1 aptada elimizde 2 647 qylmys jasaldy
Elimizdiń aýmaǵynda apta ishinde 2 647 qylmys jasaldy. Bul týraly Іshki ister mınıstrligi baspasóz qyzmetiniń ókili Shuǵyla Turlybek aıtty, dep habarlaıdy Kazinform.
«Bir apta ishinde 2 647 qylmys jasaldy, onyń 1 645-si táýlik ishinde ashyldy. Polıtsııa qyzmetkerleri «izin sýytpaı» 10 kisi óltirýdi, 8 ólimge ákep soqqan densaýlyqqa qasaqana aýyr zııan keltirýdi, 25 tonaý jáne 318 bóten múlikti urlaý qylmystaryn ashty», - dedi Shuǵyla Turlybek mınıstrliktiń bapasóz qyzmeti alańynda ótken brıfıngte.
Esterińizge sala ketsek, munyń aldyndaǵy aptada respýblıkada 2 613 qylmys jasalǵan bolatyn. Onyń 1 602-si táýlik ishinde ashylǵan edi. Polıtsııa qyzmetkerleri 10 kisi óltirý, 11 ólimge ákep soqqan densaýlyqqa qasaqana aýyr zııan keltirý qylmysyn izin sýytpaı anyqtaǵan-dy.
