Keı óńirlerde jıhaz baǵasy 33% deıin qymbattady

Elimizde bir jyldyń ishinde jıhaz baǵasy 19 paıyzǵa qymbattady, dep habarlaıdy QazAqparat tilshisi.

Energyprom.kz portalynyń málimetinshe, osy jyldyń qańtar-tamyz aılarynyń qorytyndysynda elimizde 51,7 mlrd teńgeniń jıhazy shyǵaryldy. Bul kórsetkish qundyq mánde 1 jyl burynǵy kórsetkishten 25,2 paıyzǵa joǵary.

Óńirler arasynda Almaty qalasynda eń kóp jıhaz óndirildi. Qalada shyǵarylǵan jıhaz 13,7 mlrd teńgege baǵalanady. Bul bir jyl burynǵy kórsetkishten 14 paıyzǵa kóp.

Ekinshi jáne úshinshi oryndarda Qaraǵandy (1 jylda 57,9 paıyz ósimmen 4,9 mlrd teńge) jáne Almaty (58 paıyz ósimmen 4,7 mlrd teńge) oblystary tur.

Birinshi jartyjyldyqtyń qorytyndysynda jergilikti kompanııalar metall oryndyqtar men otyrýǵa arnalǵan ózge de jıhazdarmen ishki naryqty 32,6 paıyzǵa qamtamasyz etti.

Sonymen otandyq kompanııalar keńsege arnalǵan aǵash jıhazben — 77,3, saýda-sattyqqa arnalǵan jıhazdarmen — 67,5, as úı jıhazymen — 63, matrastarmen 56,9 paıyzǵa qamtı aldy.

Osy jyldyń tamyz aıynyń qorytyndysynda jıhazdar men turmystyq zattao baǵasy bir jyldyń ishinde 19,2 paıyzǵa qymbattady.

Qymbatshylyq Shyǵys Qazaqstan (+33,1 paıyz), Aqmola (+31,1), Qaraǵandy (+29,6), Almaty (26,6) jáne Qostanaı (+25,9) oblystarynda baıqaldy.

Eń tómen ósim Mańǵystaý oblysynda tirkeldi: 4,3 paıyz.