Aqtaýda aýrýhanadan órt shyǵyp, 470 adam evakýatsııalandy

6 qabatty Mańǵystaý oblystyq aýrýhanasynyń 3-qabatynan órt shyǵyp, 470 adam evakýatsııalandy. Bul týraly Mańǵystaý oblystyq Tótenshe jaǵdaılar departamentiniń baspasóz qyzmetinen málim etti, dep habarlaıdy QazAqparat tilshisi.

“20 qyrkúıek kúni saǵat 22:38-de Aqtaý qalasynyń 26 shaǵyn aýdany 71/3 ǵımaraty, ıaǵnı oblystyq aýrýhanada órt shyqqany týraly aqparat tústi. Tótenshe jaǵdaılar departamentiniń kúsh-quraldary shaqyrýǵa jiberildi. Oqıǵa ornyna jetkennen keıin 6 qabatty ǵımarattyń 3-qabatyndaǵy ýrologııa bólimshesinen jeldetý kanalynda janý oshaǵy tabyldy”, - delingen baspasóz málimetinde.

Aýrýhanadan 470 adam evakýatsııalanǵan. Onyń 150-i tótenshelikterdiń kúshimen shyǵarylǵan.

Zardap shekkender men jaraqat alǵandar tirkelmegen.

Órt saǵat 23:31-de sóndirilgen.

Tutanýdyń sebebi anyqtalǵan.

Aıta keteıik, qazir Mańǵystaý oblystyq aýrýhanasy shtattyq rejımde jumys istep jatyr.