Aqtaý qalasyna jańa ákim taǵaıyndaldy
Mańǵystaý oblysynyń ákimi Nurlan Noǵaev Aqtaý qalalyq máslıhatynyń depýtattaryna qyzmetinen óz erkimen ketken Erbol Іzbergenovtiń ornyna qala ákimi laýazymyna jańa kandıdatty usyndy, dep habarlaıdy QazAqparat tilshisi.
Prezıdent Ákimshiligimen kelisilgen jańa kandıdat — buǵan deıin Mańǵystaý oblysy ákiminiń orynbasary qyzmetin atqarǵan Ulyqbek Tnalıev.
Ulyqbek Tnalıev Atyraý munaı jáne gaz ınstıtýtynyń bakalavrıatyn «Tehnologııalyq mashınalar men jabdyqtar» mamandyǵy boıynsha bitirgen, «Tehnıka ǵylymdary» magıstri, sondaı-aq «Ekonomıka jáne bıznes» magıstri akademııalyq dárejesine ıe.
Eńbek jolyn 2006 jyly azamattyq qoǵam jáne jastar saıasaty salasynda bastaǵan.
Atyraý oblysy Mahambet aýdany ákiminiń orynbasary, Atyraý oblysy jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary, Atyraý qalasy ákiminiń orynbasary qyzmetterin atqardy.
2020 jyldan 2022 jylǵa deıin qoǵamdyq-saıası jumys basqarmasynyń basshysy, Aqparat jáne qoǵamdyq damý mınıstrligi departament dırektory qyzmetterin atqardy.
2022 jyldyń maýsymynan búgingi kúnge deıin Mańǵystaý oblysy ákiminiń orynbasary boldy.
Qalalyq máslıhat depýtattary Tnalıevtiń kandıdatýrasyn qoldady.
Aıta keteıik, Aqtaý qalasynyń burynǵy ákimi Erbol Іzbergenov óz erkimen qyzmetinen ketken edi.
