Ákimdikterdiń sharýalar aldyndaǵy sýbsıdııa qaryzy 155,5 mlrd teńgege jetken

Aýyl sharýashylyǵy mınıstri Aıdarbek Saparov Úkimet otyrysynda ákimdikterdiń sharýalar aldyndaǵy sýbsıdııa qaryzy 155,5 mlrd teńgege jetkenin aıtty, dep habarlaıdy QazAqparat. 

«Qazirgi tańda ákimdikterdiń derekteri boıynsha fermerlerdiń aldyndaǵy sýbsıdııalaý boıynsha qaryzdardy óteýge degen qajettilik 155,5 mlrd teńge bolyp otyr. Fermerler osy sýbsıdııalar somasyn jyldyń sońyna deıin tóleýdi surap otyr», - dedi mınıstr Úkimet otyrysynda.

Aıdarbek Saparov «Qazaqstan temir joly» ulttyq kompanııasynyń astyq tasıtyn vagondardyń ýaqtyly jetkizilýin qamtamasyz etýi mańyzdy ekenin eske saldy.

«Ulttyq gaz operatory tarapynan astyqty keptirýdi júzege asyratyn kásiporyndarǵa gaz tolyq kólemde berilýge tıis.
Fermerlerdiń negizgi ótinishteriniń biri – «Azyq-túlik korporatsııasynyń» azyq-túlik pen jemge qajetti astyqty tikeleı satyp alý sharasy. Onyń naryqtyq baǵamen satyp alý úshin 20 mlrd teńge qajet», - dedi Aýyl sharýashylyǵy mınıstri.