Sporttan Astana quramasyna qosylý úshin qandaı talaptar qoıylady
Astanada olımpıadalyq emes sport túrleri boıynsha da qurama komandalar jasaqtalyp, qoldaý kórsetiledi. Bul týraly Astana qalasy ákimdigi Sporttyń olımpıadalyq emes túrleri boıynsha damytý dırektsııasynyń basshysy Dastan Aldashov aıtyp berdi, dep habarlaıdy QazAqparat tilshisi.
2020 jyldyń qarasha aıynda Astanada sport túrleri boıynsha quramalardy sapaly jáne tıimdi daıarlaý, halyqaralyq jáne respýblıkalyq sporttyq sharalarǵa, joǵarǵy nátıjelerge qol jetkizý úshin Astana qalasy ákimdiginiń sporttyq olımpıada emes túrleri boıynsha damytý dırektsııasy óz qyzmetin bastaǵan.
Dırektsııa mindetterine sportshylardyń sheberligin arttyrý jáne sport arenasynda tabysty óner kórsetýi úshin elordanyń qurama komandalaryn irikteý, qalyptastyrý, daıarlaý jáne qoldaý kórsetý kiredi. Sonymen birge, Astana qalasy qurama komandasynyń sportshylaryn QR Ulttyq qurama komandalarynyń negizgi quramyna daıarlaýdy júrgizedi, elordanyń olımpıadalyq emes, ulttyq jáne tehnıkalyq sport túrlerin damytyp, elorda sportshylarynyń sporttyq rezervin daıarlaıdy.
«Astana qurama komandasyna kirý úshin belgili bir sporttan Astana qalasynyń chempıonatynda nemese respýblıkalyq jarysta úzdik nátıje kórsetý kerek. ıAǵnı, birinshi, ekinshi, úshinshi oryndardy ıelenip, sporttyq jarys hattamasymen Astana qalasynyń qurama komandasy tizimine tirkeledi. Qalanyń qurama komandasyna kirgen barlyq sportshylardy bizdiń dırektsııa sporttyq jabdyqtarmen qamtamasyz etedi», - dedi D. Aldashov Astana qalasynyń kommýnıkatsııalar qyzmetinde ótken brıfıngte.
Bıyl dırektsııada sporttyń 58 túri tirkelgen. Sport túrleri boıynsha qala komandalary quramynda – 2 378 sportshy, onyń ishinde 4 Eńbek sińirgen sport sheberi, halyqaralyq dárejedegi 112 sport sheberi, 194 sport sheberi, 393 sport sheberine kandıdattar bar, QR Ulttyq quramalaryna 565 sportshy engen.
«Aı saıyn aqshalaı qarajat alatyn sport túrleri boıynsha Astananyń shtattyq komandasynda 65 sportshy bar. Bıylǵy qańtar-maýsym aılarynda 30 sportshy QR halyqaralyq dárejedegi sport sheberi, 27 adam – QR sport sheberi, 71 adam – QR sport sheberine úmitker ataqtaryn oryndaǵan. Bul aralyqta Astana quramasynyń sportshylary 141 respýblıkalyq jáne halyqaralyq jarystarǵa qatysty, respýblıkalyq jarystarda 380 altyn, 295 kúmis jáne 279 qola medal jeńip aldy. Halyqaralyq jarystarda – 89 altyn, 68 kúmis jáne 78 qola qanjyǵaǵa baılandy», - deıdi dırektsııa basshysy.
