik basqarý organdary týraly zań jobasyn jazýǵa qatysqan. AQSh, Frantsııa, Brazılııa jáne basqa elderde ótken halyqaralyq kongresterde baıandama oqyǵan.
QazKSR Joǵarǵy keńesiniń medaldarymen, qurmet gramotalarymen marapattalǵan.
88 jyl buryn (1936-2015) Qazaqstannyń halyq ártisi, eńbek sińirgen óner qaıratkeri, kórnekti kompozıtor Bazarbaı Saǵadıuly JUMANIıAZOV dúnıege keldi.
Batys Qazaqstan oblysynda týǵan. 1951-1955 jyldary Oral pedagogıkalyq ýchılışesinde, 1956-1958 jyldary Abaı atyndaǵy akademııalyq opera jáne balet teatrynyń janyndaǵy hor stýdııasynda bilim alǵan. 1965 jyly Almaty konservatorııasyn (qazirgi Qazaq ulttyq konservatorııasy) professor E.G.Brýsılovskıı klasy boıynsha bitirgen.
Eńbek joly: 1964-1965 jyldary «Qazaqfılm» kınostýdııasynda mýzykalyq redaktor, 1965-1966 jyldary «Mektep» baspasynda mýzyka redaktsııasynyń meńgerýshisi boldy. 1966-1973 jyldary Almaty konservatorııasynda pedagogıkalyq qyzmetpen shuǵyldandy, 1973-1984 jyldary Qazaqstan kompozıtorlar odaǵynyń ekinshi hatshysy, KSRO Kompozıtorlar odaǵy basqarmasynyń múshesi, 1984-1987 jyldary Qazaq akademııalyq opera jáne balet teatrynyń dırektory, 1991-1998 jyldary Kompozıtorlar odaǵynyń birinshi hatshysy qyzmetterin atqarǵan.
Tuńǵysh mýzykalyq shyǵarmasy – «Jer» (O.Súleımenov sózine jazylǵan) oratorııasy. Sondaı-aq onyń «Mahambet» operasy (1990 jyl), «Otan týraly kantata» (1972 jyl), «Eńbek dańqy» (1974 jyl), «Otan saltanaty» (1974 jyl), «Merekelik sherý» (1980 jyl), «Dostyq» (1980 jyl), «Keń baıtaq Otanym meniń» (1988 jyl) kantatalary; «Halqym týraly án» (1969 jyl), «Kek áni» (1978 jyl), «1731» atty vokaldy-sımfonııalyq poemalary; «Dala» (1976 jyl) sımfonııalyq kartınasy; «Qýanysh» (1980 jyl) sımfonııalyq kúıi; sımfonııalyq orkestrge arnalǵan eki sıýıtasy (1985, 1987 jyl); «Aıtys» (1972 jyl) atty vokaldy-horeografııalyq kompozıtsııasy, «Aqyrzaman jastary» (Abaı sózine, 1995 jyl), «Jambyl toıy - el toıy» (K.Salyqov sózine jazylǵan, 1996 jyl), «Jambyl - Qulmambet» (T.Moldaǵalıev, 1996 jyl) kantatalary jáne kóptegen ánderi men romanstary bar.
Sazger 10 spektakl men 18 kınofılmge mýzyka jazdy. Ol 1970 jyly Oljas Súleımenovtiń «Adamǵa tabyn jer, endi!» atty poemasyna arnap jazǵan 5 bólimdi kantatasy úshin Búkilodaqtyq jastar odaǵy syılyǵynyń laýreaty atandy. 1986 jyly «Halyqtar dostyǵy» jáne 1999 jyly «Parasat» ordenimen marapattalǵan.
