Astyq baǵasy tómendese de, nan arzandamady – mınıstr

Elimizde nan baǵasy astyqtyń tonnasy 160 myń teńgege kóterilgenge deıin saqtalady. Bul týraly Aýyl sharýashylyǵy mınıstri Aıdarbek Saparov aıtty, dep habarlaıdy QazAqparat tilshisi.

Búginde dúkende nan baǵasy 92 teńge jáne odan joǵary. Ár dúkende baǵa ártúrli. Astyqtyń tonnasy 160 myń teńge bolǵan kezde nan baǵasy qymbattady. Biraq, astyq baǵasy tómendegende nan arzandaǵan joq. Naryqta astyqtyń tonnasy 105-110 myń teńge, onyń ústine dánmańyzy joǵary. Sondyqtan da astyq tonnasy 160 myń teńgege deıin kóterilgenshe nan baǵasy saqtalady. Osy oraıda naýbaıhanalardan da baǵa nege arzandamaǵanyn suraǵan jón, - dedi mınıstr Ortalyq kommýnıkatsııalar qyzmetindegi brıfıngte.

Aıdarbek Saparovtyń dereginshe, bıyl 16 mln tonna astyq bastyrylady degen boljam bar. Budan bólek, ótken jyldan 3 mln tonna astyq qalyp otyr.